“Nzambi . . . wela fiona matsuela moso mu meso mawu ayi lufua lulendi buela ba ko; kiadi ki lufua kilendi buela ba ko, bidilu ayi ziphasi bilendi buela ba ko bila mambu ma theti maviokidi.”—Tsongolo 21:3, 4, Nkanda wu Moyo.

Kisalu kimfunu ayi ki khini.—Ezayi 65:21-23.

Kadi kimbevo voti ziphasi zi phila muphila.—Ezayi 25:8; 33:24.

Luzingu lu mayangi va kimosi ayi dikanda epi bakundi baku.—Nkunga 37:11, 29.

Inga, tutadila bibila biabi biole:

• Nzambi widi nkua ngolo mu lungisa zitsila ziandi. Mu Bibila, Yehova widi nia veka weta tedulu ‘Nkua Ngolo Yoso’, bila ngolo andi yikadi ndilu. (Tsongolo 15:3) Buawu, wufuana mu lungisa tsil’andi yi tomisa nza mu mamo. Bibila kembi ti “kuidi Nzambi mamo malenda vangama.”—Matayi 19:26.

• Nzambi zolele dedikisa tsil’andi. Tala, Yehova widi “lukanu lunene” lu fulukisa batu bo bafwa.—Yobo 14:14, 15.

  Bibila monisini diaka ti Muana Nzambi, Yesu, wubelusa bambevo. Bila mbi kasila bo? Bila wu tia niandi veka. (Malako 1:40, 41) Banga Disa diandi, Yesu wuzola sadisa bo badi mu phasi.—Yowani 14:9.

  Buawu sianu vuvu ti Yehova ayi Yesu bazolele tubaka luzingu lumbote ku ntuala!—Nkunga 72:12-14; 145:16; 2 Piela 3:9.