Masalimo 36:1-12
Kwaku yo walongozga sumu. Sumu yaku Davidi mteŵeti waku Yehova.
36 Mphulupulu zilongoro ndi munthu muheni mukati mumtima waki;Pa masu paki, palivi kopa Chiuta.+
2 Pakuti mu masu mwaki, watijikuzga ukongwaNdipu watondeka kuziŵa kweniso kutinkha ubudi waki.+
3 Mazu ngakutuliya pamulomu paki ngakupweteka kweniso ngachinyengu;Iyu walongo zeru cha pa nkhani yakuchita cho ntchamampha.
4 Wanozga viŵembu vakupweteka chinanga wangaŵa pabedi laki.
Iyu wajalikiskika pa nthowa yiheni;Kweniso wakana cha cho ntchiheni.
5 Yimwi Yehova, chanju chinu chambula kumala chifika kuchanya,+Ndipu kugomezgeka kwinu kufika kumitambu.
6 Urunji winu we nge mapiri ngaunkhankhu;*+Vyeruzgu vinu ve nge maji nganandi ngandimba.+
Yimwi Yehova, musunga* chinyama kweniso munthu.+
7 Yimwi Chiuta, chanju chinu chambula kumala ntchakuzirwa ukongwa!+
Mu mduzi wa mapapa nginu,ndimu mubisama ŵana a ŵanthu.+
8 Yiwu atumwa mpaka kuguta kutuliya pa vinthu vinandi va* munyumba yinu,+Ndipu mutiŵachitiska kuti amwi mumsinji wa vinthu vinu vakukondwesa.+
9 Chisimi cha umoyu che ndi yimwi;+Chifukwa cha ukweru winu tiwona ukweru.+
10 Lutirizgani kuŵalongo chanju chinu chambula kumala ŵanthu wo atikuziŵani,+Kweniso kuŵalongo urunji winu ŵanthu wo ŵe ndi mtima wakunyoloka.+
11 Mungazomerezanga cha kuti phazi la munthu wakujikuzga lindikandiPamwenga kuti janja la munthu muheni lindidikisi.
12 Penipo ndipu awiya ŵanthu wo achita vinthu viheni;Yiwu awisikiya pasi, ndipu angayuka so cha.+
Mazu Ngam'mphata
^ Mazu ngaki chayingu, “nge mapiri ngaku Chiuta.”
^ Pamwenga kuti, “mutaska.”
^ Mazu ngaki chayingu, “chakurya chamafuta cha.”
