ამერიკაშ დაავადებეფიშ კონტროლიშ დო პრევენციაშ ცენტრიქ (CDC) თუთაშხას, 2023 წანაშ 13 ფრევალს გიშაშქვჷ ანგარიშ, სოდეთ ჩიება მეურს შეერთებულ შტატეფს მოზარდეფ შქას მენტალურ ჯამრთელობაშ პრობლემეფიშ გურშენ. თექ მოშინაფილ რდჷ, ნამდა სკოლაშ მოსწავლეეფიშ 40 პროცენტშე უმოს, ირიათო მოწყინაფილეფ რენა ვარდა დუდის უიმენდოთ გინაფლენა.

 „მართალ რე, ახალგაზრდეფ შქას მენტალურ ჯამრთელობაშ პრობლემეფ ბოლო 10 წანა რე იუფრაშებ, მარა ულირიშ გინაწონს, ასეიან დროს, მოზარდ ძღაბეფს ბრელით უმოს ხშირას მალენა დუდიშ ჸვილუაშ გურშენ ფიქრეფ დო უმოსო ოცადნა თეშ კეთებას“ — იჩიებ ამერიკაშ დაავადებეფიშ კონტროლიშ დო პრევენციაშ ცენტრიშ ართ-ართ განყოფილებაშ (მოზარდეფიშ დო სკოლაშ ასაკიშ ბაღანეფიშ განყოფილება) დირექტორ, კეტრინ ითერ.

 დაჭყაფუს მოშინაფილ ანგარიშის ჭარუდ:

•   ირ 10 ძღაბშე, დახე 2-ს (სოდგარენ 14 პროცენტის), მუშ ნებაშ საწინააღმდეგოთ უღუდ სქესობრივ კავშირ. კეტრინ ითერ იჩიებ: „მართალო ოშქურანჯ სტატისტიკა რე. თენა თის ნიშნენს, ნამდა თქვა იჩინენთინ თი 10 ძღაბშე, მინიმუმ ართ ვარდა შილებე ხოლო უმოს, გაუპატიურეს“.

•   ირ 3-შე 1 მოზარდ ძღაბ (30 პროცენტ) სერიოზულო ფიქრენდჷ დუდიშ ჸვილუაშე.

•   ირ 5-შე 3 მოზარდ ძღაბ (57 პროცენტ) ირიათო მოწყინაფილ რდჷ ვარდა დუდის უიმენდოთ გინაფლენდჷ.

 თე მონაცემეფ მართალო გურსაჭუო რე. ახალგაზრდულ წანეფ ხიოლით დო ბედნერობათ ოკო რდას ეფშა. მუ მეხვარებ მოზარდეფს, გიორჯგინან სტრესის, ნამუთ ამდღა უღნა? მუს იჩიებ ბიბლია?

ბიბლია ახალგაზრდეფს პრაქტიკულო ოხვარ

 ბიბლია რეალურო ეჭარუნს თი სტრესულ ცხოვრებას, მუთ ამდღა მიღნა. თინა ჩქინ დროს მიშინუანს, მუჭოთ „ძნელ გარზებელ დროს“ (2 ტიმოთე 3:1—5). მარა თეწკუმა ართო, ბიბლია მოზარდეფს არზენს რჩევეფს, ნამდგაქ მთელ მსოფლიოს მილიონობით ახალგაზრდას მეხვარ გიორჯგინკო სირთულეეფს. ქიგნაჯინით თაქ მოჩამილ მასალეფს, ნამუთ ბიბლიაშა რე გერსხილ.

•   მუჭო მიფქცუა ცხოვრება ვამკონ-და? [ქორთ.]

•   შეულებნო ბიბლიას თქვან მოხვარა, მუჟამსით დუდიშ ჸვილუაშე ფიქრენთ?

•   მუშენ ღირ ცხოვრებაშ გაგრძელება? [ქორთ.]

•   მუჭო გივორჯგინა დეპრესიას? [ქორთ.]

•   მუჭო ჩიფთხინუა უარყოფით ფიქრეფ? [ქორთ.]

•   მუ ვაკეთა, ნამდა ირფელშე ვემნერვიანე? [ქორთ.]

•   მუჭო ვაკონტროლა ემოციეფ? [ქორთ.]

•   წუხებას ხიოლ დოთირანს (ანიმაცია)

•   მუჭო მიფქცუა, მუჟამსით მაჩაგრენა? [ქორთ.]

•   მუჭო დეფცვა დუდ კიბერ-ბულინგშე? [ქორთ.]

•   ჩეთხინე ბუნტიშ დუდ ჩხუპიშ უმშო (ანიმაცია)

•   მუჭო მიფქცუა, მუჟამსით სექსუალურ შეურაცყოფას ფხვადუქ? [ქორთ.]

•   მუ ოკო მიჩქუდას სექსუალურ ძალადობაშ გურშენ? (ნაწილ 1) მუჭო ევუჩილითუა დუდ [ქორთ.]

•   მუ ოკო მიჩქუდას სექსუალურ ძალადობაშ გურშენ? (ნაწილ 2) რეაბილიტაცია [ქორთ.]

ბიბლია პრაქტიკულ რჩევეფს არზენს მშობლეფს

 ბიბლია პრაქტიკულ რჩევეფს არზენს მშობლეფს, ნამდა თინეფს შეიალებუან მოზარდეფიშ მოხვარაქ სირთულეეფიშ დროს. ქიგნაჯინით თაქ მოჩამილ სტატიეფს, ნამუთ ბიბლიაშა რე გერსხილ.

•   მუ რე მოზარდეფ შქას დეპრესიაშ მიზეზ დო მუჭო მივეხვარათ თინეფს? [ქორთ.]

•   მუჟამსით თქვან მოზარდ ძღაბის სტრეს უღჷ [ქორთ.]

•   მუჭო მიფქცუა, მუჟამსით ჩქიმ სქუას აჩაგრენა? [ქორთ.]

•   მუჟამსით თქვან მოზარდ ბაღანა დუდის ისახიჩრენს [ქორთ.]

•   ბაღანეფ დო სოციალურ მედია (ნაწილ 1) ოკო გიმირინუასო ჩქიმ სქუაქ სოციალურ მედია? [ქორთ.]

•   ბაღანეფ დო სოციალურ მედია (ნაწილ 2) ქუდაგურეთ ბაღანას სოციალურ მედიაშ გიმორნაფა [ქორთ.]

•   ბაღანეფ დო სმართფონეფ (ნაწილ 1) ოკო უღდასო ჩქიმ ბაღანას სმართფონ [ქორთ.]

•   ბაღანეფ დო სმართფონეფ (ნაწილ 2) ქუდაგურეთ სქუალეფს სმართფონეფიშ გონივრულო გიმორნაფა [ქორთ.]

•   მუჭო შეილებნა ეჩუათ სქუას სექსტინგიშ გურშენ [ქორთ.]