Lé àwɛ aɖu le sugbɔ nɔ Bibla nukplakpla lɔwo
Nu nɔ mɛɖeka avakplanɔ nu lɔwo koɖo eo: Nu nɔ mɛ ci yí sɔ wemagbaja cɛ na eo nɔ mɛɖeka avakplanɔ Bibla koɖo eo alo yi mìwo siti jw.org ji keŋ abiɔ mɔ wo le vakplanɔ Bibla koɖo ye.
AKPAXWE ŊKƆTƆ
Hlɛn mamamɛ ɖekaɖeka koɖo biɔse ciwo wosɔ wemakui tritriwo ŋwlɛ (A) sɔ kpe nɔ kpukpui (B) lɔwo, ɖo wowo yí tɛ gbe do susu vevi lɔwo ji. Do jeshi mɔ woŋwlɛ do kpukpui ɖewo gbɔ mɔ “hlɛn” yí ahlɛn wo.
AKPAXWE DODOMƐTƆ
Enyɔ ci wonu (C) do Ji dwi ni kpɔ doji gemɛ dasɛ susu ciwo mɛ woagbeje. Enyɔta hwɛhwɛ (D) lɔwo ɖe susu vevi lɔwo ti. Hlɛn kpukpui lɔwo, ɖo biɔse lɔwo ŋci yí akpɔ video (E) lɔwo.
Glo enutata koɖo foto (F) lɔwo kpɔ nywiɖe yí abu tamɛ kpɔ so lé àɖo biɔse ci yí le Mɛɖewo nunɔ mɔ (G) kpaxwe.
AKPAXWE KPƐTƐKPƐTƐ
Enu ci èkpla koɖo Enumɛtoto (H) yí wosɔ cu ta nɔ nukplakpla ɖekaɖeka. Ŋwlɛ azan ci gbe èɖegbɔ nɔ nukplakpla lɔ. Ðui awa nu cɛ (I) kpaxwe nu ŋɖewo ciwo èɖo awa. Le Kpɔ ŋcɛwo kpɔ (J) kpaxweɔ, àkpɔ nyɔta ɖewo ciwo àtɛnŋ ahlɛn alo video ɖewo ciwo àtɛnŋ akpɔ.
Lé àwɛ akpɔnɔ kpukpui lɔwo le Bibla mɛ
Woŋwlɛnɔ mawunyɔkpukpui lɔwo koɖo Bibla wema (A) lɔ, eta (B) lɔ koɖo kpukpui lɔ alo kpukpui (C) lɔwo. Le kpɔwɛ mɛ, nɔ woŋwlɛ Ʒan 17:3 ɔ, yi gɔnmɛ yí nyi Ʒan wema eta 17 tɔ kpukpui 3.
