Poda 16:1-33
16 Diparade jolma do na lao sidohononna,Alai na sian Jahowa i do hatahononna.+
2 Tigor do sude dalan ni jolma di rohana sandiri,+Alai Jahowa do na mamareso sakkap ni rohana.+
3 Marhaposan tu Jahowa ma ho manang aha pe na niulam,+Asa marhasil bahenonna sakkapmu.
4 Dipakke Jahowa do manang aha pe lao pasautton sakkapna,Dohot ma i pamatehon akka parjahat.+
5 Magigi do Jahowa tu halak na ginjang roha.+
Tung so malua do nasida sian hukuman.
6 Disalpuhon halak na setia jala na patuduhon holong ni roha* do hasalaan,+Jala dang olo halak mangulahon na jahat ala makkabiari Jahowa.+
7 Molo lomo roha ni Jahowa tu dalan ni sahalak jolma,Boi do bahenonna mardame akka musuna tu ibana.+
8 Dumenggan do otik passarian alai sian dalan na sittong+
Sian apala godang passarian alai dang sian dalan na sittong.+
9 Boi do jolma marsakkap di bagasan rohana,Alai Jahowa do na manogu-nogu lakkana.+
10 Ikkon na dihalomohon Debata do na dihatahon raja,+Dang boi bahenonna na so tigor tikki mangadili.+
11 Jahowa do nappuna timbangan na pas,Jala sude batu ni timbangan na di bagasan tas, Ibana do na mambahen.+
12 Magigi do akka raja tu ulaon na jahat,+Ai akka na sittong do na mambahen hot tahta.+
13 Lomo do roha ni akka raja mambege hata na sittong.
Dihaholongi nasida do halak na jujur.+
14 Dos songon utusan na pamatehon do rimas ni raja,+Alai halak na marbisuk do na boi pasohon i.+
15 Molo lomo roha ni raja tu sasahalak, marlas ni roha ma ibana.Dos ma lomo ni rohana i songon udan di tikki na pas.*+
16 Dumenggan do mangalului bisuk sian apala mas!+
Dumenggan do mamillit parbinotoan sian apala perak.+
17 Halak na tigor marroha padaohon dirina sian dalan tu hajahaton.
Toktong do mangolu manang ise na mapparrohahon dalanna.+
18 Na lao hancur do halak na patimbohon dirina,Jala na lao tartuktuk do siginjang roha.+
19 Dumenggan do marserep ni roha jala mardongan tu halak na lambok roha+Sian apala mandapot arta na dirampok sian siginjang roha.
20 Na lao marhasil do halak na marbisuk mangulahon ulaonna,Jala marlas ni roha do halak na marhaposan tu Jahowa.
21 Molo manat sasahalak marpikkir, gabe ditanda do ibana halak na marbisuk,+Jala molo denggan dipasahat sasahalak hatana, boi ma mambahen pos roha ni na asing.*+
22 Songon mata mual ni hangoluan do bisuk di halak na marbisuk,Alai dihukum haotoonna do halak na oto.
23 Manat do halak na marbisuk mandok hatana+Jala paposson roha do na nidokna.
24 Dos songon madu asli do hata na palashon roha,Manis do i jala mambahen sehat pamatang.*+
25 Adong do dalan songon na tigor di roha ni jolma,Hape tu hamatean do ujungna.+
26 Molo male sasahalak, gabe ringgas ma ibana karejoGabe taronjar do rohana gogo karejo ala naeng mangan.+
27 Digali halak na so marguna do akka na jahat,+Dos songon api na marsigorgor do hatana.+
28 Masa do parbadaan+ alani pamola-mola,Jala gabe marbada do na marale-ale alani siganjang dila.+
29 Dioto-otoi halak na jahat do dongannaJala ditogihon tu dalan na sala.
30 Main mata do ibana tikki mambahen sakkap na jahat.
Mekkel suping do ibana tikki mangulahon sakkapna i.
31 Dos songon mahkota na uli do uban+Na adong di halak na mardalan di dalan na sittong.*+
32 Dumenggan do halak na so parmuruk+ sian sahalak bawa na gogo,Jala dumenggan do halak na so mura muruk sian halak na boi manaluhon sada kota.+
33 Olo do jolma mambahen undi,*+Alai Jahowa do na manottuhon songon dia ujungna.+
Surat na di toru
^ Na nidokna dison musim udan saleleng bulan April. Porlu do udan on asa tubu jala marparbue suan-suanan. Ida Lampiran B15.
^ Manang “na mangelek”.
^ As. “jala pamalum holi-holi”.
^ As. “mandabuhon undi tu pangkuan”.
