Mɛni obaakɛɛ?

• Hɛɛ

• Dabi

• Ekolɛ

Nɔ ni Biblia lɛ kɛɔ

‘Nyɛshɛrɛa nyɛyeyeeyefeemɔi lɛ fɛɛ nyɛshwiea [Nyɔŋmɔ] nɔ, ejaakɛ esusuɔ nyɛhe.’ (1 Petro 5:7) Biblia lɛ hãa wɔleɔ faŋŋ akɛ, Nyɔŋmɔ baanyɛ eye ebua bo kɛkpee oyeyeeyefeemɔi anaa.

Mɛni hu wɔkaseɔ kɛjɛɔ Biblia lɛ mli?

• Kɛ́ osɔle lɛ, obaanyɛ oná “Nyɔŋmɔ toiŋjɔlɛ” ni jieɔ yeyeeyefeemɔ kɛyaa lɛ.​—Filipibii 4:6, 7.

• Kɛfata he lɛ, Nyɔŋmɔ Wiemɔ lɛ ni obaakane lɛ baanyɛ aye abua bo kɛ́ ohao.—Mateo 11:28-30.

Mɛi komɛi heɔ yeɔ . . . akɛ yeyeeyefeemɔ kɛ haomɔ ji wɔshihilɛ lɛ fã, mɛi komɛi hu heɔ yeɔ akɛ ja wɔgboi ni wɔyaje shihilɛ kroko mli dani wɔbaakpa yeyeeye feemɔ. Te bo hu osusuɔ tɛŋŋ?

Nɔ ni Biblia lɛ kɛɔ

Nyɔŋmɔ baajie nibii ni kɛ yeyeeyefeemɔ baa lɛ kɛya. “Gbele bɛ dɔŋŋ, asaŋ awerɛhoyeli ko loo yarawoo ko loo hejaramɔ ko hu bɛ dɔŋŋ.”—Kpojiemɔ 21:4.

Mɛni hu wɔkaseɔ kɛjɛɔ Biblia lɛ mli?

• Mɛi baahi shi yɛ toiŋjɔlɛ kɛ shweshweeshwe shihilɛ mli yɛ Nyɔŋmɔ Maŋtsɛyeli lɛ shishi.​—Yesaia 32:18.

• Yeyeeyefeemɔ kɛ haomɔ fɛɛ baaho aya.—Yesaia 65:17.