Isaias 35:1-10
35 Agragsakto ti let-ang ken ti natikag a daga,+Ket agrag-onto ti desierto ken agsabongto a kas iti safron.+
2 Sigurado nga agsabongto dayta;+Agragsak ken agpukkawto gapu iti rag-o.
Maitedto iti dayta ti kinadayag ti Lebanon,+Ti kinangayed ti Carmelo+ ken ti Sharon.+
Makitadanto ti kinadayag ni Jehova, ti kinangayed ti Diostayo.
3 Papigsaenyo dagiti nakapuy nga imaPatibkerenyo dagiti tumeng nga agpigpigerger.+
4 Ibagayo kadagiti madandanagan ti pusoda:
“Bumilegkayo. Dikay agbuteng.
Umayto agibales ti Diosyo,Umayto mangdusa.+
Umaynakayto isalakan.”+
5 Iti dayta a tiempo, makakitanto ti mata dagiti bulsek,+Ken makangngegto ti lapayag dagiti tuleng.+
6 Iti dayta a tiempo, aglagtonto dagiti pilay a kas iti ugsa,+Agpukkawto ti dila dagiti umel gapu iti rag-o.+
Ta pumsuakto ti danum iti let-ang,Ken agayusto ti danum iti desierto.
7 Agbalinto a nadanum ti natikag a daga,Ken addanto dagiti ubbog iti nakamagmaga a daga.+
Iti pagaponan dagiti chakal,+Agtubonto dagiti berde a ruot, runo, ken papiro.
8 Addanto kalsada sadiay,+Wen, maysa a dalan a maawagan iti Dalan ti Kinasanto.
Saanto a magna iti dayta ti narugit.+
Agpaayto dayta iti daydiay magmagna iti dalan,Awanto ti maag a mayaw-awan iti dayta.
9 Awanto ti leon sadiay,Ken awanto ti mapan a narungsot nga atap nga animal.
Saandanto a masarakan sadiay;+Dagiti laeng nasubbot ti magna sadiay.+
10 Agsublinto dagidiay sinubbot ni Jehova+ ket mapanda a siraragsak idiay Sion.+
Makoronaandanto iti rag-o iti agnanayon.+
Agragsak ken agrag-odanto,Ket awanton ti ladingit ken panagsennaay.+
