Ko ai Moni te Pūlea e ia te Lalolagi?
E mafaufau vē koe . . .
-
ko te Atua?
-
ko nā tino?
-
pe ko Hatani?
KUA TAKU MAI E TE TUHI PAIA
“Ko te lalolagi kātoa e i lalo o te pule a te Tino Kino.”—1 Ioane 5:19.
“Na hula mai ai te Ataliki o te Atua, ke fakahēaogā nā gāluega a te Tiāpolo.”—1 Ioane 3:8, Ko Te Feagaiga Fou.
HE Ā TE AOGĀ MO KOE
Ko ni fakamatalaga aogā mo nā fakafitauli i te lalolagi.—Fakaaliga 12:12.
Ko he mafuaga ka talitonu ai ka toe huia te tatou lalolagi ki te lelei.—1 Ioane 2:17.
E MAFAI MONI KI TATOU KE TALITONU KI TE TUHI PAIA?
Io, e tolu ia mafuaga:
-
Ka mālaia te pulega a Hatani. Ko Ieova e lotomalohi ke fakaiku te pulega a Hatani ki tagata. Na ia folafola mai ka “fakatōkilalo ai te Tiāpolo,” ma fakaumatia nā mea kino na fai e Hatani.—Epelu 2:14, Ko Te Feagaiga Fou.
-
Kua filifili e te Atua ia Iehu Keliho ke pulea te lalolagi. E kehe ia Iehu mai te pule hāuā o te lalolagi ma te manatu fakapito ko Hatani. E folafola e te Atua te tulaga nofo tupu o Iehu: “E alofa atu ia ki nā tino vaivai ma nā tino mātitiva . . . E laveaki e ia ki latou mai te pule hāuā ma nā faiga hāuā.”—Halamo 72:13, 14.
-
E hē mafai ke talapepelo te Atua. E taku manino mai e te Tuhi Paia: “E hē mafai te Atua ke pepelo.” (Epelu 6:18) Kāfai e folafola e Ieova ka ia faia he mea, e mautino e fai! (Ihaia 55:10, 11) “Ko tēnei te taimi e fakatōkilalo ai te pule o tēnei lalolagi.”—Ioane 12:31.
KE MAFAUFAU KI EI
Ka vēhea te lalolagi pe kāfai e uma te kave kehe o tana pule?
E tali e te Tuhi Paia te fehili i te HALAMO 37:10, 11 ma te FAKAALIGA 21:3, 4.
Manaia Foki Na Matakupu Ie Ia
ESSENTIAL BIBLE TEACHINGS
Aiheā kua He Taofia ai e te Atua na Mafatiaga?
Kua maua te tali fakamafanafana ma te fakamalieloto i te Tuhi Paia.
KI MATOU
Talohaga he Ahiahiga mai Molimau a Ieova
Talanoa he matakupu fakate-Tuhi Paia ma Moilmau a Ieova, pe fakatakitaki he hukehukega fakate-Tuhi Paia e heai he totogi.
