JUNI 20, 2023
EMEXICO
Kukhululwe INguqulelo Yehlabathi Elitsha YeZibhalo ZamaKristu ZesiGrike NgesiNahuatl (Kumbindi) nesiTarascan
NgoJuni 9, 2023, kwakhululwa iNguqulelo Yehlabathi Elitsha YeZibhalo ZamaKristu ZesiGrike ngesiNahuatl (Kumbindi) nesiTarascan. Ezi nguqulelo ziye zakhululwa ngosuku lokuqala kwiNdibano Yengingqi ethi “Yibani Nomonde”! ebikhona ngezi lwimi. Nantsi ingxelo emfutshane yala maxesha avuyisayo.
IsiNahuatl (KumbindiKumbindi)
UMzalwana uSean Scribner, olilungu leKomiti YeSebe kuMbindi Merika, uye wakhulula iNguqulelo Yehlabathi Elitsha YeZibhalo ZamaKristu ZesiGrike, ngesiNahuatl (Kumbindi) kubantu ababeyi-1 474. Indibano yesiNahuatl (Kumbindi) ibikwisixeko sasePuebla eMexico. Bamalunga ne-500 000 abantu abathetha isiNahuatl (Kumbindi) abaninzi bahlala kwizixeko ezisixhenxe kumazantsi nakumbindi Mexico.
Abaguquleli baye bakhetha amagama alula nasetyenziswa kulwimi okulula ukuluqonda ngesiNahuatl (Kumbindi). Kwakhona, le Nguqulelo Yehlabathi Elitsha YeZibhalo ZamaKristu ZesiGrike ngesiNahuatl (Kumbindi) inemibhalo esemazantsi ecacisa amanye amagama ngolo lwimi. Eyona nto ibalulekileyo kukuba igama likaThixo, uYehova, libuyiselwe kuzo zonke iZibhalo.
IsiTarascan
UMzalwana uCurtis Mills, olilungu leKomiti YeSebe kuMbindi Merika, uye wakhulula iZibhalo ZamaKristu ZesiGrike, kwindibano ebikwisixeko saseMichoacan eMexico apho bekukho abantu abayi-662. Kuqikelelwa ukuba kukho abantu abangaphezu kwe-175 000 eMexico nabantu abamalunga ne-60 000 eMerika abathetha isiTarascan.
Nangona kukho ezinye iinguqulelo zeZibhalo ZamaKristu ZesiGrike ngesiTarascan zona zisebenzisa ulwimi lwakudala ekungekho lula ukuluqonda. Kwakhona azisoloko zinemfundiso echanileyo yeBhayibhile. Ngokomzekelo, enye yezi nguqulelo ithi ngoYohane 10:30: “Mna noThixo noBawo sibanye.” Kodwa yona iNguqulelo Yehlabathi Elitsha YeZibhalo ZamaKristu ZesiGrike ngesiTarascan ithi kule vesi: “Mna noTata sibanye,” nto leyo ebonisa ukuba uYehova noYesu bamanyene kwinto abayenzayo kodwa abalingani.
Sithandazela ukuba ezi nguqulelo zincede abantu abaninzi bafunde baze bakhonze uYehova.—Isaya 2:3.
Mhlawumbi Ungayithanda Nale
IMIBUZO ABANTU ABAQHELE UKUYIBUZA
Ngaba AmaNgqina KaYehova AneBhayibhile Yawo?
Ukusebenzisa iinguqulelo ezahlukahlukeneyo kungayiphucula indlela oyifunda ngayo iBhayibhile. Kukho iingongoma ezintathu ezenza iNguqulelo Yehlabathi Elitsha YeZibhalo Ezingcwele kube luncedo ukuyisebenzisa xa ufunda.
INDLELA ESETYENZISWA NGAYO IMINIKELO YAKHO
Ukwenza Eyona Ncwadi Ibalulekileyo
Ayingomsebenzi olula ukuguqulela, ukuprinta nokudibanisa INguqulelo Yehlabathi Elitsha.
IMIBUZO ABANTU ABAQHELE UKUYIBUZA
Ngaba AmaNgqina KaYehova Ayakholelwa KwiTestamente Endala?
Ngaba inxalenye ezithile zeBhayibhile ziphelelwe lixesha? Funda ngendlela amaKristu anokuzuza ngayo kwimbali echanileyo namacebiso aluncedo eZibhalo zesiHebhere.