¡MAʼ U NÁAYAL A WÓOLEʼEX!
¿Baʼax kʼiin ken xuʼuluk le guerraʼoboʼ? | ¿Baʼax ku yaʼalik le Bibliaoʼ?
Tu kʼiinil sábado 13 tiʼ abril tiʼ 2024, u kaajil Iráneʼ tu atacartaj Israel, yoʼolal le baʼax úuchaʼ António Guterres, secretario general tiʼ le Naciones Unidasoʼ, tu yaʼalaj: «Bejlaʼeʼ u kʼiinil utiaʼal k-ilik ka xuʼuluk le guerraʼoboʼ».
Le baʼateloʼob ku yúuchul teʼ Oriente Mediooʼ jach chéen le ku tsikbaltaʼal tiʼ tuláakal yóokʼol kaab.
«Bejlaʼeʼ tsʼoʼok u maas yaʼabtal le baʼateloʼob ku yúuchloʼob tiʼ tuláakal yóokʼol kaab desde ka tsʼoʼok le Segunda Guerra Mundialoʼ, lelaʼ tsʼoʼok u afectartik 2,000 millones máakoʼob, u cuarta parteil u máakiloʼob yóokʼol kaab» (Consejo de Seguridad de las Naciones Unidas, 26 tiʼ enero tiʼ 2023).
Le kaajoʼob táan u baʼateloʼoboʼ: Israel, Gaza, Siria, Azerbaiyán, Ucrania, Sudán, Etiopía, Níger, Myanmar yéetel Haití. a
¿Baʼax kʼiin ken xuʼuluk le baʼateloʼoboʼ? ¿Jeʼel wa u páajtal u taasik jeetsʼelil le gobiernoʼoboʼ? ¿Baʼax ku yaʼalik le Bibliaoʼ?
Le yóokʼol kaabaʼ chuup yéetel guerraʼob
U sen baʼateʼel le kaajoʼoboʼ ku yeʼesik jach taʼaytak u kʼuchul u kʼiinil u xuʼulul le guerraʼoboʼ. Le baʼaxoʼob ku yúuchlaʼ táan u béeykuntkoʼob le profecía yaan teʼ Biblia ku tʼaanoʼob yoʼolal le kʼiinoʼob kuxlikoʼonaʼ. Le Bibliaoʼ ku yaʼalikeʼ «táan u tsʼoʼokol tiʼ le yóokʼol kaabaʼ» (Mateo 24:3).
«Teʼexeʼ yaan a wuʼuyikeʼex jejeláas tuʼuxoʼob táan u baʼateʼel le kaajoʼoboʼ[...]. Junpʼéel kaajeʼ yaan u baʼateʼel tu contra uláakʼ kaaj, junpʼéel reinoeʼ yaan u baʼateʼel tu contra uláakʼ reino» (Mateo 24:6, 7).
Ilawil le xook «¿Baʼax eʼesik kuxaʼanoʼon ‹tu tsʼook kʼiinoʼob›?» utiaʼal a wilik bix le guerraʼob ku yúuchul teʼ kʼiinoʼobaʼ táan u béeykuntkoʼob le profecía yaan teʼ Bibliaoʼ.
Junpʼéel guerra kun xuʼulsik tiʼ tuláakal le guerraʼoboʼ
Le Bibliaoʼ ku yaʼalikeʼ yaan u kʼuchul u kʼiinil u xuʼulul tiʼ le guerraʼoboʼ ¿Bix túun kun béeytal? Lelaʼ maʼ wíinik kun beetkiʼ, baʼaxeʼ yaan u yúuchul tu kʼiinil Armagedón, le «baʼateʼel kun antal tu noj kʼiinil le Dios jach táaj yaan u poderoʼ» (Apocalipsis 16:14,16). Kéen tsʼoʼokok le guerraaʼ Dioseʼ yaan u béeykuntik le baʼax u prometermaj tiʼ wíinikoʼ, u yantal jeetsʼelil way luʼum utiaʼal mantatsʼeʼ (Salmo 37:10, 11,29).
Utiaʼal a wojéeltik u maasil yoʼolal le guerra kun xuʼulsik tiʼ le guerraʼoboʼ, ilawil le xook «‹¿Baʼax le Armagedónoʼ?›».
a ACLED Conflict Index, «Ranking violent conflict levels across the world,» enero tiʼ 2024.
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
U xuul: ¿baʼax u kʼáat u yaʼale?
¿A wojel wa le «u xuul» ku yaʼalik le Biblia u jaajileʼ junpʼéel baʼal uts?
BAʼALOʼOB UNAJ A KANIK
¿Baʼaxten ku chaʼik Dios u yantal muʼyajil?
Yaʼab máakeʼ u kʼáat u yojéelt baʼaxten jach yaan pʼektajil yéetel muʼyajil way yóokʼol kaabeʼ. Le Bibliaoʼ ku yaʼalik baʼaxten yéetel ku yaʼalik baʼax ken u beet Dios.
LE MÁAX KU KANANOʼ
Bix u yilik Dios le baʼateltáambal bejlaʼoʼ
Dioseʼ yaan u taasik junpʼéel baʼateltáambal utiaʼal u xuʼulsik le baʼateltáambaloʼoboʼ.
KʼAJ ÓOLTOʼONIʼ
Kʼáat ka kaʼansaʼakech yéetel le Bibliaoʼ
Wa yaan baʼax taak a wojéeltik yoʼolal le Bibliaoʼ kʼáat ka áantaʼakech tumen juntúul u testigo Jéeoba wa kʼáat ka tsʼaʼabaktech xook.
