Isaya 35:1-10
35 Inkanda alimwi anyika iinyina maanzi ziyoosekelela,+Acalo cibanda camucimpayuma ciyookondwa akufwulula mbuli maluba-luba aasaferone.+
2 Masimpe ciyoofwulula;+Ciyoosekelela akoongolola cakukondwa.
Ciyoopegwa bulemu bwa Lebano,+Antoomwe abweebesi bwa Karimeli+ abwa Saroni.+
Bantu bayoobona bulemu bwa Jehova, abweebesi bwa Leza wesu.
3 Amuyumye maanza aatakwe nguzu,Alimwi amuyumye magondo aakankama.+
4 Amubaambile aabo balibilika mumyoyo yabo kuti:
“Amuyume. Mutayoowi pe.
Amubone! Leza wanu uyooboola kuzoopa cisubulo,Leza uyooboola kuzoopilusya cibi.+
Walo uyooboola akumufwutula.”+
5 Aciindi eeco meso aaboofwu ayoojaluka,+Aalo matwi aabasinkematwi ayoosinkuka.+
6 Aciindi eeco mulema uyoosotauka mbuli insya,+Awalo mulaka wasyaataambi uyakoongolola cakukondwa.+
Nkaambo maanzi ayoopoomoka munkanda,Atulonga tuyookunka mucibanda camucimpayuma.
7 Nyika njumu nta iipya iyooba amazyiba aajisi matete,Alimwi nyika njumu iilunda kasuko iyooba atusensa twamaanzi.+
Mumasena mukkala bamwaaba, mobakali kulyookezyela,+Muyooba mweemvwe, matete alimwi antumbu.
8 Alimwi kuyooba mugwagwa mupati,+Inzya, inzila yiitwa kuti Nzila ya Busalali.
Muntu uusofweede takaindi mulinjiyo.+
Inooli buyo yayooyo weenda munzila eeyo;Mufwubafwuba kunyina nayooleyela mulinjiyo pe.
9 Takukabi syuumbwa oomo,Alimwi banyama bamusyokwe babutambo tabakaindi mulinjiyo pe.
Tabakajaniki oomo pe;+Balikke buyo aabo bakanununwa mbabayakweenda mulinjiyo.+
10 Aabo bakanununwa a Jehova bayoopiluka+ akuboola ku Ziyoni kaboongolola cakukondwa.+
Lukkomano lutamani ngomusini ngobayoosama kumitwe.+
Bayoosekelela akukkomana,Eelyo mause akutongela ziyootija.+
