“Nyika yoonse ili mumaanza aamubi.”—1 Johane 5:19, Busanduluzi bwa Nyika Mpya.

‘Mwana wa Leza wakaboola kutegwa anyonyoone milimo ya Diabolosi.’—1 Johane 3:8.

Mulakonzya kuzyiba ciletela mapenzi munyika.—Ciyubunuzyo 12:12.

Citupa kusyoma kuti nyika iyoocinca akuba kabotu.—1 Johane 2:17.

Inzya, akaambo katwaambo ootu totatwe:

• Bulelo bwa Saatani buyoomana. Jehova ulikanzide kubumana bweendelezi Saatani mbwajisi kubantu. Usyomezya ‘kumunyonyoona Diabolosi,’ akugwisya bubi boonse mbwaakaleta Saatani.—Bahebulayo 2:14.

• Leza wasala Jesu Kristo kweendelezya nyika. Jesu uliindene kapati amweendelezi wanyika eeyi silunya, uuliyanda. Kujatikizya bulelo bwa Jesu, Leza wasyomezya kuti: “Bacete abatengwana ulabafwida luzyalo . . . Ulanununa buumi bwabo kulupenzyo.”—Intembauzyo 72:13, 14, The Bible in Tonga, [1963].

• Leza takonzyi kubeja. Ibbaibbele lilaamba cakusalazya kuti: ‘Tacikonzyeki kuli Leza kubeja.’ (Bahebulayo 6:18) Ikuti Jehova wasyomezya kucita cintu cimwi, cili buyo mbuli kuti wacizuzikizya kale! (Isaya 55:10, 11) “Mweendelezi wanyika eeyi uyootandwa.”—Johane 12:31.