શું બાઇબલની ભવિષ્યવાણીઓ બતાવે છે કે ઈસુ જ મસીહ છે?
શાસ્ત્રમાંથી જવાબ
હા. ઈસુ પૃથ્વી પર હતા ત્યારે તેમણે “મસીહ, એટલે કે આગેવાન” વિશેની ઘણી ભવિષ્યવાણીઓ પૂરી કરી હતી. બાઇબલમાં જણાવ્યું છે કે એ મસીહ “દુનિયાનો ઉદ્ધાર” કરશે. (દાનિયેલ ૯:૨૫; ૧ યોહાન ૪:૧૪) ઈસુના મરણ પછી પણ મસીહ વિશેની ઘણી ભવિષ્યવાણીઓ તેમનામાં પૂરી થઈ હતી.—ગીતશાસ્ત્ર ૧૧૦:૧; પ્રેરિતોનાં કાર્યો ૨:૩૪-૩૬.
“મસીહ” એટલે શું?
મસીઆક (મસીહ) હિબ્રૂ શબ્દ છે જેનો અર્થ થાય “અભિષિક્ત વ્યક્તિ.” ગ્રીક શબ્દ ખ્રિસ્તોસનો (ખ્રિસ્ત) પણ એ જ અર્થ થાય છે. એટલે “ઈસુ ખ્રિસ્ત”નો અર્થ થાય કે ઈસુ જ અભિષિક્ત વ્યક્તિ છે અથવા ઈસુ જ મસીહ છે.
બાઇબલમાં જણાવ્યું છે કે જૂના જમાનામાં કોઈ વ્યક્તિને ખાસ અધિકાર કે હોદ્દો આપવામાં આવતો ત્યારે, તેનો અભિષેક કરવા તેના પર તેલ રેડવામાં આવતું. (લેવીય ૮:૧૨; ૧ શમુએલ ૧૬:૧૩) ઈશ્વરે ઈસુને મસીહ તરીકે પસંદ કર્યા હતા, એટલે કે તેમને બહુ મોટો અધિકાર આપ્યો હતો. (પ્રેરિતોનાં કાર્યો ૨:૩૬) પણ ઈશ્વરે તેલ રેડીને નહિ, પવિત્ર શક્તિથી ઈસુને અભિષિક્ત કર્યા હતા.—માથ્થી ૩:૧૬.
શું એક કરતાં વધારે વ્યક્તિ મસીહ હોઈ શકે?
ના. જ્યારે આપણે બાઇબલ ભવિષ્યવાણીઓની વિગતોને ધ્યાનથી તપાસીએ છીએ, ત્યારે જાણવા મળે છે કે એક જ વ્યક્તિ મસીહ કે ખ્રિસ્ત હોય શકે છે. પણ બાઇબલમાં ચેતવણી આપી છે: “જૂઠા ખ્રિસ્ત અને જૂઠા પ્રબોધકો ઊભા થશે. તેઓ મોટાં મોટાં ચમત્કારો અને કરામતો દેખાડશે. અરે, શક્ય હોય તો ઈશ્વરે પસંદ કરેલાઓને પણ તેઓ ભમાવવાની કોશિશ કરશે!”—માથ્થી ૨૪:૨૪.
શું એવું બની શકે કે મસીહ હજી સુધી આવ્યા નથી?
ના. બાઇબલમાં પહેલેથી જણાવ્યું હતું કે મસીહ ઇઝરાયેલના રાજા દાઉદના વંશજ હશે. (ગીતશાસ્ત્ર ૮૯:૩, ૪) ઈસુ પૃથ્વી પર હતા ત્યારે યહૂદીઓ પાસે હજી વંશાવળીના અહેવાલો હતા. ઈસુએ પોતે જણાવ્યું હતું કે તે દાઉદના વંશજ છે. જો એ વાત ખોટી હોત, તો તેમના દુશ્મનોએ યહૂદી વંશાવળીના અહેવાલોથી એ વાત સાબિત કરી હોત. પણ એવું આપણને ક્યાંય જોવા મળતું નથી. એ બતાવે છે કે ઈસુ ખરેખર દાઉદના વંશજ હતા. (માથ્થી ૨૨:૪૧-૪૬) પણ જ્યારે ઈસવીસન ૭૦માં રોમનોએ યરૂશાલેમનો નાશ કર્યો a, ત્યારે યહૂદી વંશાવળીના અહેવાલો પણ નાશ થઈ ગયા હતા. એ પછી કોઈ પણ વ્યક્તિ સાબિત કરી શકતી ન હતી કે તે દાઉદના વંશની છે.
બાઇબલમાં મસીહ વિશેની કેટલી ભવિષ્યવાણીઓ છે?
એ સ્પષ્ટ રીતે જણાવવું અઘરું છે કે મસીહ વિશે કેટલી ભવિષ્યવાણીઓ છે. શા માટે? કારણ કે બાઇબલમાં જણાવેલી મસીહ વિશેની ભવિષ્યવાણીઓને લોકો અલગ અલગ રીતે ગણે છે. દાખલા તરીકે, યશાયા ૫૩:૨-૭માં મસીહ વિશે ઘણી બાબતો જણાવી છે. અમુક લોકો એ આખા અહેવાલને એક જ ભવિષ્યવાણી ગણે છે. જ્યારે કે બીજા લોકો એમાંની દરેક વિગતને અલગ અલગ ભવિષ્યવાણી ગણે છે.
મસીહ વિશેની ભવિષ્યવાણીઓ ઈસુમાં પૂરી થઈ
ભવિષ્યવાણી |
ક્યાં આપેલી છે |
પૂરી થઈ |
|---|---|---|
ઇબ્રાહિમના વંશમાંથી આવ્યા |
||
ઇબ્રાહિમના દીકરા ઇસહાકના વંશમાંથી આવ્યા |
||
ઇઝરાયેલના યહૂદાના કુળમાં જન્મ |
||
દાઉદ રાજાના વંશમાંથી આવ્યા |
||
કુંવારીએ જન્મ આપ્યો |
||
બેથલેહેમમાં જન્મ થયો |
||
ઈમ્માનુએલ નામથી ઓળખાયા b |
||
ગરીબ કુટુંબમાં જન્મ લીધો |
||
તેમના જન્મ પછી નાના બાળકોને મારી નાખવામાં આવ્યાં |
||
ઇજિપ્તથી બોલાવ્યા |
||
નાઝારી કહેવાયા c |
||
તેમની પહેલાં સંદેશવાહક આવ્યા |
||
ઈસવીસન ૨૯માં મસીહ તરીકે અભિષિક્ત થયા d |
||
ઈશ્વરે તેમને પોતાના દીકરા કહ્યા |
||
ઈશ્વરના મંદિર માટે ઉત્સાહ |
||
ખુશખબર જણાવનાર |
||
ગાલીલમાં પ્રચાર કરવાથી મોટો પ્રકાશ ઝળહળી ઊઠ્યો |
||
મૂસાની જેમ ચમત્કારો કર્યા |
||
મૂસાની જેમ તે ઈશ્વર તરફથી બોલ્યા |
||
બીમાર લોકોને સાજા કર્યા |
||
પોતાના તરફ ધ્યાન ન ખેંચ્યું |
||
દુઃખી લોકોને દયા બતાવી |
||
ઈશ્વરનો ઇન્સાફ કેવો હોય એ જાહેર કર્યું |
||
બુદ્ધિશાળી સલાહકાર |
||
યહોવાનું નામ જાહેર કર્યું |
||
ઉદાહરણો વાપર્યાં |
||
આગેવાન |
||
ઘણાએ તેમના પર ભરોસા ન કર્યો |
||
ઠોકર ખવડાવનાર પથ્થર |
||
ઘણાએ તેમનો નકાર કર્યો |
||
કારણ વગર તેમનો ધિક્કાર કર્યો |
||
રાજાની જેમ યરૂશાલેમ આવ્યા; ગધેડા પર બેસીને આવ્યા |
||
બાળકોએ તેમના વખાણ કર્યાં |
||
યહોવાના નામમાં આવ્યા |
||
પોતાના સાથીએ દગો કર્યો |
||
ચાંદીના ૩૦ સિક્કા માટે તેમને દગો દીધો e |
||
મિત્રો છોડીને જતા રહ્યા |
||
તેમની વિરુદ્ધ ખોટા સાક્ષીઓ ઊભા થયા |
||
આરોપ મૂકનારાઓ સામે ચૂપ રહ્યા |
||
લોકો તેમના પર થૂંક્યા |
||
તેમના માથા પર માર્યું |
||
તેમને કોરડા મારવામાં આવ્યા |
||
મારનારાઓને રોક્યા નહિ |
||
શાસકોએ તેમની વિરુદ્ધ કાવતરું ઘડ્યું |
||
હાથ-પગમાં ખીલા ઠોકવામાં આવ્યા |
||
તેમના કપડાં માટે ચિઠ્ઠીઓ નાખવામાં આવી |
||
તેમને ગુનેગારોમાંના એક ગણવામાં આવ્યા |
||
તેમની મશ્કરી કરી, અપમાન કર્યું |
||
પાપીઓ માટે દુઃખ સહન કર્યું |
||
તેમને લાગ્યું કે ઈશ્વરે તેમને છોડી દીધા |
||
તેમને સરકો અને કડવો રસ પીવા આપ્યો |
||
તેમને મરણ પહેલાં તરસ લાગી |
||
ઈશ્વરના હાથમાં જીવન સોંપી દીધું |
||
પોતાનું જીવન આપી દીધું |
||
પાપમાંથી મુક્ત કરવા તેમણે છુટકારાની કિંમત ચૂકવી |
||
તેમનું એક પણ હાડકું ભાંગવામાં ન આવ્યું |
||
વીંધવામાં આવ્યા |
||
ધનવાનો સાથે દફનાવવામાં આવ્યા |
||
મરણમાંથી જીવતા કરવામાં આવ્યા |
||
દગાખોરને બદલે બીજા કોઈને પસંદ કરવામાં આવ્યા |
||
ઈશ્વરના જમણે હાથે બેઠા |
a મૅકક્લિન્ટોક અને સ્ટ્રોંગની સાઇક્લોપીડિયા જણાવે છે: ‘જ્યારે યરૂશાલેમનો નાશ થયો હતો, ત્યારે જ યહૂદી કુળો અને કુટુંબોના અહેવાલો પણ નાશ થયા હતા. એ પહેલાં એનો નાશ થયો ન હતો.’
b હિબ્રૂ શબ્દ, ઈમ્માનુએલનો અર્થ થાય, “ઈશ્વર અમારી સાથે છે.” એ નામથી જાણવા મળે છે કે મસીહ શું કરવાના હતા. ઈસુએ પૃથ્વી પર જે કામો કર્યાં, એ બતાવે છે કે ઈશ્વર પોતાના ભક્તોને સાથ આપે છે.—લૂક ૨:૨૭-૩૨; ૭:૧૨-૧૬.
c “નાઝારી” શબ્દ કદાચ હિબ્રૂ શબ્દ નેસ્તરમાંથી લેવામાં આવ્યો છે, જેનો અર્થ થાય, “અંકુર.”
d બાઇબલમાં જણાવેલા ઇતિહાસથી કઈ રીતે જાણવા મળે છે કે મસીહ ઈસવીસન ૨૯માં આવશે? એ વિશે વધારે જાણવા દુઃખ જશે, સુખ આવશે ચોપડીમાં આપેલી નોંધ ૨ જુઓ: “મસીહ ક્યારે આવશે?”
e આ ભવિષ્યવાણી ઝખાર્યાના પુસ્તકમાં છે. છતાં, બાઇબલના લેખક માથ્થીએ કહ્યું, “યર્મિયા પ્રબોધકે જે કહ્યું હતું એ પૂરું થયું.” (માથ્થી ૨૭:૯) શા માટે? કારણ કે પવિત્ર શાસ્ત્રના અમુક ભાગને ‘પ્રબોધકોનાં લખાણો’ કહેવામાં આવતા. આપણને જોવા મળે છે કે પ્રબોધકોનાં લખાણોમાં અમુક વાર યર્મિયાનું પુસ્તકને પહેલા રાખવામાં આવતું. (લૂક ૨૪:૪૪) એટલે જ્યારે માથ્થીએ ‘યર્મિયાની’ વાત કરી, ત્યારે તે પ્રબોધકોનાં લખાણો વિશે વાત કરી રહ્યા હતા, જેમાં ઝખાર્યાના પુસ્તકનો પણ સમાવેશ થાય છે.
બીજી માહિતી જુઓ
ચોકીબુરજ
ઈસુ શા માટે મરણ પામ્યા?
એક યહૂદી સ્ત્રીએ કેમ પોતાની માન્યતા બદલી?
જાણો કે રેકલ હૉલને કઈ રીતે ભરોસો થયો કે ઈસુ જ મસીહ છે.
