Abụ Ọma 103:1-22
Abụ Devid.
103 Ka m* too Jehova.
Ka ihe niile dị n’ime m too aha nsọ ya.
2 Ka m* too Jehova.
Ka a ghara inwe mgbe m ga-echefu ihe niile o mere.+
3 Ọ na-agbaghara gị mmehie gị niile,+Ọ na-agwọkwa gị ọrịa gị niile.+
4 Ọ na-azọ gị ndụ ka ị ghara ịbanye n’olulu.*+
O kpuwere gị ịhụnanya ya na ebere ya+ ka okpueze.
5 Ọ na-emere gị ọtụtụ ihe ọma+ n’oge niile ị dị ndụ,Ka i wee bụrụ okorobịa ahụ́ na-adịghachi ọhụrụ ka ahụ́ ugo.+
6 Jehova na-emere ndị niile a na-emegbu emegbu+ ihe ọma,+Ọ na-ekpekwa ha ikpe ziri ezi.
7 O mere ka Mosis mara otú o si eme ihe,+Mee ka ndị Izrel mara ihe ndị ọ na-eme.+
8 Jehova nwere ọmịiko* ma na-eme ebere.+
Ọ naghị ewe iwe ọsọ ọsọ, ịhụnanya ya dịkwa ukwuu.+
9 Ọ gaghị eburu ihe ọjọọ mmadụ mere n’obi mgbe niile,+Ọ gaghịkwa na-ewe iwe ruo mgbe ebighị ebi.+
10 Ọ naghị emeso anyị ihe otú anyị si emehie,+Ọ naghịkwa akwụ anyị ụgwọ otú ihe ọjọọ anyị na-eme hà.+
11 N’ihi na otú a na-enweghị ike ịtụ ihe eluigwe ji dị elu karịa ụwa atụ̀Ka a na-enweghị ike ịtụ ịhụnanya* ọ na-egosi ndị na-atụ egwu ya.+
12 Otú ọwụwa anyanwụ si dị ezigbo anya n’ọdịda anyanwụBụkwa otú o wepụrụ mmehie anyị ka ọ dị ezigbo anya n’ebe anyị nọ.+
13 Jehova emeerela ndị na-atụ egwu ya ebere+Otú nna si emere ụmụ ya ebere.
14 N’ihi na ọ ma nnọọ otú e si kee anyị.+
Ọ na-echeta na anyị bụ ájá.+
15 Ndụ mmadụ efu dị ka nke ahịhịa ndụ.+
Mmadụ na-ama mma otú okooko osisi dị n’ọhịa si ama mma.+
16 Ma mgbe ifufe fere, a naghịzi ahụ ya,Ya adịzie ka à ga-asị na e nwetụbeghị mgbe ọ dị.
17 Ma Jehova na-ahụ ndị na-atụ egwu ya+ n’anyaRuo mgbe ebighị ebi.*
Ọ na-emere ụmụ ụmụ ha ihe ọma,+
18 Na-emere ndị na-anaghị emebi ọgbụgba ndụ ha na ya+Nakwa ndị na-elezi anya na-edebe iwu ya ihe ọma.
19 Jehova emeela ka ọchịchị* ya kwụsie ike n’eluigwe.+
Ọ na-achị ihe niile.+
20 Unu ndị mmụọ ozi+ Jehova, ndị siri ezigbo ike,Ndị na-erubere ya isi+ ma na-eme ihe o kwuru, toonụ ya.
21 Unu niile bụ́ ndị agha+ Jehova,Ndị na-ejere ya ozi ma na-eme uche ya,+ toonụ ya.
22 Ka ihe niile Jehova kere too yaN’ebe niile ọ na-achị.
Ka m jiri obi m niile too Jehova.
Ihe E Dere n'Ala Ala Peeji
^ Ma ọ bụ “mkpụrụ obi m.”
^ Ma ọ bụ “mkpụrụ obi m.”
^ Ma ọ bụ “n’ili.”
^ Ma ọ bụ “na-eme amara.”
^ Ma ọ bụ “ịhụnanya pụrụ iche.”
^ Ma ọ bụ “Malite mgbe ebighị ebi ruo mgbe ebighị ebi.”
^ Ma ọ bụ “ocheeze.”
