Ciyubunuzyo 20:1-15

  • Saatani waangwa kwamyaka iili 1,000 (1-3)

  • Baleli ibalela antoomwe a Kristo kwamyaka iili 1,000 (4-6)

  • Saatani waangununwa, mpoonya wanyonyoonwa (7-10)

  • Bafwu babetekwa kumbele lyacuuno cabwami cituba (11-15)

20  Lino ndakabona mungelo kaseluka kuzwa kujulu kajisi kkii yamulindi uutagoli+ alimwi anketani mpati mujanza lyakwe.  Mpoonya wakajata simwaaba,+ imuzoka ooyo wakaindi,+ uuli ngo Diabolosi+ alimwi Saatani,+ akumwaanga kwamyaka iili 1,000.  Eelyo wakamuwaala mumulindi uutagoli,+ wakaujala akumusinkila ikutegwa ateeni limbi masi kusikila mane ikamane eeyo myaka iili 1,000. Mpoonya weelede kwaangununwa kwakaindi kaniini.+  Mpoonya ndakabona zyuuno zyabwami, alimwi aabo ibakakkede alinzizyo bakapegwa nguzu zyakubeteka. Inzya, ndakabona buumi bwabaabo ibakajaigwa* akaambo kabumboni mbobakacitila Jesu alimwi akaambo kakwaamba zya Leza, alimwi abaabo batakakomba munyama naa cikozyanyo cakwe alimwi batakatambula caando ankumo yabo akujanza lyabo.+ Mpoonya bakaba baumi akulela kabali bami antoomwe a Kristo+ kwamyaka iili 1,000.  (Ibafwu bamwi boonse ibakasyaala+ tiibakaba baumi kusikila noyakamana eeyo myaka iili 1,000.) Oobu mbubuke bwakusaanguna.+  Ulikkomene alimwi ulasalala kufwumbwa uulaalubazu mububuke bwakusaanguna+ oobu; aali baaba ilufwu lwabili+ talujisi nguzu pe,+ pele bayooba bapaizi+ ba Leza aba Kristo, alimwi bayoolela kabali bami antoomwe anguwe kwamyaka iili 1,000.+  Lino mboiyoomanina buyo eeyo myaka iili 1,000, Saatani uyakwaangununwa akugusyigwa muntolongo yakwe,  eelyo uyakuunka kuyakweena masi aayo aali muzyooko zyone zyanyika, nkokuti Gogo a Magogo, kuti akaabunganye antoomwe kunkondo. Imweelwe wabo uli mbuli musenga wakulwizi.  Eelyo bakamwaika munyika yoonse akuzinguluka nkambi yabasalali alimwi amunzi uuyandwa kapati. Pele mulilo wakaloka kuzwa kujulu akubaumpa cakumaninina.+ 10  Mpoonya Diabolosi iwakali kubeena wakawaalwa muzyiba lyamulilo asulufa, oomo munyama+ alimwi amusinsimi wakubeja mobakabede kale;+ eelyo bayoopenzyegwa* isyikati amasiku lyoonse mane kukabe kutamani. 11  Alimwi ndakabona cuuno cabwami cituba icipati alimwi ayooyo uukkede alincico.+ Inyika alimwi ajulu zyakatija kumbele lyakwe,+ alimwi tiizyakajaninwa busena buli boonse. 12  Mpoonya ndakabona bafwu, ibapati abaniini, kabaimvwi kumbele lyacuuno cabwami, eelyo mabbuku aakuvwunga akavwungululwa. Pele ibbuku lyakuvwunga limbi lyakavwungululwa; eeli ndibbuku lyabuumi.+ Mpoonya bafwu bakabetekwa kweelana azintu eezyo zilembedwe mumabbuku aakuvwunga aayo, kweelana amilimo yabo.+ 13  Lino lwizi lwakabaleka bafwu ibakali mulindulo, alwalo lufwu a Cuumbwe* zyakabaleka bafwu ibakali mulinzizyo, eelyo aaba bakabetekwa umwi aumwi kweelana amilimo yakwe.+ 14  Mpoonya lufwu a Cuumbwe* zyakawaalwa muzyiba lyamulilo.+ Eeli zyiba lyamulilo+ liiminina lufwu lwabili.+ 15  Kunze lyaboobo, kufwumbwa ooyo watakajanwa kalembedwe mubbuku lyabuumi+ wakawaalwa muzyiba lyamulilo eelyo.+

Bupanduluzi buyungizyidwe

Mu Chigiriki, “ibakajaigwa akeembe.”
Naa “banikwaangidwe.”
Naa “Cikkalilo Cabafwu.” Amubone Bupanduluzi Bwamabala.
Naa “Cikkalilo Cabafwu.” Amubone Bupanduluzi Bwamabala.