HABARI KUU
Usikate Tamaa!
IKIWA ungekutana na Diana * ungeona jinsi alivyo msichana mwenye urafiki, mwenye akili, na mchangamfu. Hata hivyo, licha ya kuonekana mwenye furaha na urafiki, mara nyingi Diana huwa amevunjika moyo. Anasema: “Kila siku mimi hutamani kufa. Ninaamini kabisa kwamba ulimwengu haunihitaji.”
“Uchunguzi fulani umeonyesha kwamba kwa kila mtu anayejiua, wengine 200 wamejaribu kujiua na wengine 400 wamefikiria kujiua.”—JARIDA LA THE GAZETTE, MONTREAL, KANADA.
Diana anasema kwamba hawezi kujiua. Hata hivyo, mara nyingine haoni sababu ya kuendelea kuishi. Anasema: “Jambo ninalotamani zaidi ni kufa katika aksidenti. Nimekuja kuona kifo kama rafiki badala ya adui.”
Watu wengi wanaweza kuelewa hisia za Diana na wengine wao wamefikiria au hata wamejaribu kujiua. Hata hivyo, wataalamu husema kwamba, lengo la wengi wanaojaribu kujiua si kukomesha maisha yao bali ni kukomesha mateso yanayowapata. Kwa ufupi, wanaamini kwamba wana sababu nzuri ya kufa, wanachohitaji ni sababu ya kuendelea kuishi.
Usikate tamaa! Chunguza sababu tatu za kuendelea kuishi.
^ fu. 3 Jina limebadilishwa.
