Mika 5:1-15
5 “I teie nei, te otioti ra oe ia oe,E te tamahine o te arohia ra.Te haaatihia ra tatou.+
Te tairi ra ratou i te haava o Iseraela i te raau i nia i te papariˈa.+
2 E oe, e Betelehema Epherata,+Tei haihai roa no te ô atu i roto i te mau tausani* o Iuda,Mai roto mai ia oe e tia mai ai no ˈu o te riro mai ei faatere i Iseraela,+Mai mutaa ihora mai â oia, mai te mau mahana tahito mai â.
3 E faarue ïa oia ia ratouE tae roa ˈtu i te taime e fanau mai ai te vahine e fanau.
E e hoˈi mai te toea o to ˈna mau taeae i te nunaa ra o Iseraela.
4 E tia mai oia a faaamu atu ai i te nǎnǎ ma te puai o Iehova,+Ma te hau ê o te iˈoa o Iehova to ˈna Atua.
E parahi ratou ma te ati ore,+E naea hoi i to ˈna rahi te hopea o te fenua.+
5 E e hopoi mai oia i te hau.+
Ia tomo noa mai to Asura i to tatou fenua a taataahi atu ai i to tatou mau pare etaeta,+E tono tatou e hitu tiai mamoe, oia mau, e vaˈu tamaiti huiarii* no roto mai i te huitaata no te patoi ia ˈna.
6 E tairi ratou i te fenua o Asura i te ˈoˈe,+E te fenua o Nimeroda+ i mua i to ˈna mau uputa.
E e faaora oia ia tatou i to Asura+Ia tomo oia i to tatou fenua a taataahi atu ai i to tatou tuhaa fenua.
7 Ei rotopu te toea o Iakoba i te nunaa e rave rahiMai te hupe no ǒ mai ia Iehova ra,Mai te ûa i nia i te mau raau rii atoaO te ore e tiaturi i te taata,O te ore e tiai i te mau tamaiti a te taata.
8 Ei rotopu te toea o Iakoba i te mau nunaa,I rotopu i te nunaa e rave rahi,Mai te hoê liona i rotopu i te mau animara o te uru raau,Mai te hoê liona apî i rotopu i te mau nǎnǎ mamoe:E haere oia, a haru e a hahae atu ai.E aita e taata no te faaora ia ratou.
9 Ei nia to oe rima i to oe mau enemi,E e haamouhia to oe mau enemi atoa.”
10 “I tera mahana,” te parau mai ra Iehova,“E tairi au i ta oe mau puaahorofenua mai rotopu mai ia oe a haamou atu ai i to oe mau pereoo tamaˈi.
11 E haamou vau i te mau oire o to oe fenua,A vavahi atu ai i to oe mau vahi paruru-maitai-hia.
12 E faaore au i ta oe mau peu tahutahu,*E aita e taata rave i te ohipa manamana e toe mai i ǒ oe.+
13 E haamou vau i ta oe mau tii e ta oe mau pou i rotopu ia oe,E eita oe e tipapa faahou i mua i te ohipa a to rima.+
14 E iriti ê au i ta oe mau raau haamoriraa*+ i rotopu ia oe,A haamou atu ai i to oe mau oire.
15 Ma te riri e te hae, e tahoo vauI te mau nunaa o tei ore i faaroo.”
