¿Baʼax jeʼel u taasik kiʼimak óolal ichil le familiaoʼ?
A tuklikeʼ:
-
¿letiʼe yaabilajoʼ?
-
¿letiʼe taakʼinoʼ?
-
¿wa uláakʼ baʼal?
LE BIBLIAOʼ KU YAʼALIK
«¡Kiʼimak u yóol le máaxoʼob ku chʼenxikintikoʼob yéetel ku beetkoʼob baʼax ku yaʼalik Diosoʼ!» (Lucas 11:28, Túumben Luʼum).
BIX U YÁANTKECH LELAʼ
Yaan a jach yaabiltikabaʼex (Efesios 5:28, 29).
Yaan a paklan respetarkabaʼex (Efesios 5:33).
Yaan a biskabaʼex maʼalob (Marcos 10:6-9).
¿JEʼEL WA U PÁAJTAL A CREERTIK BAʼAX KU YAʼALIK LE BIBLIAOʼ?
Jeʼeleʼ, ilawil baʼaxten:
-
Dios tsʼaamil le familiaoʼ. Le Bibliaoʼ ku yaʼalikeʼ tiʼ Jéeoba Dios «u taal tuláakal familia» (Efesios 3:14, 15). Lelaʼ u kʼáat u yaʼaleʼ letiʼ beet u yantal. ¿Baʼaxten maʼalob ka a wojéelt lelaʼ?
Tukulte: wa jach kiʼ ta wuʼuyil junpʼéel janal yéetel a kʼáat a wojéelt bix úuchik u beetaʼaleʼ, ¿máax tiʼ jeʼel a kʼáatkeʼ? ¿Máasaʼ tiʼ le máax beetoʼ?
Bey túun xanoʼ, wa taak a wojéeltik bix jeʼel u yantal kiʼimak óolal ichil a familiaeʼ unaj a beetik baʼax ku yaʼalik Jéeoba Dios, le Máax beet u yantal le familiaoʼ (Génesis 2:18-24).
-
Dioseʼ jach taak u yáantkeʼex. Wa ka nuʼuktik a kuxtaleʼex yéetel le Bibliaoʼ jach yaan u binteʼex utsil, tumen Jéeoba Dioseʼ «jach taak u yáantkeʼex» (1 Pedro 5:6, 7). Jéeobaeʼ u kʼáat ka yanakteʼex kiʼimak óolal. Le baʼaxoʼob ku yaʼalikoʼ mantatsʼ ku taasik utsil tiʼ máak (Proverbios 3:5, 6; Isaías 48:17, 18).
TUKULTE
¿Bix jeʼel in beetkinba maʼalob íichamtsil, atantsil, taatatsil wa maamatsileʼ?
Kaxt u núukil teʼ EFESIOS 5:1, 2 yéetel COLOSENSES 3:18-21.
Maʼ xaaneʼ jeʼel u yutstal xan ta wicheʼ
¡AAJKECH!
Bix jeʼel u yantal kiʼimak óolal ichil a familiaeʼ
¿Baʼax jeʼel u beetik le íichamtsil, le atantsil, le taatatsiloʼob yéetel le paalaloʼob utiaʼal u yantal kiʼimak óolal tiʼoboʼ?
BAʼALOʼOB KU NÚUKAʼAL TEʼ BIBLIAOʼ
¿Baʼax ku yaʼalik le Biblia yoʼolal le tsʼoʼokol beeloʼ?
Consejoʼob yaan teʼ Biblia jeʼel u yáantik le tsʼokaʼan u beeloʼob u yutskíintoʼob le problemas ku yantaltiʼoboʼ.
¡AAJKECH!
Áantaj utiaʼal le familiaʼoboʼ: Múul meyajneneʼex
¿Ka tsʼáaikaba wa de acuerdo yéetel a núup tiʼ le baʼax ken a beeteʼexoʼ?
KʼAJ ÓOLTOʼONIʼ
¿Baʼaxten unaj a xokik le Bibliaoʼ?
Teʼ Bibliaoʼ u millonesil máakoʼob tiʼ tuláakal tuʼux táan u kankoʼob u núukil le kʼáatchiʼob maas kʼaʼanaʼantakoʼ. ¿Kux túun teech?
KʼAJ ÓOLTOʼONIʼ
Kʼáat ka kaʼansaʼakech yéetel le Bibliaoʼ
Wa yaan baʼax taak a wojéeltik yoʼolal le Bibliaoʼ kʼáat ka áantaʼakech tumen juntúul u testigo Jéeoba wa kʼáat ka tsʼaʼabaktech xook.
