ENUKPLAKPLA 02
Bibla ɖo gbe mɔ enuwo anyɔ le esɔmɛ
Enu ciwo yí kpekpeɛ agbetɔwo le xexeɛ pleŋ mɛ dɔ yí wololoɔ nu kpɔ, seseɛ gbazavi yí wowo nu sadɔnu. Èto ŋɖe mɛ le agbemɛ vayi yí ŋtɔ́ hanwo ɖe wa eo kpɔa? Vlavo, lanmɛ dele eo shi yɛ o yí èdan ta nɔ eoɖeki alo ao mɛ vevi ɖe ku yí èloloɔ nu kpɔ. Taŋfuin àbiɔkɔ eoɖeki se mɔ, ‘Yí enyi agbe lɔ pleŋ ke vɔ kea?’ Bibla na ɖoŋci ci nu kankandoji le nɔ nyɔbiɔse cɛ.
1. Nyi Bibla kpedo mì nu mìkpɔkɔ emɔ nɔ le esɔmɛɔ?
Bibla dre enu ci yí taɖo enuwo kpekpeɛ mì le xexeɛ mɛ ahan. Vɔ akɔnfɛ nyɔ ci egbenu nɔ mì yí nyi mɔ sabaɖe yɛɔ, Mawu aɖe ŋcɛwo pleŋ ciwo yí dodoɔ ŋmavui nɔ mì swi yí mìagbɔn. Enyɔ ci Bibla nu adɔ ‘àkpɔkɔ emɔ mɔ enuwo avanyɔ le esɔmɛ.’ (Hlɛn Ʒeremi 29:11, 12, NWT.) Enyɔ ŋtɔ́ ciwo Bibla nu kpenɔdo mì nu mìdonɔ ji keŋ tonɔ enu ciwo yí kpekpeɛ mì mɛ gbɛ, mìwa ɖaŋ sɔ susu nywi wanɔ nuwo, yí eji ci yí gbejɔnɔ mì ani tɛgbɛɛ.
2. Lé Bibla nu mɔ esɔmɛ avanɔ doɔ?
Bibla nu mɔ le esɔmɛɔ, “eku, enulolo, avinfanfan alo vevisese da gbe li o.” (Hlɛn Enyɔdasɛ 21:4.) Abɔjeje, enumajɔmajɔwawa, edɔ̀lele koɖo eku ciwo yí dodoɔ ŋmavui nɔ agbetɔwo gbɛ yí wodan ta nɔ wowoɖekiwo agu. Mìdagbevase ɖe nɔ wo kpɔ gbeɖe o. Bibla ɖo gbe mɔ, agbetɔwo anɔ jijɔ mɛ le Paradiso nyigban ji keke asɔyi mavɔmavɔ.
3. Lé àwɛ akando ji mɔ enyɔ ciwo Bibla nu ɖɛ avajɔɔ?
Amɛ sugbɔ kpɔnɔ emɔ nɔ nunywiwo, vɔ wodekannɔdo ji teŋ mɔ yewoavakpɔ nunywi lɔwo o. Ele ahan gan, enyɔ ciwo Bibla nu ɖɛ avajɔ dandandan. Mìakando enyɔ ciwo enu ji nɔ mìwa ɖaŋ “gbejenɔ Enuŋwlɛŋwlɛ lɔwo mɛ kpɔ kitokito.” (Edɔwawawo 17:11, NWT) Nɔ èkpla Bibla lɔ yikɔɔ, eoŋtɔ yí avasɔ gbeta mɔ yeakando enyɔ ciwo enu so esɔmɛ nu ji abi yedakando wo ji o.
JI DWI NI KPƆ DOJI
Kpɔ ŋɖewo ciwo tɔxu Bibla mɔ mìavakpɔ le esɔmɛ. Kpɔ lé emɔkpɔkpɔ ci Bibla nakɔ amɛwo kpekpeɛdo wo nu le egbɛmɛ do.
4. Bibla ɖo gbe mɔ mìwo anɔ agbe tɛgbɛɛ yí vevisese ɖekɛ dagbeli o
Kpɔ Bibla mɛ gbeɖu ciwo yí gbɔgbɔ. Gbeɖu ciwo yí jɔ ji nɔ eo wu le wo mɛɔ? Nyi yí taɖo enyi wowo yí jɔ ji nɔ eo sɔwuɔ?
Hlɛn kpukpui ciwo yí woyɔ bɔdo gbeɖu lɔwo nu, yí agbeje nyɔbiɔse cɛwo mɛ:
-
Ci èkpɔɛ ɖe, kpukpui cɛwo adɔ àkpɔkɔ emɔ nɔ ŋɖe le esɔmɛ drua? Nɔ ao mɛwo koɖo ao xlɔwo hlɛn kpukpui lɔwo ɖe, èkpɔ mɔ wowo can akpɔ ale ɖe le wo mɛa?
Kpɔɛ le susumɛ mɔ yele xexe ci mɛ yí
|
MƐÐEKPOKPUI . . . |
MƐSHIAMƐ . . . |
|---|---|
|
|
|
|
|
|
|
|
|
|
5. Egbe ci Bibla ɖo ɖɛ atɛnŋ adra nu do
Enu ciwo yí jɔkɔ trɔdo mì yí mìkpɔkɔ wanɔ ɖeka nɔ amɛ sugbɔtɔ yí gbedonɔ dɔmɛzi nɔ wo. Mɛɖewo fɔnnɔ gu mɔ yewoatekpɔ adra nu lɔwo do. Kpɔ lé enyɔ ci Bibla nu ɖɛ mɔ nuwo avanyɔ le esɔmɛ kpekpeɛdo amɛwo nu kakayɛ ɖa. Xo VIDEO lɔ, keŋ agbeje nyɔbiɔse ciwo yí gbɔgbɔ mɛ.
-
Le videoɔ mɛ ɖe, enumajɔmajɔ ci hanci Rafika kpɔ amɛwo wakɔ yí dekpekpeɛ niɔ?
-
Ci amɛwo demi enumajɔmajɔ lɔ wawa can ɖe, lé Bibla kpedo nu doɔ?
Egbe ci Bibla ɖo mɔ, enuwo avanyɔ le esɔmɛ atɛnŋ akpedo mì nu mìami enu lolo kpɔ yí ado ji ato enu ciwo yí kpekpeɛ mì mɛ. Hlɛn Elododo Wema 17:22 koɖo Rɔmatɔwo 12:12 keŋ agbeje biɔse ciwo yí gbɔgbɔ mɛ:
-
Lé enyɔ ciwo Bibla nu ɖɛ so esɔmɛ nu atɛnŋ adra ao gbemɛ do kakayɛɔ? Nyi yí taɖo ènu ahan ɔ?
MƐÐEWO NUNƆ MƆ: “Edrɔxwe nyɔ yí nyi enyɔ ciwo Bibla nu ɖɛ so esɔmɛ nu.”
-
Nyi yí taɖo ele veviɖe mɔ, eoŋtɔ aji dwi kpɔ nɔ enyɔ ciwo Bibla nu ɖɛ keŋ akando wo jiɔ?
ENU CI ÈKPLA
Bibla ɖo gbe nywi sugbɔ ciwo tɔxu mìavakpɔ le esɔmɛ. Edɔ mìkpɔnɔ emɔ mɔ, enuwo avanyɔ le esɔmɛ. Egbedɔ yí mìwo gbenɔnɔ nyɔkɔ doji le kakacɛ mɛ.
Enumɛtoto
-
Nyi yí taɖo agbetɔwo ɖo anya mɔ Mawu ɖo gbewo nɔ yewoɔ?
-
Enyɔ ciwo Bibla nu so esɔmɛ nuɔ?
-
Nɔ èkpɔkɔ emɔ nɔ enunywi ciwo yí gbɔgbɔ le esɔmɛ ɖe, lé akpedo eo nu le kakacɛ mɛ doɔ?
KPƆ ŊCƐWO KPƆ
Kpla nubuwo doji keŋ akpɔ lé emɔkpɔkpɔ akpedo eo nu do yí nado ji ato enu ciwo yí kpekpeɛ eo mɛ le agbemɛ.
Kpɔ lé emɔkpɔkpɔ nɔ enunywi ciwo yí gbɔgbɔ le esɔmɛ atɛnŋ akpedo mɛ ci yí lé edɔ̀ baɖabaɖa ɖe nu do.
“Bibla atɛnŋ akpedo mì nu mìado ji nɔ edɔ̀ mamimami ɖe dokɔ aya nɔ mìa?” (Àkpɔɛ le siti lɔ ji)
Hwenu àkpɔkɔ video cɛɔ, kpɔkpɔɛ le susumɛ mɔ eo koɖo ao mɛwo le jijɔ mɛ le Paradiso mɛ le esɔmɛ shigbe lé Bibla nui ɖɛ nɛ.
Kpɔ lé agbemɛ trɔ nɔ ŋsu ɖeka ci yí hwlɛnnɔ ta nɔ acɛ ci agbetɔwo ɖo hwenu evajeshi esɔmɛ mɔkpɔkpɔ lɔ ɖa.
“Ŋdegbekpɔɛni mɔ ŋɖo atrɔ nuwo le xexeɛ mɛ o” (Jutakpɔxɔ 1er juillet 2013)
