O le Tusi i Faapotopotoga i Kalatia 6:1-18
6 Le ʻauuso e, e ui lava ina uia e se tagata se laasaga sesē ae e na te leʻi iloaina, o outou o ē ua agavaa faaleagaga, ia taumafai e faasagatonu lenā tagata i le agaga o le agamalu.+ Ae ia taʻitasi outou ma faaeteete,+ ina neʻi faaosoosoina foʻi outou.+
2 Ia fesoasoani le tasi i avega mamafa a le isi,+ ma faapea ona faataunuu ai le tulafono a le Keriso.+
3 Auā afai e manatu se tasi o ia o se tagata tāua ae e lē tāua o ia,+ ua faasesēina e ia o ia lava.
4 Ae ia taʻitoʻatasi ma iloilo ana lava galuega,+ ona iai lea o se mea e mitamita ai iā te ia lava, ae aua le faatusatusa atu i le isi tagata.+
5 Auā e tauave e le tagata lava ia lana avega.*+
6 A o lē ua aʻoaʻoina* i le afioga a le Atua, ia faasoa atu e ia o mea lelei uma i lē ua aʻoaʻoina* o ia.+
7 Aua neʻi faasesēina outou: e lē ulagia le Atua. Auā o le mea e lūlūina e le tagata, o le mea lava lea e na te seleseleina mai;+
8 auā o lē e lūlū e tusa ma le tino agasala, e na te selesele mai le tino ua pala, a o lē e lūlū e tusa ma le agaga, e na te selesele mai le ola e faavavau mai i le agaga.+
9 O lea, aua neʻi o tatou fiu e faia le mea lelei, auā e iai le taimi e tatou te selesele mai ai, pe a tatou lē faavaivai.+
10 O lenei, seʻi o tatou faia mea lelei i tagata uma manū o maua le avanoa* e fai ai, aemaise i ē e tatou te aiga i le faatuatua.
11 Vāai i le tetelē o mataʻitusi ua ou tusi atu ai iā te outou i loʻu lava lima.
12 O i latou uma o ē e mananaʻo e taʻuleleia e tagata, o i latou na o loo tauanauina outou e peritome, ua latou faia faapea ina ia lē sauāina ai i latou ona o le laau na faapuapuagatia ai* Keriso.
13 Auā e oo lava iā i latou ua peritomeina, e latou te lē o tausia le Tulafono,+ ae ua latou mananaʻo e peritomeina outou ina ia iai se mea e latou te mimita ai i o outou tino.
14 Ae aua lava neʻi iai se mea ou te mitamita ai, seʻi vaganā le laau na faapuapuagatia ai* lo tatou Alii o Iesu Keriso.+ O ia ua faasalaina ai i le oti* le lalolagi i laʻu vaai, ma ua faapena foʻi le vaai a le lalolagi iā te aʻu.
15 Auā e lē tāua le peritomeina po o le lē peritomeina,+ ae e tāua le foafoaga fou.+
16 O i latou uma foʻi e savavali e tusa ma lenei tulafono tauamio, ia iā i latou le filemu ma le alofa mutimutivale, ioe, ia iai foʻi i le Isaraelu a le Atua.+
17 E amata atu nei, ia aua neʻi toe faalavelave mai se tasi iā te aʻu, auā ua ou tauave i loʻu tino faailoga o se pologa a Iesu.+
18 Uso e, ia iai i le agaga ua outou faaalia, le agalelei faifua o lo tatou Alii o Iesu Keriso. Amene.
Faamatalaga Pito i Lalo
^ Po o “ana tiute tauave.”
^ Po o le “aʻoaʻoina tuugutu.”
^ Po o le “aʻoaʻoina tuugutu.”
^ Ele., “le taimi atofaina.”
^ Tagaʻi i le Uiga o Upu.
^ Tagaʻi i le Uiga o Upu.
^ Po o le “faatautau ai i le laau.”
