Isaias 11:1-16
11 Addanto saringit+ nga agtubo iti puon ni Jesse,+Ket agbunganto ti tarubong+ nga agtaud kadagiti ramutna.
2 Agtalinaedto kenkuana ti espiritu ni Jehova,+Ti espiritu ti kinasirib+ ken pannakaawat,Ti espiritu ti pammatigmaan ken pannakabalin,+Ti espiritu ti pannakaammo ken ti panagbuteng ken Jehova.
3 Pagragsakannanto ti agbuteng ken Jehova.+
Dinanto ibatay ti panangukomna iti makitana,Wenno ti panangtubngarna iti mangngegna.+
4 Patasto* ti panangukomna iti napanglaw,Ken ti panangtubngarna maigapu iti naemma ditoy daga.
Kabilennanto ti daga iti baston a rummuar iti ngiwatna+Ken papatayenna dagiti dakes babaen ti anges* iti bibigna.+
5 Bariksannanto ti siketna iti kinalinteg,Ken ti patongna iti kinamatalek.+
6 Makikaduanto ti lobo iti urbon a karnero,+Ken makikaiddanto ti leopardo iti urbon a kalding,Ken agkakaduanto ti urbon a baka, leon,* ken nalukmeg nga animal;*+Ket idauluanto ida ti bassit nga ubing.
7 Agkaduanto a mangan ti baka ken ti oso,Ket agkaiddanto dagiti urbonda.
Manganto ti leon iti garami a kas iti baka.+
8 Agay-ayamto ti agsussuso pay nga ubing iti abut ti kobra,Ket ikautto ti napusot nga ubing ti imana iti abut ti nagita nga uleg.
9 Saandanto a pulos mangdangran+Wenno mangdadael iti intero a nasantuan a bantayko,+Ta sigurado a mapnonto ti daga iti pannakaammo maipapan ken JehovaKas iti pannakapunno ti baybay iti danum.+
10 Iti dayta nga aldaw, tumakderto ti ramut ni Jesse+ kas senial* dagiti ili.+
Agpaiwanwanto kenkuana dagiti nasion,*+Ket agbalinto a nadayag ti paginanaanna.
11 Iti dayta nga aldaw, iyawatto manen ni Jehova ti imana tapno ummongenna dagiti natda nga umilina manipud Asiria,+ Egipto,+ Patros,+ Cus,+ Elam,+ Sinar,* Hamat, ken kadagiti isla ti baybay.+
12 Mangipangatonto iti senial* kadagiti nasion ken ummongenna dagiti naiwarawara nga umili ti Israel,+ agraman dagiti naiwarawara nga umili ti Juda manipud iti uppat a suli ti daga.+
13 Mapukawto ti imon ti Efraim,+Ket madadaelto dagidiay bumusbusor iti Juda.
Saanton nga agimon ti Efraim iti Juda,Ket saanto met a bumusor ti Juda iti Efraim.+
14 Bumabadanto iti pagsalogan* ti daga dagiti Filisteo iti laud;Agkaduadanto a mangipanaw kadagiti umili ti Daya.
Gubatendanto* ti Edom+ ken Moab,+Ket iturayandanto dagiti Ammonita.+
15 Bingayento* ni Jehova ti gulpo* ti baybay ti Egipto+Ken ilayatna ti imana iti Karayan.*+
Kabilennanto ti* pito nga ayus dayta babaen ti makasinit nga angesna,*Ket palasatennanto sadiay dagiti tattao.
16 Addanto dakkel a kalsada+ manipud Asiria a pagnaan dagiti natda nga umilina,+Kas iti kaadda ti nagnaan ti Israel idi rimmuar idiay Egipto.
Footnotes
^ Wenno “espiritu.”
^ Wenno “Nalintegto.”
^ Wenno “burboran a bumaro a leon.”
^ Wenno mabalin a, “Ken agkaduanto a mangan ti urbon a baka ken ti leon.”
^ Wenno “Birokento dagiti nasion.”
^ Wenno “pagilasinan a poste.”
^ Kayatna a sawen, ti Babilonia.
^ Wenno “pagilasinan a poste.”
^ Lit., “abaga.”
^ Wenno “Sakupendanto.”
^ Wenno mabalin a, “Pagmagaento.”
^ Lit., “dila.”
^ Kayatna a sawen, ti Eufrates.
^ Wenno mabalin a, “Pagbalinennanto a.”
^ Wenno “espirituna.”
