Maseli 8:1-36
8 E ere anei o te paari te pii ra?
E ere anei o te haroˈaroˈa te faateitei ra i to ˈna reo?+
2 I te mau vahi teitei+ na te purumu,Te tia ra oia i te mau maaraa purumu.
3 I pihai iho i te mau uputa no te tomo i te oire,I te tomoraa o te mau uputa,Te tuô noa ra oia:+
4 “O outou, e te mau taata, ta ˈu e pii nei.Te faateitei nei au i to ˈu reo i te mau taata atoa.*
5 Outou te feia maˈua, a haapii mai i te feruriraa haroˈaroˈa.+Outou te feia maamaa, ia noaa ia outou te aau maramarama.*
6 A faaroo mai, mea faufaa hoi ta ˈu e parau ra,O te parau-tia ta to ˈu vaha e parau ra.
7 Te faahiti mǎrû ra hoi to ˈu vaha i te parau mau,E mea hae na to ˈu utu i te mea ino.
8 Mea parau-tia te mau parau atoa a to ˈu vaha.
Aita hoê mea piˈo aore ra mea haavare.
9 E parau ohie anaˈe ia taa no te feia haroˈaroˈaE mea tia no te feia tei ite mai i te ite.
10 A maiti i ta ˈu aˈo, eiaha râ te ario,E te ite, eiaha râ te auro tamâhia,+
11 Mea maitai aˈe hoi te paari i te toˈa.*Eita te tahi atu mau taoˈa faufaa e nehenehe e faaauhia ia ˈna.
12 Te parahi ra vau, te paari, e te feruriraa haroˈaroˈa.Ua itehia mai ia ˈu te ite e te aravihi ia feruri.+
13 Te mǎtaˈu ia Iehova, o te haeraa ïa i te ino.+
Mea hae na ˈu te faahua, te teoteo,+ te haerea ino e te parau piˈo.+
14 E aˈoraa maitai ta ˈu e te paari mau.+No ˈu te maramarama+ e te puai.+
15 Maoti au e faatere noa ˈi te mau arii,E e haamau ai te mau tia mana i te mau ture tia.+
16 Maoti au e faatere noa ˈi te huiarii,E e haava ˈi te feia mana ma te parau-tia.
17 Mea here na ˈu te feia mea here na ratou ia ˈu,E e itehia mai au e te feia e imi ra ia ˈu.+
18 Tei ia ˈu te taoˈa rahi e te hanahana,Te faufaa mure ore* e te parau-tia.
19 Mea maitai aˈe ta ˈu e horoa i te auro, tae noa ˈtu te auro tamâhia,E mea maitai aˈe ta ˈu e faatupu i te ario tamâhia.+
20 Te haere ra vau na nia i te eˈa o te parau-tia,I ropu i te mau eˈa o te haavaraa tia.
21 E faufaa rahi ta ˈu e tutuu na te feia mea here na ratou ia ˈu,E e faaî au i ta ratou mau fare vairaa maa.
22 Na Iehova i poiete ia ˈu, te haamataraa o ta ˈna ohipa poieteraa,+Te matamua o ta ˈna mau ohipa i rave mea maoro aˈenei.+
23 Mai tahito mai â* to ˈu faatoroaraahia,+Mai te haamataraa mai, mai te tau hou te fenua.+
24 I te tau aita e pape hohonu,+ ua fanauhia vau,*I te tau aita e pape e pihaa ra no roto i te puna.
25 Hou te mau mouˈa a haamauhia ˈi,Hou te mau aivi, ua fanauhia vau,
26 Aita â oia i hamani atura i te fenua e to ˈna mau vahi papuAore ra te tâpû repo matamua o te fenua.
27 Ia ˈna i faaineine i te raˈi,+ tei reira vau.Ia ˈna i reni i te iriatai* i nia i te miti,+
28 Ia ˈna i haamau* i te mau ata i nia,Ia ˈna i haamau i te mau apoo pape o te hohonuraa,
29 Ia ˈna i haamau i te hoê ture no te moanaIa ore te miti ia na nia ˈˈe i ta ˈna faaueraa,+Ia ˈna i haamau i te niu o te fenua,
30 Tei pihai iho vau ia ˈna mai te hoê rave ohipa aravihi.+
O vau ta ˈna mea here roa+ i tera e tera mahana.I oaoa na vau i mua ia ˈna i te mau taime atoa.+
31 I oaoa na vau no to ˈna fenua parahihia e te taata,E mea here roa na ˈu te mau tamarii a te taata.*
32 I teie nei, ta ˈu mau tamarii, a faaroo mai ia ˈu.Oia mau, mea oaoa te feia e haapao ra i to ˈu mau eˈa.
33 A faaroo i te aˈo+ e ia paari outou,E eiaha roa e haafaufaa ore i te reira.
34 Mea oaoa te taata e faaroo ra ia ˈuA haere mai ai* i to ˈu pae opani i tera e tera mahana i te poipoi roa,A tiai ai i pihai iho i te tomoraa o to ˈu fare.
35 Te taata hoi tei ite mai ia ˈu, e ite mai ïa i te ora,+E e farii-maitai-hia oia e Iehova.
36 Te taata râ o te ore e tâuˈa mai ia ˈu, e hamani ino ïa ia ˈna iho,*E te feia mea hae na ratou ia ˈu, mea au ïa na ratou te pohe.”+
Nota i raro i te api
^ Heb: “tamaiti a te taata.”
^ Heb: “ia taa ia outou te aau.”
^ Aore ra “faufaa tutuuhia.”
^ Aore ra “Mai te tau mai â aita e haamanaˈo-faahou-hia ra.”
^ Aore ra “ua fanauhia vau mai te huru ra ma te mauiui fanau.”
^ Heb: “te hoê menemeneraa.”
^ Heb: “faaetaeta.”
^ Aore ra “te huitaata.”
^ Aore ra “A ara noa ˈi.”
