Mhubiri 1:1-18
1 Maneno ya mkutanishaji,*+ mwana wa Daudi, mfalme wa Yerusalemu.+
2 “Ubatili mkubwa kupita wote!” asema mkutanishaji,“Ubatili mkubwa kupita wote! Kila kitu ni ubatili!”+
3 Mtu hupata faida gani kutokana na kazi yake yote ngumuAnayofanya kwa jasho chini ya jua?+
4 Kizazi huenda, na kizazi huja,Lakini dunia inadumu* milele.+
5 Jua huchomoza,* na jua hutua;Kisha hurudi haraka* mahali linapochomozea tena.+
6 Upepo huelekea kusini na kuzungukazunguka hadi kaskazini;Huendelea kuzungukazunguka; upepo huendelea na mizunguko yake.
7 Vijito vyote* hutiririka kuingia baharini, lakini bado bahari haijai.+
Mahali vijito vinakotoka, huko ndiko vinakorudi ili vitiririke tena.+
8 Mambo yote yanachosha sana;Hakuna yeyote anayeweza hata kueleza jambo hilo.
Jicho halitosheki kuona;Wala sikio halishibi kusikia.
9 Jambo ambalo limekuwako, ndilo litakalokuwako,Na jambo ambalo limefanywa, litafanywa tena;Hakuna jambo jipya chini ya jua.+
10 Je, kuna jambo lolote ambalo mtu anaweza kusema, “Tazama jambo hili—ni jipya”?
Tayari lilikuwako tangu zamani za kale;Lilikuwako kabla ya wakati wetu.
11 Hakuna yeyote anayewakumbuka watu wa zamani;Wala hakuna yeyote atakayewakumbuka watakaokuja baadaye;Wala hawatakumbukwa na wale watakaokuja hata baadaye.+
12 Mimi, mkutanishaji, nimekuwa mfalme wa Israeli huko Yerusalemu.+
13 Niliazimia moyoni mwangu kujifunza na kuchunguza kwa hekima+ kila jambo ambalo limefanywa chini ya mbingu+—kazi ya kusikitisha ambayo Mungu amewapa wanadamu inayofanya waendelee kushughulika.
14 Niliona kazi zote zilizofanywa chini ya jua,Na, tazama! kila jambo lilikuwa ubatili, kukimbiza upepo.+
15 Kilichopinda hakiwezi kunyooshwa,Na kisichokuwapo huenda kisiweze kuhesabiwa.
16 Kisha nikasema moyoni mwangu: “Tazama! Nimepata hekima nyingi, kuliko mtu yeyote aliyenitangulia Yerusalemu,+ na moyo wangu ulipata hekima nyingi sana na ujuzi.”+
17 Nilijitahidi sana ili moyo wangu ujue hekima na kujua wazimu* na kujua ujinga,+ na hilo pia ni kukimbiza upepo.
18 Kwa maana hekima nyingi humfanya mtu azidi kukata tamaa,Hivi kwamba yeyote anayeongeza ujuzi anaongeza maumivu.+
Maelezo ya Chini
^ Au “yule anayewakusanya watu; mhubiri.”
^ Tnn., “inasimama.”
^ Au “huangaza.”
^ Au “hurudi likihemahema.”
^ Au “Vijito vyote vya majira ya baridi kali; Vijito vyote vya majira.”
^ Au “upumbavu wa kupindukia.”
