2 Pe e Tuuaʻia i Tatou Lava i o Tatou Mafatiaga?
Le Māfuaaga e Tāua ai
Pe afai o le tali o le ioe, atonu la o loo iā i tatou le malosi e faaitiitia ai mafatiaga.
Ia Mafaufau i ai
O le ā le tele ua tuuaʻia ai tagata i le pogai o mafatiaga o loo mulimuli mai?
-
Faaleagaina.
I se fua faatatau a le Faalapotopotoga o Soifua Mālōlōina a le Lalolagi (WHO), o le tasi o vae fā o tagata matutua e mafatia mai lava o laiti i sauāga. Ae o le tasi o vaetolu o tamaʻitaʻi e oo i ai sauāga i le tino, le faaoolima matagā, po o le tutupu foʻi o nei mea uma iā i latou i nisi taimi i o latou olaga.
-
Faavauvau.
Ua faapea mai le World Health Statistics 2018, lea na lomia e le WHO: “I se fua faatatau, e 477,000 i latou na fasiotia i le lalolagi atoa i le 2016.” E faaopoopo atu i lenā fuainumera le 180,000 o tagata e manatu iai na fasiotia i taua ma vevesi i o latou vaipanoa, i lenā lava tausaga.
-
Faafitauli Tau Soifua Mālōlōina.
I se mataupu o loo lomia i le mekasini o le National Geographic, na tusi ai Fran Smith e silia ma le piliona tagata e ulaula, ma ua avea le tapaa o se tasi o māfuaaga autū o le oti e pei o le maʻi fatu, pē le tino, ma le kanesa o māmā.
-
Avanoa lē Tutusa.
Ua taʻua e Jay Watts o se fomaʻi o le mafaufau: “O le mativa ma le tusitusilima, ua avea ma mataupu autū o le faailogatagata, faailoga ituaiga, tuua o aiga ae ō ese, ma aganuu faatautavā ua faatupulaʻia ai mafatiaga o le mafaufau.”
IA AʻOAʻO ATILI
Maimoa i le vitiō Aiseā na Foafoaina ai e le Atua le Lalolagi? i le jw.org.
Manatu o le Tusi Paia
O le tele o mafatiaga e matuā tuuaʻia ai lava tagata.
O le tele o na mafatiaga e ala mai i faigāmalo sauā, lea e aumaia se olaga faigatā mo tagata.
“Ua pule ai le tagata i le isi tagata ma ua matuā afāina ai o ia.”—FAILAUGA 8:9.
E mafai ona faaitiitia mafatiaga.
I mataupu silisili o le Tusi Paia o loo faaauiluma ai le soifua mālōlōina lelei ma ni faiā filemu ma isi.
“O le loto e toʻafilemu o le ola lea o le tino o le tagata, a o le lotoleaga e pala ai ivi.”—FAATAOTO 14:30.
“Ia tuu lo outou ita umi, ma le itaitagofie, ma le lotoa, ma le soona ʻeʻē, ma upu masoā, atoa foʻi ma mea leaga uma.”—EFESO 4:31.
