Wɔ Kizile February 13, 2023 nɩ, Centers for Disease Control and Prevention (CDC) mɔɔ ɩwɔ United States nɩ valɩ amanɩyɛwɔlɛ be dianlɩ kua. Nɩ ɩfalɩ mmɩlantɩyɛ nɩɩ nɣɛdɛkɛ mɔɔ benyia adwɩnɩ nu adimakɛlɛ wɔ U.S. nwʋ. Bɛmanlɩ ɩlalɩ ali kɛɛ, mmɩlantɩyɛ nɩ nɣɛdɛkɛ mɔɔ bɔwɔ high sukuulu nɩ, kɛyɛ bo nu ɔfʋã bɛ ɛɣɛɛlɛ ta bɔ na bɛtɩ nɣanlɩ kɛɛ mfasʋ bela íni bɔ zʋ.

 Dr. Kathleen Ethier mɔɔ ɩdɩ ebani wɔ Division of Adolescent and School Health (DASH) mɔɔ iwula CDC yɩ tʋ nɩ hanlɩ kɛɛ, “sɛ yɛfa adwɩnɩ nu adimakɛlɛ mɔɔ mmɩlantɩyɛ nɩɩ nɣɛdɛkɛ benyia kakɩ yɩ yetindiã alʋbɔ bunlu mɔɔ idua numɔ nɩ nwʋ a, yɛnwʋ kɛɛ ɩhɔ sʋlɔ. Naasʋ̃, nɣɛdɛkɛ bɛ dɩyɛ mɛyɩ, ɩhɔ sʋlɔ paa. Bo nu sʋ̃maa nyia adwɩnɩ kɛɛ bokohũ bɔ nwʋ anzɛnyɩɩ bɔbɔ mmɔdɩnɩ po kɛɛ bɛkɛyɛ zɔ.”

 Ɩlalɩ ali wɔ amanɩyɛwɔlɛ yɩ nu kɛɛ:

•   Sɛ ɛyɩ nɣɛdɛkɛ bunlu siye kɛ a, ɩáyɛ bʋwɔ kʋlaa nɩ bɛhyɛ bo nu ɔkʋ̃ bɛ nɩɩ yɩ da. Dr. Ethier hanlɩ kɛɛ, “Eyi yɛ atɩɩtɩɩ paa. Iluwakɛɛ wɔ nɣɛdɛkɛ bunlu bela nu nɩ, ɩáyɛ bʋwɔ kʋlaa nɩ, bɔdʋ bo nu ɔkʋ̃ anzɛnyɩɩ ebiye a mɔɔ ɩbʋ ɔzɔ mmɔna.”

•   Wɔ nɣɛdɛkɛ asã bela nu nɩ, bo nu kɛyɛ ɔkʋ̃ nyia adwɩnɩ kɛɛ ikohũ yɩ nwʋ.

•   Wɔ nɣɛdɛkɛ anlu bela nu nɩ, bo nu kɛyɛ asã bɛ ɛɣɛɛlɛ ta bɔ na benyia adwɩnɩ kɛɛ mfasʋ bela íni bɔ zʋ.

 Eyi yɛ alɔbɔ baaba. Ankɩ ɩsɛ kɛɛ ɔzɔ mmɩlɩ yɩ yɛ mmɩlantɩyɛ nɩɩ nɣɛdɛkɛ bɛ anyɩ de a. Mɩnla yɛ ɩkɔwʋwa mmɩlantɩyɛ nɩɩ nɣɛdɛkɛ ma bekegyina adwɩnɩndwɩnɩ mɔɔ ɩhyɛ bɔ zʋ nɩ munwa a? Mɩnla yɛ Bayɩbʋlʋ kã a?

Bayɩbʋlʋ yɩ ɩfa mmʋwalɩyɛ ɩma mmɩlantɩyɛ nɩɩ nɣɛdɛkɛ

 Bayɩbʋlʋ yɩ kã mmɩlɩ tanɩ mɔɔ yɛda numɔ yɩ nwʋ odwokɔ kɛɛ, ɩdɩ ‘anwʋhyɩlɩyɛ mmɩlɩ.’ (2 Timoti 3:1-5) Naasʋ̃, Bayɩbʋlʋ yɩ ɩfa fʋlɔdulɛ ɩma mɔɔ ɩbʋwaa mmɩlantɩyɛ nɩɩ nɣɛdɛkɛ abʋmɩ abʋmɩ sʋ̃maa ma bekegyina pindinyii ɩávalɩ nwʋmɔ ndwokɔzɩzɩbɛ mɔɔ beyiyia nɩ. Kila kezimɔ ndwokɔ eyimmɔ mɔɔ igyĩ Bayɩbʋlʋ yɩ zʋ nɩ kɔhʋla kɔwʋwa wʋ.

•   Sɛ Mɩábɛ Kɛɛ Mʋbʋwa Azɩ Dɔkʋ̃ Sʋ̃ ɛ?

•   Mɩpɛ Kɛɛ Muwu—Sɛ Mɩpɛ Kɛɛ Mukũ Mu Nwʋ a, Sa Bayɩbʋlʋ Kʋla Bʋwa Mɩ Ma Mɩsɩnza Mɩ Adwɩnɩ a?

•   Mɩnla Ti Mɔɔ ɩsɛ Kɛɛ Mʋkɔ Zʋlɔ Mʋbʋwa Azɩ a?

•   Sɛ Adwɩnɩndwɩnɩ Ɩhyɛ Mʋ Zʋ a, Kɛ Ɩkɛyɛ Na Miagyina Yi Munwa a?

•   Kɛ Ɩkɛyɛ Na Miáyiaki Adwɩnɩndwɩnɩ a?

•   Kɛ Ɩkɛyɛ Na Miagyina Adwɩnɩndwɩnɩ yi munwa a?

•   Kɛ Ɩkɛyɛ Na Miali Kezimɔ Mɩtɩ Nɣanlɩ Nɩ Zʋ a?

•   Sɛ Wʋ Ɛɣɛɛlɛ Bɔ a, Mɩnla Yɛ Ɩkɛma Wʋ Anyɩ Kele a? (vidiyo mɔɔ bɔdʋlɔ)

•   Na Sɛ Bopũ Mɩ ɛ?

•   Sɛ Bopũ Mɩ Wɔ Intanɛtɩ Zʋ a, Mɩnla Yɛ Mɩkɛyɛ a?

•   Sɛ Bopũ Wʋ a, Sa Ɔkʋla Ekyina Yi Munwa Mɔɔ Ɔlɔ́kʋ̃ (vidiyo mɔɔ bɔdʋlɔ)

•   Sɛ Bɛfa Nna Nwʋ Odwokɔ Bɛtɩɩdɩɩ Mɩ a, Kɛ Ɩkɛyɛ Na Miagyina Yi Munwa a?

•   Mɔɔ Ɩsɛ Kɛɛ Mʋnwʋ Mɩfalɩ Nna Mɔɔ Bɛhyɛ Abiye Bɛ Nɩɩ Yɩ Da Nɩ Nwʋ—Ɔfʋã 1: Mɔɔ Ɩsɛ Kɛɛ Ɛyɛ

•   Mɔɔ Ɩsɛ Kɛɛ Mʋnwʋ Mɩfalɩ Nna Mɔɔ Bɛhyɛ Abiye Bɛ Nɩɩ Yɩ Da Nɩ Nwʋ—Ɔfʋã 2: Mɔɔ Ɩkɔwʋwa Wʋ

Bayɩbʋlʋ yɩ fa mmʋwalɩyɛ ma awʋvʋlɔ

 Bayɩbʋlʋ yɩ fa mmʋwalɩyɛ ma awʋvʋlɔ na ama bɛahʋla bɛawʋwa bo nnwuakula ma bɛagyina ndwokɔzɩzɩbɛ mɔɔ beyiyiaa nɩ yi munwa. Kila kezimɔ ndwokɔ eyimmɔ mɔɔ igyĩ Bayɩbʋlʋ yɩ zʋ nɩ kɔhʋla kɔwʋwa.

•   Mɩnla Ti Mɔɔ Adwɩnɩndwɩnɩ Hyɛ Mmɩlantɩyɛ Nɩɩ Nɣɛdɛkɛ Zʋ a? Mɩnla Yɛ Ɩkɔwʋwa a?

•   Mmɩlɩ Mɔ Adwɩnɩndwɩnɩ Ɩhyɛ Wʋ Ɣa Baalɛ Zʋ

•   Na Sɛ Bopũ Mɩ Ɣa Yɩ ɛ?

•   Sɛ Wʋ Ɣa Yɩzayɩ Ipila Yɩ Nwʋ a, Mɩnla Yɛ Ɛkɛyɛ a?

•   Sohyiya Midiya Nɩɩ Nnwuakula—Ɔfʋã 1: Asʋ̃ Ɩsɛ Kɛɛ Mɩ Ɣa Fa Sohyiya Midiya Di Egyima a?

•   Sohyiya Midiya Nɩɩ Nnwuakula—Ɔfʋã 2: Bʋwa Wu Nnwuakula Ma Behila Bɔ Nwʋ Bʋwɔ Wɔ Sohyiya Midiya Zʋ

•   Nnwuakula Nɩɩ Foonu—Ɔfʋã 1: Asʋ̃ Ɩsɛ Kɛɛ Mɩ Ɣa Yɩ Ɩfa Foonu Idi Egyima a?

•   Nnwuakula Nɩɩ Foonu—Ɔfʋã 2: Bʋwa Wu Nnwuakula Ma Bɔ Nwʋ Kezimɔ Bɛkɛva Bo Foonu Bekeli Egyima Wɔ Nɣɛlɛbɛ Nu

•   Kezimɔ Ɛ nɩɩ Wu Nnwuakula Kɛhã Nna Nwʋ Nkɔmmɔ Mɔɔ Bɔbɔ Wɔ Foonu Zʋ Nɩ Nwʋ Odwokɔ