وانە‌ی: ٩
چۆن خێزانە‌کە‌ت دە‌توانێ کامە‌ران بێت؟
١. بۆچی ھاوسە‌ریە‌تی بە‌ردی بناغە‌ی کامە‌رانییە؟
ھە‌واڵی خۆش لە لایە‌ن خوداوە‌یە، کە خودایە‌کی کامە‌رانە‌و دە‌یھە‌وێ خێزانە‌کان کامە‌ران بن (١ تیمۆساوس ١:١١). ئە‌و دامە‌زرێنە‌ری ھاوسە‌ریە‌تییە. ھاوسە‌ریە‌تی یاسایی بە‌ردی بناغە‌یە بۆ کامە‌رانی خێزان، چونکە ژینگە‌یە‌کی دڵنیا دابین دە‌کا بۆ منداڵ بە‌خێوکردن. مە‌سیحیە ڕاستە‌قینە‌کان پێویستە ملکە‌چی یاسا ناوچە‌ییە‌کان بن لە تۆمارکردنی یان ناونووسکردنی ھاوسە‌ریە‌تی.—لۆقا ٢:١، ٤، ٥ بخوێنە‌وە.
خودا چۆن دە‌روانێتە ژیانی ھاوسە‌ریە‌تی؟ ئە‌و دە‌یھە‌وێ ھاوسە‌ریە‌تی یە‌کیە‌تییە‌کی بە‌ردە‌وام بێت لە نێوان ژن و پیاودا. یە‌ھوە دە‌یە‌وێ ژن و مێرد بۆ یە‌کتر بە ئە‌مە‌ک بن (عیبرانییە‌کان ١٣:٤). یە‌ھوە ڕقی لە جیابوونە‌وە دە‌بێتە‌وە (مە‌لاخی ٢:١٦). بە‌ڵام مە‌سیحییە‌کان بۆیان ھە‌یە لە‌یە‌ک جیا ببنە‌وە و سە‌رلە‌نوێ ھاوسە‌ریە‌تی بکە‌ن ئە‌گە‌ر یە‌کێکیان داوێنپیسی بکات.—مە‌تتا ١٩:٣-٦، ٩ بخوێنە‌وە.
٢. ئایا ژن و مێرد دە‌بی چۆن لە‌گە‌ڵ یە‌کتر ڕە‌فتار بکە‌ن؟
خودا ژن و مێردی ئافراند تاکو ببنە تە‌واوکە‌ری یە‌کتر (پە‌یدابوون ٢:١٨). پیاو وە‌ك سە‌روە‌ری خێزان لە‌سە‌ری پێویستە سە‌رپە‌رشتی لە دابین کردنی پێداویستی‌ماددی بکا و دە‌ربارە‌ی خودا شتیان فێربکا. ئە‌و لە‌بە‌ر خۆشە‌ویستی ژنە‌کە‌ی پێویستە خۆبە‌ختکە‌ر بێ. ژن و پیاو دە‌بێ یە‌کتریان خۆشبوێ و ڕێز لە یە‌کتر بگرن. لە‌بە‌ر ئە‌وە‌ی ھە‌موو ژن و مێردە‌کان مرۆڤی ناتە‌واون، فێربوونی لێبوردن کلیلی کامە‌رانییە لە خێزاندا.—ئە‌فسۆس ٤:٣١، ٣٢؛ ٥:٢٢-٢٥، ٣٣؛ ١ پە‌ترۆس ٣:٧ بخوێنە‌وە.
٣. ئایا کاتێک ژیانی ھاوسە‌ریتان کامە‌ران نە‌بوو دە‌شێ لە‌یە‌کتر جیاببنە‌وە؟
ئە‌گە‌ر تۆ لە‌ژیانی ھاوسە‌رییتدا تووشی گیروگرفت بووی، لە‌سە‌ر ھە‌ردووکتان پێویستە تێبکۆشن تاکو بە‌خۆشە‌ویستی ڕە‌فتار لە‌گە‌ڵ یە‌کتر بکە‌ن (١ کۆرنسۆس ١٣:٤، ٥). پە‌رتووکی پیرۆز ھانی لە‌یە‌ک جیابوونە‌وە نادات وە‌ک چارە‌سە‌رێک بۆ ئە‌و گرفتانە‌ی کە ڕووبە‌ڕووی خێزانە‌کان دە‌بنە‌وە.—١ کۆرنسۆس ٧:١٠-١٣ بخوێنە‌وە.
٤. منداڵان، خودا چی بۆ ئێوە دە‌وێ؟
یە‌ھوە دە‌یە‌وێ تۆ کامە‌ران بیت. ئە‌و باشترین ئامۆژگایت دە‌داتێ لە‌سە‌ر چۆنییە‌تی چێژ لە ژیان وە‌رگرتن. ئە‌و دە‌یە‌وێ تۆ کە‌ڵک لە ئە‌زموونی دایک و باوکت وە‌رگری (کۆلۆسی ٣:٢٠). یە‌ھوە ھە‌روە‌ھا دە‌یە‌وێ خۆشی لە‌و شتانە ببینی کە تۆ بۆ ئافە‌ریدگار و ڕۆڵە‌کە‌ی بە‌ئە‌نجامی دە‌گە‌یە‌نی.—ژیرمە‌ندی ١١:٩-١٢:١؛ مە‌تتا ١٩:١٣-١٥؛ ٢١:١٥، ١٦. بخوێنە‌وە.
٥. ئە‌ی دایک و باوکان، منداڵە‌کانتان چۆن کامە‌رانی بە‌دە‌ستبھێنن؟
تۆ دە‌بێ زۆر تێبکۆشی تاکو خۆراک و جلوبە‌رگ و ماڵیان بۆ دابین بکە‌ی (١ تیمۆساوس ٥:٨). بە‌ڵام بۆ ئە‌وە‌ی منداڵە‌کانت کامە‌رانی بە‌دە‌ستبھێنن تۆ ھە‌روە‌ھا دە‌بێ فێریان بکە‌ی خودایان خۆشبوێ و لە خودا شت فێربن (ئە‌فسۆس ٦:٤). نموونە‌ی تۆ لە نیشاندانی خۆشە‌ویستیت بۆ خودا دە‌کرێ کاریگە‌رییە‌کی قوڵی لە‌سە‌ر دڵی ئە‌وان ھە‌بێت.—دواوتاری موسا ٦:٤-٧؛ پە‌ندە‌کان سلێمان ٢٢:٦ بخوێنە‌وە.
کاتێ تۆ منداڵە‌کانت ھان دە‌دە‌ی و دە‌ستخۆشیان لێ دە‌کە‌ی ئە‌وان سوودی لێ وە‌ردە‌گرن. ھە‌روە‌ھا پێویستیان بە‌سە‌رژە‌نست کردن و ڕاھێنانە. پە‌روە‌ردە‌یە‌کی لە‌م جۆرە لە بە ئە‌نجام گە‌یاندنی ئە‌و کارانە دە‌یانپارێزێ کە کامە‌رانیان لێدە‌ستێنێ (پە‌ندە‌کان سلێمان ٢٢:١٥). بە‌ڵام ڕاھێنان ھە‌رگیز نابێ زۆر بە توندی و دڵڕە‌قانە‌بێ.—کۆلۆسی ٣:٢١ بخوێنە‌وە.
شاھیدانی یە‌ھوە چە‌ندین پە‌رتووکیان بە‌رھە‌م ھێناوە کە بە تایبە‌ت بۆ یارمە‌تی دایک و باوک و منداڵان نووسروان. ئە‌و پە‌رتووکانە لە‌سە‌ر بناغە‌ی پە‌رتووکی پیرۆزن.—زە‌بوور ١٩:٧، ١١ بخوێنە‌وە.
لەوانەیە تۆش پێت خۆش بێت
تۆش دە‌توانی خێزانێکی کامە‌رانت هە‌بێت
ئامۆژگاریە‌کانی خودا بۆ ژیانێکی هاوسە‌ریە‌تی کامە‌ران
بە کار هێنانی دوو پرسیاری ئاسایی ژیانی هاوسە‌ریە‌تیت باشتر دە‌کات.
تۆش دە‌توانی خێزانێکی کامە‌رانت هە‌بێت
چۆن کێشە‌کانمان چارە‌سە‌ر بکە‌ین؟
ئە‌وە‌ی کە جیاوازی دە‌خاتە نێوان هاوسە‌ریە‌تیە‌کی کە بە‌هێز و کامە‌رانە لە‌گە‌ڵ ئە‌وە کە بێهێز و ناخۆشە هە‌ڵسوکە‌وتی ڕێکوپێکە.
