An mga Tagna ba Mahitungod ha Mesias Nagpapamatuod nga hi Jesus an Mesias?
An baton han Biblia
Oo. Han nakanhi ha tuna hi Jesus, gintuman niya an damu nga tagna mahitungod ha “Mesias nga Lider,” an usa nga magigin “paratalwas han kalibotan.” (Daniel 9:25; 1 Juan 4:14) Ngan bisan katapos han iya kamatayon, padayon nga gintuman niya an mga tagna mahitungod ha Mesias.—Salmo 110:1; Buhat 2:34-36.
Ano an karuyag sidngon han “Mesias”?
An Hebreo nga pulong nga Ma·shiʹach (Mesias) ngan an katugbang hito nga pulong ha Griego nga Khri·stos (Kristo) pariho nagpapasabot hin “Usa nga Dinihogan.” Salit, an “Jesu-Kristo” nangangahulogan hin “hi Jesus an Usa nga Dinihogan,” o “hi Jesus an Mesias.”
Ha panahon han Biblia, an usa nga tawo nga ginpili para ha usa nga espesyal nga katungdanan ha pagkaada hin awtoridad kasagaran nga gindidihogan pinaagi ha pagbubo hin lana ha iya ulo. (Levitico 8:12; 1 Samuel 16:13) Ginpili hi Jesus han Dios nga magin Mesias—usa nga katungdanan nga may daku nga awtoridad. (Buhat 2:36) Pero imbes nga lana an gamiton ha pagdihog ha hiya, gin-gamit han Dios an baraan nga espiritu.—Mateo 3:16.
Posible ba nga diri la usa nga tawo an magtutuman han mga tagna mahitungod ha Mesias?
Diri. Sugad la nga an usa nga fingerprint pangirilal-an han uusa la nga tawo, an katumanan han mga tagna ha Biblia nagtutudlok ha uusa la nga Mesias, o Kristo. Pero, nagpahamangno an Biblia nga “maabot an buwa nga mga Kristo ngan buwa nga mga propeta ngan magbubuhat hin dagku nga mga tigaman ngan urusahon nga mga butang basi isimang bisan an mga pinili, kon posible.”—Mateo 24:24.
Ha tiarabot pa ba maabot an Mesias?
Diri. Igintagna han Biblia nga an Mesias magtitikang ha tulin ni Hadi David han Israel. (Salmo 89:3, 4) Pero nawara an mga rekord han kaapoy-apoyan han mga Judio nga tikang pa ha panahon ni David, posible nga nabungkag ito han ginsakop han mga Romano an Jerusalem han 70 C.E. a Tikang hito nga panahon, diri na posible para ha bisan hin-o nga mapamatud-an nga tulin hiya han hadianon nga pamilya ni David. Pero, ha panahon ni Jesus nakada pa ito nga mga rekord, ngan bisan an iya mga kaaway waray maglampos ha pagdiwara nga tulin hiya ni David.—Mateo 22:41-46.
Pira nga tagna mahitungod ha Mesias an nakarekord ha Biblia?
Imposible nga mahibaroan an espisipiko nga kadamuon han mga tagna mahitungod ha Mesias. Pananglitan, an pamaagi ha pag-ihap han mga tagna mahimo mag-iba-iba bisan ha mga rekord nga klaro nga mahitungod ha Mesias. An nakarekord ha Isaias 53:2-7 nag-uunabi hin pipira nga tagna mahitungod ha Mesias. Para ha iba, bangin ihapon nira ini nga bug-os nga rekord sugad nga usa nga tagna, samtang an iba bangin maghunahuna nga magkabulag an tagsa hini nga tagna.
Pipira nga tagna mahitungod ha Mesias nga natuman kan Jesus
Tagna |
Mababasa ha |
Katumanan |
---|---|---|
Tulin ni Abraham |
||
Tulin ni Isaac nga anak ni Abraham |
||
Natawo ha tribo ni Juda han Israel |
||
Tikang ha hadianon nga tulin ni Hadi David |
||
Gin-anak han usa nga birhen |
||
Natawo ha Bethlehem |
||
Ngangaranan hin Immanuel b |
||
Simple an tinikangan |
||
An kabataan ginpamatay kahuman niya ipanganak |
||
Gintawag tikang ha Ehipto |
||
Gintawag nga Nazareno c |
||
May mag-uuna ha iya nga mensahero |
||
Gindihogan sugad nga Mesias han 29 C.E. d |
||
Ginkilala han Dios nga Iya Anak |
||
Madasigon ha balay han Dios |
||
Parasamwak han maopay nga sumat |
||
Pagministeryo ha Galilea, usa nga duro nga kalamrag |
||
Naghimo hin mga milagro pariho kan Moises |
||
Pariho kan Moises, nagyakan hiya han mga panhunahuna han Dios |
||
Gintambal an sakit han damu nga tawo |
||
Waray magpasikat ha kalugaringon |
||
Pinaid ha mga nag-aantos |
||
Iginpakita an hustisya han Dios |
||
Maaramon nga Magsaragdon |
||
Nagpasamwak han ngaran ni Jehova |
||
Nagyakan pinaagi hin mga ilustrasyon |
||
Usa nga Lider |
||
Damu an waray tumoo ha iya |
||
Hiparakdolan nga bato |
||
Ginsalikway han mga tawo |
||
Ginkangalasan bisan waray hinungdan |
||
Malampuson nga sinulod ha Jerusalem sakay hin asno |
||
Gindayaw han kabataan |
||
Kinanhi ha ngaran ni Jehova |
||
Gintraydor han usa nga gintaporan nga kaupod |
||
Gintraydor kabalyo han 30 ka bug-os nga silber e |
||
Ginbayaan han iya kasangkayan |
||
An buwa nga mga testigo naghatag hin testimonya kontra ha iya |
||
Hinilom ha atubangan han mga paraakusar |
||
Gintuprahan |
||
Ginbalbag ha ulo |
||
Ginkastigo |
||
Waray umato ha mga nagpasakit ha iya |
||
An mga lider han gobyerno nagsarabot kontra ha iya |
||
Ginraysang ha kahoy an iya mga kamot ngan tiil |
||
An mga tawo nagripa (naghuygo) para ha iya bado |
||
Igin-upod ha mga salaan |
||
Ginyaknan hin maraot, gin-insulto |
||
Nag-antos para ha mga makasasala |
||
Baga hin ginpabay-an han Dios |
||
Ginpainom hin suoy ngan bino nga ginsalaktan hin mapait nga mga tanom |
||
Gin-uhaw antes gud mamatay |
||
Igintapod an iya espiritu ha Dios |
||
Ginhatag an iya kinabuhi |
||
Nagtagana han lukat para mawara an sala |
||
Waray tul-an nga nabari |
||
Ginbuno |
||
Ha iya lubong inupod an mga riko |
||
Ginbanhaw |
||
Ginsaliwnan an traydor |
||
Liningkod ha too han Dios |
a An McClintock and Strong’s Cyclopedia nagsiring: “Waray ruhaduha nga an mga rekord han tribo ngan pamilya han mga Judio nawara han nabungkag an Jerusalem, ngan diri kay antes hito.”
b An Hebreo nga ngaran nga Immanuel, nga nangangahulogan hin “Kaupod Naton an Dios,” klaro nga nagpapakita han papel ni Jesus sugad nga Mesias. An iya pagkanhi ha tuna ngan an iya buruhaton nagpapamatuod nga an Dios kaupod han iya mga magsiringba.—Lucas 2:27-32; 7:12-16.
c An pulong nga “Nazareno” posible gud nga tikang ha Hebreo nga pulong nga neʹtser, nga nangangahulogan hin “saha.”
d Para ha detalye han kronolohiya han Biblia nga nagtutudlok han 29 C.E. nga tuig han pag-abot han Mesias, kitaa an artikulo nga “Kon Paonan-o Igintagna an Pag-abot han Mesias ha Tagna ni Daniel.”
e Ini nga tagna mababasa ha libro han Zacarias, pero an parasurat han Biblia nga hi Mateo nagsiring nga “ginyakan [ini] pinaagi kan Jeremias nga propeta.” (Mateo 27:9) Iginpapakita hini nga an libro han Jeremias usahay iginbubutang ha siyahan nga bahin han Kasuratan nga gintatawag nga “mga Propeta.” (Lucas 24:44) Matin-aw nga gin-gamit ni Mateo an “Jeremias” ha pag-unabi hiton bug-os nga koleksyon han mga libro, nga nag-uupod han libro han Zacarias.