„ღორონთ . . . გელუწიმინდანს თინეფს ირნერ ჩილამურს თოლეფშე დო ვეჸუაფ ღურა, ვართ ნგარა, თვალუა დო ჭუა, მუშენდა მუთ ულირს რდუნ, ირფელქ მისპჷ“ (გამოცხადება 21:3, 4).

აზრით ეფშა დო გურიშ მუმაჰამაფალ სამუშას (ესაია 65:21—23).

ცხოვრებას ლახალა დო წვალებაშ უმშო (ესაია 25:8; 33:24).

ბედნერ, მარადიულ რინას ოჯახ დო მეგობრეფწკუმა ართო (ფსალმუნი 37:11, 29).

მუშო ოკო რაგად, ქო. თეშ არძაშ უნაკლებაშ ჟირ მიზეზ არსებენს:

• ღორონთის შეულებ მუშ დუნაპირებუშ შესრულება. ბიბლის ინოჭარ, ნამდა ხვალე იეჰოვა ღორონთ რე „ირფელიშ შემალებე“, ნამუსით ულიებ ძალა უღჷ (გამოცხადება 15:3). თენა ნიშნენს, ნამდა ღორონთის შეულებ შეასრულას მუშ დუნაპირებ დო უჯგუშობაშა დოთირუას მსოფლიო. ბიბლიას ჭარჷ: „ღორონთშო ირფელ შეიოლებერ რე“ (მათე 19:26).

• ღორონთიშ სურვილ რე, შეასრულას მუშ დუნაპირებ. მაგალთო, ღორონთის ოკო, ნამდა სიცოცხლე დურთინუას ღურელეფს, მუშენდა ონატრ მუშ ხეშ გუნაჭყეფ (იობი 14:14, 15).

  თეს გეძინელ, ბიბლიას ეჭარილ რე, ნამდა ღორონთიშ სქუა, იესო, ოსქილიდუანდჷ ლეხეფს. მუშენ ორთუდ იესო თეს? მუშნდა თის მთელ გურით ოკოდ თეშ კეთება (მარკოზი 1:40, 41). იესო სრულყოფილო გიმირჩქინანდჷ მუმაშ თვისებეფს დო ოკოდ ქელუდირთკო თინეფს, მიდგას მოხვარა ოსაჭირუდ (იოანე 14:9).

  შემლებნა დარწმუნებულ ვორდათ, ნამდა ღორონთიშ დო იესოშ სურვილ რე ქიმმეხვარან, მიღდან ბედნერ მომავალ (ფსალმუნი 72:12—14; 145:16; 2 პეტრე 3:9).