Иҟалома знымзар-зны агәаҟрақәа рҵыхәтәа?
Ишԥаҟашәҵарыз аҭак?
-
Ааи.
-
Мап.
-
Иҟалап.
ИАҲӘОЗЕИ АБИБЛИА?
«Анцәа урҭ лаӷырӡ цырак иадамзаргьы ирҿыжжы иаанижьуам, ирыцқьоит; шьҭа уаҳа изыҟалом аԥсра; аҵәуара, аӷызы-ӷызра, аҵәаара, ахьаа-баа ҟалом» (Аатра 21:4, Ауасиаҭ Ҿыц).
ИААНАГАР АЛШОЗЕИ УИ ШӘАРА ШӘЗЫ?
Агәраганы аҟазаара, Анцәа агәаҟрақәа шааимго (Иаков 1:13).
Агәҭынчра, Анцәа ҳшеиликаауа ахьаҳдыруа (Захариа 2:8).
Агәыӷра ӷәӷәа, агәаҟрақәа рҵыхәтәа шыҟало (Аԥсалом 37:9—11).
ИҲАЛШОМА ҲАРА АБИБЛИА ИАҲӘО АГӘРА ҲГАР?
Ааи, убри азгьы ҳара иҳамоуп амзызқәа ҩба:
-
Анцәа ицәымӷуп агәаҟрақәеи аиашамреи. Иарбан цәанырроу имаз Анцәа Иегова, ижәлар гәымбылџьбарала ианрықәыӷәӷәоз? Абиблиаҿы иҳәоуп иара ишхьааигоз, арҭ ауаа «ԥсгаха рызымҭоз рҟынтәи ишгәынқьуаз» анибоз (Аӡбаҩцәа 2:18).
Анцәа ҭынч дзахәаԥшӡом ауаа егьырҭ ишрықәыӷәӷәо анибо. Абиблиаҿы иҳәоуп «акгьы зхарам ршьа казҭәо анапы» шицәымӷу (Ажәамаанақәа 6:16, 17).
-
Анцәа хаҭала зегьы дҳаиҷаҳауеит. Абиблиаҿы иҳәоуп «дасу ихатә рыцҳареи ихатә хьааи идыруеит» ҳәа. Аха ҳара ҳауадаҩрақәа рҿы ҳхала ҳааныжьым — Иегова идыруеит ҳхьаақәа ртәы (2 Ашықәсынҵа 6:29, 30).
Иегова Иаҳра абзоурала иаарласны иқәихуеит ҳара зегь хаҭала ҳзықәшәо агәаҟрақәа (Матфеи 6:9, 10). Аха уажәы иара гәрыцҳашьарала ргәы ирҭынчуеит ицхыраара иашьҭоу зегьы (Аусқәа 17:27; 2 Коринфаа рахь 1:3, 4).
ШӘАЗХӘЫЦ
Избан Анцәа агәаҟрақәа зиаҩижьуа?
Абиблиа ари азҵаара аҭак ҟанаҵоит РИМАА РАХЬ 5:12, насгьы 2 ПИОТР 3:9 рҟны.
Иара убас ишәгәаԥхар ауеит
ИХАДОУ АБИБЛИАТӘ ҴАРАҚӘА
Избан Анцәа агәаҟрақәа заанимкыло?
Аӡәырҩы ауаа ргәы иҵхоит абри азҵаара: «Избан адунеи аҿы абриаҟара агәаҟрақәеи агәымбылџьбарареи зыҟоу?» Абиблиаҿы иану аҭак ҳгәы арҭынчыр алшоит.
ҲАРА ИҲАЗКНЫ
Изаҭахузеи Абиблиа аилкаара?
Миллионҩыла ауаа адунеи зегь аҿы Абиблиа рыцхраахьеит аԥсҭазаараҿы зегь реиҳа ихадароу азҵаарақәа рҭак аԥшаараҿы. Ишәҭахума уи шәаргьы ишәыцхраарц?
АБИБЛИАТӘ ҴАРАҚӘА
Ҳбиблиатә курс шәалага
Шәалага Иегова ишаҳаҭ хәыда-ԥсада ишәзымҩаԥиго абиблиатә курс.
