وانە‌ی: ١١
چۆن دە‌توانین سوود لە‌بنە‌ماکانی پە‌رتووکی پیرۆز وە‌رگرین؟
١. بۆچی پێویستیمان بە‌ڕێنماییە؟
چۆن بنە‌ماکانی پە‌رتووکی پیرۆز ھانمان دە‌دە‌ن پارێزگاری تە‌ندروستی خۆمان بکە‌ین؟—زە‌بوور ٣٦:٩.
ئافە‌ریدگاریمان دانایی لە ئێمە زۆرترە. ئە‌و وە‌ک باوکێکی خۆشە‌ویست بایە‌خمان پێدە‌دا. ھە‌روە‌ھا ئە‌و مە‌بە‌ستی نە‌بوو ئێمە لە‌و سە‌ربە‌خۆ بین (یە‌رمیا ١٠:٢٣). کە‌واتە ھە‌روە‌ک کە منداڵی بچووک پێویستی بە ڕێنمایی دایک و باوکی ھە‌یە، ئێمە‌ش ھە‌موومان پێویستیمان بە ڕێنمایی خودا ھە‌یە (ئیشایا ٤٨:١٧، ١٨). بنە‌ماکانی پە‌رتووکی پیرۆز ڕێنماییە‌ک بە‌دە‌ستە‌وە دە‌دە‌ن کە دیارییە‌کە لە‌لایە‌ن خوداوە.—٢ تیمۆساوس ٣:١٦ بخوێنە‌وە.
یاساو بنە‌ماکانی یە‌ھوە باشترین ڕێگامان لە ژیانی ئێستاماندا فێردە‌کە‌ن و نیشانمان دە‌دە‌ن چۆن دە‌توانین پاداشتی ژیانی ھە‌میشە‌یی لە داھاتوودا بە‌دە‌ست بھێنین. چونکە خودا ئێمە‌ی ئافراندووە، زۆر شتێکی ئاسایی و ڕاستە کە ئێمە بە خۆشییە‌وە گوێڕایە‌ڵی ڕێنماییە‌کانی دە‌بین.—زە‌بوور ١٩:٧، ١١؛ ئاشکراکردن ٤:١١ بخوێنە‌وە.
٢. بنە‌ماکانی پە‌رتووکی پیرۆز چین؟
بنە‌ماکانی پە‌رتووکی پیرۆز ڕاستییە‌کی بناغە‌یین. لە‌لایە‌کی ترە‌وە یاساکان دە‌شێ بۆ بارودۆخێکی تایبە‌ت بە‌کاربھێندرێن (دواوتاری موسا ٢٢:٨). ئێمە پێویستە توانای بیرکردنە‌وە‌مان بە‌کاربھێنین بۆ ئە‌وە‌ی تێبگە‌ین چۆن بنە‌ماکان لە بارودۆخێکدا جێبە‌جێ بکە‌ین (پە‌ندە‌کان سلێمان ٢:١٠-١٢). بۆ نموونە، پە‌رتووکی پیرۆز فێرمان دە‌کا کە ژیان دیارییە‌کە لە لایە‌ن خوداوە. ئە‌م بنە‌مایە دە‌توانێ لە کارکردن و ماڵ گە‌شت وگوزارماندا ڕێنماییمان بکا. وامان لێدە‌کا ئاگاداری تە‌ندروستی خۆمان بین.—کردار ١٧:٢٨ بخوێنە‌وە.
٣. کام دوو بنە‌ما ھە‌رە‌گرنگترینن؟
عیسا باسی دوو بنە‌مای کرد کە ھە‌رە گرنگترینن. یە‌کە‌میان دە‌ریدە‌خا مە‌بە‌ست لە ژیانی مرۆڤ چییە: کە خودا بناسن و خۆشیان بوێ و ھە‌روھا بە باوە‌ڕە‌وە خزمە‌تی بکە‌ن. یە‌کە‌م بنە‌ما دە‌بێ لە ھە‌موو بڕیارە‌کانماندا بیری لێ بکرێتە‌وە (پە‌ندە‌کان سلێمان ٣:٦). ئە‌وانە‌ی ئە‌م بنە‌مایە لە‌دڵیاندا جێگیر دە‌کە‌ن دۆستایە‌تی لە‌گە‌ڵ خودادا پێک دە‌ھێنن و کامە‌رانی ڕاستە‌قینە و ژیانی ھە‌میشە‌یی بە‌دە‌ست دە‌ھێنن.—مە‌تتا ٢٢:٣٦-٣٨ بخوێنە‌وە.
بنە‌مای دووھە‌م دە‌توانێ ڕێنماییمان بکا پە‌یوە‌ندییە‌کی ئاشتییانە لە‌گە‌ڵ خە‌ڵکی دروست بکە‌ین (١ کۆرنسۆس ١٣:٤-٧). جێبە‌جێ کردنی ئە‌م بنە‌مایە دووھە‌مە واتای ئە‌وە‌یە کە دە‌بێ لاسایی خودا بکە‌ینە‌وە کە چۆن ئە‌و ڕە‌فتار لە‌گە‌ڵ خە‌ڵکی دە‌کا.—مە‌تتا ٧:١٢؛ ٢٢:٣٩، ٤٠ بخوێنە‌وە.
٤. بنە‌ماکانی پە‌رتووکی پیرۆز چ سوودێکیان بۆ ئێمە ھە‌یە؟
بنە‌ماکانی پە‌رتووکی پیرۆز خێزانە‌کان فێردە‌کا چۆن لە خۆشە‌ویستیدا یە‌کگرتوو بن (کۆلۆسی ٣:١٢-١٤). وشە‌ی خودا ھە‌روە‌ھا خێزانە‌کان بە‌وە دە‌پارێزێ کە فێریان دە‌کا ژیانی ھاوسە‌رییە‌تی دە‌بێ بە‌ردە‌وام بێت.—پە‌یدابوون ٢:٢٤ بخوێنە‌وە.
بە جێبە‌جێ کردنی بنە‌ماکانی پە‌رتووکی پیرۆز دە‌توانین ماڵ و سامان و خۆشی خۆمان بپارێزین. بۆ نموونە، خاوە‌ن کارە‌کان زۆر جار حە‌ز دە‌کە‌ن کرێکارە‌کانیان بە‌گوێرە‌ی بنە‌ماکانی پە‌رتووکی پیرۆز بژین و دە‌ستپاک و ئازا بن (پە‌ندە‌کان سلێمان ١٠:٤، ٢٦؛ عیبرانییە‌کان ١٣:١٨). وشە‌ی خودا ھە‌روە‌ھا فێرمان دە‌کا بۆ ئە‌و شتانە تێبکۆشین کە بۆ ژیانی ڕۆژانە‌مان پێویستن و نرخی دۆستایە‌تیمان لە‌گە‌ڵ خودا لە‌سە‌رووی ماڵ و سامان دابنێین.—مە‌تتا ٦:٢٤، ٢٥، ٣٣؛ ١ تیمۆساوس ٦:٨-١٠ بخوێنە‌وە.
جێبە‌جێ کردنی بنە‌ماکانی پە‌رتووکی پیرۆز تە‌ندرووستیمان دە‌پارێزێ (پە‌ندە‌کان سلێمان ١٤:٣٠؛ ٢٢:٢٤، ٢٥). بۆ نموونە، یاساکانی خودا دژی سە‌رخۆشییە و لە نە‌خۆشی و ڕووداوی کوشندە دە‌مانپارێزێ (پە‌ندە‌کان سلێمان ٢٣:٢٠). یە‌ھوە ڕێگامان پێدە‌دا مە‌ی بخۆینە‌وە بە‌ڵام تە‌نھا کە‌مێک (زە‌بوور ١٠٤:١٥؛ ١ کۆرنسۆس ٦:١٠). بنە‌ماکانی خودا بە سوودن بۆ ئێمە بە‌وە‌ی کە فێرمان دە‌کە‌ن نە‌ک تە‌نھا کردارە‌کانمان بە‌ڵکو بیروبۆچوونیشمان بپارێزین (زە‌بوور ١١٩:٩٧- ١٠٠). لە‌گە‌ل ئە‌مە‌شدا مە‌سیحییە ڕاستە‌قینە‌کان تە‌نھا بۆ سوودی خۆیان ڕێز لە بنە‌ماکانی خودا ناگرن، بە‌ڵکو بۆ ئە‌وە‌ی ڕێز لە یە‌ھوە بگرن.—مە‌تتا ٥:١٤-١٦ بخوێنە‌وە.
لەوانەیە تۆش پێت خۆش بێت
دە‌ربارە‌ی ئێمە
داواکردنی سە‌ردانێک
گفتوگۆکردن لە‌سە‌ر پرسیارە‌کانی پە‌رتووکی پیرۆز، یان زانیاری زیاتر دە‌ربارە‌ی شاهیدانی یە‌هوە فێرب‍ە.
