Methali 20:1-30
20 Divai ni mdhihaki,+ kileo ni vurugu;+Yeyote anayepotoshwa navyo hana hekima.+
2 Kutisha* kwa mfalme ni kama mngurumo wa simba;*+Yeyote anayemkasirisha anauhatarisha uhai wake mwenyewe.+
3 Ni heshima kwa mtu kujiepusha na ugomvi,+Lakini kila mjinga atajitumbukiza humo.+
4 Mvivu halimi katika majira ya baridi kali,Kwa hiyo atakuwa akiombaomba wakati wa mavuno, wakati hana chochote.*+
5 Mawazo* yaliyo moyoni mwa mtu ni kama maji yenye kina,Lakini mtu mwenye utambuzi huyateka.
6 Watu wengi hutangaza upendo wao mshikamanifu,Lakini ni nani anayeweza kumpata mtu mwaminifu?
7 Mwadilifu anatembea kwa utimilifu wake.+
Watoto* wake wanaokuja baada yake watakuwa na furaha.+
8 Mfalme anapoketi kwenye kiti cha ufalme ili kuhukumu,+Hupepeta uovu wote kwa macho yake.+
9 Ni nani anayeweza kusema: “Nimeusafisha moyo wangu;+Mimi ni safi kutokana na dhambi yangu”?+
10 Vipimo vya udanganyifu na mizani za uwongo*—Vyote viwili humchukiza Yehova.+
11 Hata mtoto* hujulikana kwa matendo yake,Kama tabia yake ni safi na ya unyoofu.+
12 Sikio linalosikia na jicho linaloona—Yehova ameviumba vyote viwili.+
13 Usipende usingizi, la sivyo utakuwa maskini.+
Fungua macho yako, nawe utashiba mkate.+
14 “Si kizuri, si kizuri!” asema mnunuzi;Kisha anaenda zake na kujigamba.+
15 Kuna dhahabu, pia kuna marijani* kwa wingi,Lakini midomo ya ujuzi ni kitu chenye thamani.+
16 Chukua vazi la mtu ikiwa amemwekea dhamana mtu asiyemjua;+Chukua dhamana kutoka kwake ikiwa alimfanyia hivyo mwanamke mgeni.*+
17 Mkate uliopatikana kwa udanganyifu ni mtamu kwa mtu,Lakini baadaye kinywa chake kitajaa changarawe.+
18 Kwa mashauriano,* mipango itafanikiwa,*+Na kwa mwelekezo stadi* pigana vita vyako.+
19 Mchongezi huzurura-zurura akifunua mazungumzo ya siri;+Usishirikiane na mtu anayependa kupiga porojo.*
20 Yeyote anayemtukana baba yake na mama yake,Taa yake itazimwa giza litakapoingia.+
21 Urithi unaopatikana kwa pupa mwanzoniHautakuwa baraka mwishoni.+
22 Usiseme: “Nitalipiza uovu!”+
Mtumaini Yehova,+ naye atakuokoa.+
23 Vipimo vya udanganyifu vinamchukiza* Yehova,Na mizani za uwongo si nzuri.
24 Hatua za mtu huongozwa na Yehova;+Mwanadamu anawezaje kuelewa njia yake mwenyewe?*
25 Ni mtego kwa mtu kutangaza haraka-haraka, “Ni kitakatifu!”+
Kisha anachunguza baadaye alichoweka nadhiri.+
26 Mfalme mwenye hekima huwapepeta waovu+Na kuwakanyaga kwa gurudumu la kupuria.+
27 Pumzi ya mtu ni taa ya Yehova,Inayochunguza kikamili utu wake wa ndani kabisa.
28 Upendo mshikamanifu na uaminifu humlinda mfalme;+Kwa upendo mshikamanifu anadumisha kiti chake cha ufalme.+
29 Utukufu wa vijana ni nguvu zao,+Na fahari ya wazee ni mvi zao.+
30 Michubuko na majeraha huondolea mbali* uovu,+Na mapigo husafisha utu wa ndani kabisa wa mtu.
Maelezo ya Chini
^ Au “Kuogopesha.”
^ Au “mwanasimba mwenye manyoya marefu shingoni.”
^ Au labda, “Atatazama wakati wa mavuno lakini hatapata chochote.”
^ Au “Makusudio.” Tnn., “Mashauri.”
^ Tnn., “Wana.”
^ Au “Mawe mawili ya kupimia yaliyo tofauti na vyombo viwili vya kupimia vilivyo tofauti.”
^ Au “mvulana.”
^ Au “mgeni.”
^ Au “mashauri.”
^ Au “itaimarishwa.”
^ Au “mwongozo wenye hekima.”
^ Au “anayeshawishi kwa midomo yake.”
^ Au “Mawe mawili ya kupimia yaliyo tofauti yanamchukiza.”
^ Au “njia ya kufuata.”
^ Au “husugua na kuondoa.”
