Ani oonu he akɛ eshwɛ okome, ni ohe efee shoo? Kɛ́ nakai lɛ, ekolɛ oonu he tamɔ bɔ ni lalatsɛ lɛ nu he lɛ, ekɛɛ akɛ: “Mitsɔ tamɔ loofɔlɔ ni ekometoo eyɔɔ tsũ yiteŋ.” (Lala 102:7) Kɛ́ shihilɛ ko hã otse ohe lɛ, hiɛshikamɔ wiemɔi ni yɔɔ Biblia lɛ mli lɛ baanyɛ aye abua bo ni onyɛ okpee naagbai ni shihilɛ lɛ kɛba lɛ anaa.

•  Feemɔ nibii ni baahã obɛŋkɛ Nyɔŋmɔ kpaakpa

•  Kanemɔ ŋmalɛi ni shɛjeɔ mɔ mii

•  Esa akɛ ole nɔ hewɔ ni nibii gbohii yaa nɔ yɛ je lɛ mli lɛ

•  Kaaye otsui fe nine

•  Okɛ mɛi abɔ naanyo

•  Gbɔlemɔ okpɔiaŋ koni oná gbɔmɔtsoŋ hewalɛ

Kɛ́ shihilɛ ko hã otse ohe, ni ojeee kpo po lɛ, kɛ́ ofee nibii ni baahã wekukpaa ni yɔɔ okɛ Nyɔŋmɔ teŋ lɛ mli awa lɛ, obaaná miishɛɛ. (Mateo 5:3, 6) Nibii ni nyiɛ sɛɛ nɛɛ baanyɛ aye abua bo ni ofee nakai.

• Intanɛt nɔ Biblia ni ja jogbaŋŋ ni ekanemɔ hu waaa

• Vidioi ni sɛɛ kɛlɛɛɛ ni kɔɔ Biblia mli tsɔɔmɔi komɛi ni he hiaa waa lɛ ahe

• “Sanebimɔi Ni Biblia Lɛ Ehã Hetoo”​—Ehãa saji ni mɛi fɔɔ bimɔ ahetoo tɛ̃ɛ

• “Kasemɔ Amɛhemɔkɛyeli Lɛ”​—Saji nɛɛ baaye abua bo ni ofee shihilɛi ni hii kɛ yei anɔkwafoi ni awie amɛhe yɛ Biblia lɛ mli lɛ tsɔ mli lɛ he mfoniri

• “Ani Mɔ Ko Ni Fee?”​—Saji nɛɛ hãa wɔnaa bɔ ni adebɔɔ nibii yɔɔ fɛo kɛ bɔ ni ato amɛhe gbɛjianɔ jogbaŋŋ ahã

 Ŋmalɛi nɛɛ eshɛje mɛi babaoo amii. Nɔ najiaŋ ni okɛ be ni okɛtse ohe nɛɛ baakane ŋmalɛi babaoo kɛkɛ lɛ, kanemɔ fioo moŋ ni ojwɛŋ eko fɛɛ eko nɔ jogbaŋŋ, ni osɔle hu.​—Marko 1:35.

• Lala 23:1-6

• Lala 34:1-22

• Lala 46:1-11

• Lala 63:6-8

• Lala 91:1-6

• Mateo 6:25-34

• 2 Korintobii 1:3, 4

• Filipibii 4:6, 7

• 1 Petro 5:6, 7

 Kɛ́ oná ole nɔ hewɔ ni nibii gbohii yaa nɔ, kɛ gbɛ nɔ ni Nyɔŋmɔ baatsɔ efo nibii gbohii asɛɛ lɛ, ebaaye ebua bo ni onyɛ okpee naagbai ni ekolɛ okɛkpeɔ lɛ anaa.​—Yesaia 65:17.

• Mɛni hewɔ Nyɔŋmɔ ŋmɛɔ piŋmɔ gbɛ?

• Mɛni Biblia lɛ kɛɔ yɛ hela kɛ gbɔmɔtsoŋ hewalɛnamɔ he?

• Mɛni ji naagbee gbii lɛ ahe okadi lɛ?

• Namɛi ji okpɔŋɔnɔtaralɔi ejwɛ ni awie amɛhe yɛ Kpojiemɔ wolo lɛ mli lɛ?

• Mɛni Nyɔŋmɔ Maŋtsɛyeli lɛ baatsu?

 Kɛ́ shihilɛ ko hã otse ohe lɛ, nibii ni aŋmala yɛ saji ni nyiɛ sɛɛ nɛɛ ahe lɛ baanyɛ aye abua bo ni ‘okaye otsui’ fe nine.​—Mateo 6:25.

• Yeyeeyefeemɔ yɛ he fɛɛ he

• Ni kɛ́ hela ko miigba minaa hu?

• Yeyeeyefeemɔ yɛ oshãra he

• Yeyeeyefeemɔ yɛ shika he

• Ani Biblia lɛ baanyɛ aye abua bo kɛkpee yeyeeyefeemɔ naa?

 Nanemɛi baanyɛ amɛye abua bo ni ojwɛŋmɔŋ akã bo shi ni oná miishɛɛ kɛ́ onyɛɛɛ okɛ amɛ akpe hiɛ kɛ hiɛ po. Kɛ́ okome too oyɔɔ ni onyɛɛɛ oje kpo lɛ obaanyɛ otsɔ videoconferencing loo foŋ nɔ okɛ nanemɛi ni oyɔɔ momo lɛ agba sane loo otao ehee. Saji ni nyiɛ sɛɛ nɛɛ baanyɛ aye abua bo ni oná ‘nanemɛi kpakpai’, loo ni bo diɛŋtsɛ hu otsɔ naanyo kpakpa.​—Abɛi 17:17.

• Mɛni mafee kɛ́ minaanyo ko fee mi dɔlɛ nii?

• Ani esa akɛ mikɛ mɛi krokomɛi hu abɔ naanyo?

• Kɛ́ mihe fee shoo hu?

• Tsɔ ejurɔfeemɔ nɔ okɛ mɛi abɔ naanyo

• Mɛni hewɔ esa akɛ ohiɛ asɔ nii?

 Biblia lɛ kɛɔ akɛ “kpɔiaŋgbɔlemɔ he yɛ sɛɛnamɔ.” (1 Timoteo 4:8, shishigbɛ niŋmaa) Kpɔiaŋgbɔlemɔ baanyɛ aye abua bo ni ojwɛŋmɔŋ akã bo shi ni oná miishɛɛ, titri lɛ kɛ́ shihilɛ ko ehã otse ohe. Kɛ́ oyɛ shĩa ni onyɛɛɛ oje kpo po lɛ, nɔ ko kɛ̃ yɛ ni obaanyɛ ofee kɛgbɔle okpɔiaŋ.