Birinji Korinfliler 5:1—13
5 Men siziň araňyzda biriniň öz kakasynyň aýaly bilen ýaşaşýandygyny+ eşitdim. Hatda başga halklar hem şeýle ahlaksyzlyk*+ etmeýärler.
2 Siz ahlaksyzlyk edýäne guwanýarsyňyzmy? Eýsem siz ony ýygnakdan çykaryp+, hasrat çekmeli dälmi?+
3 Men ýanyňyzda bolmasam-da, ýüregim siziň bilen. Eger siziň ýanyňyzda bolan bolsam, şeýle iş eden adamy eýýäm höküm ederdim.
4 Siz Halypamyz Isanyň ady bilen ýygnanyşanyňyzda, men hem Halypamyz Isanyň güýji bilen siziň ýanyňyzdadyryn.
5 Ahlaksyz adam ýygnaga erbet täsir etmez ýaly, ony Şeýtana tabşyryň+. Şonda Halypamyzyň gününde ýygnak arassa bolar+.
6 Siziň ahlaksyz adama guwanmagyňyz dogry däl. Eýsem azajyk hamyrmaýanyň tutuş hamyry turşadýandygyny+ bilmeýärsiňizmi?
7 Täze hamyr bolmak üçin köne hamyrmaýany zyňyň. Pashalyk guzymyz+ Mesih janyny gurban berdi+, şonuň üçin indi hamyrmaýa gerek bolmaz.
8 Baýramçylykda+ günäni we erbetligi aňladýan hamyrmaýaly çöregi däl-de, ýagşylygy hem hakykaty aňladýan hamyrmaýasyz çöregi iýeliň.
9 Men ahlaksyzlyk* edýänler bilen gatnaşmaň diýip hat ýazypdym.
10 Ýöne men şu dünýädäki+ ahlaksyz*, açgöz, talaňçy we butparaz adamlary göz öňünde tutmandym, ýogsam siz dünýäden çykmaly bolardyňyz+.
11 Indi size şuny ýazýaryn: dogan ahlaksyz*, açgöz+, butparaz, arakhor+, talaňçy+ ýa-da sögýän bolsa, onuň bilen gatnaşmaň, hatda bir saçak başynda-da oturmaň+.
12 Ýygnagyň daşyndakylar bilen näme işim bar? Siz ýygnakdakylary höküm etmeli dälmi näme?
13 Dünýädäki adamlary Hudaý höküm edýär+. Siz welin «erbet adamy araňyzdan aýryň»+.
