Qullaawu Maxaafi giddo, mitootu “beetekiristaane” yite tirtannohu Giriikete Afii qaali magansiˈrate gamba yinanni mine ikkikkinni magansiˈrate gamba yaanno manna kulannoho.

 Hanni mitto lawishsha laˈno: Soqqamaasinchu Phaawuloosi Roomaho heeˈranno Kiristaanira sokka borreessi yannara, Aqiilanna Phirisqilla yinanni minaannanna minaamara keere soyi gedensaanni lede togo yiino: “Minensa xaaddanno beetekiristaanera keere iillishsheˈˈe.” (Roomu Sokka 16:5) Phaawuloosi keeresi mineho iillinshara hasiˈrinokkiti egennantinote. Hatteentenni, isi keere soyinohu gamba yiino mannira yaano hakko mine gamba yitanno songoraati. a

 Konni daafira, Magano magansiˈrate gamba yineemmo minna beetekiristaanete yaantenni “Gambooshshu Addaraashe” yineemmo.

 Kuni suˈmi malinoho yineemmo gede assannonkehu duuchu korkaati no:

•   Gamba yineemmo bayichi addaraashete, woy gambooshshu baseeti.

•   Gamba yineemmohu Qullaawu Maxaafi kulanno Magano Yihowa magansiˈrate, hattono isira naqaashe ikkate woy isi daafira farciˈrateeti.—Faarso 83:18; Isayaasi 43:12.

•   Qoleno gamba yineemmohu Maganu Mangiste daafira rosateeti; Yesuusi tenne Mangiste daafira duucha hige rosiisino.—Maatewoosi 6:9, 10; 24:14; Luqaasi 4:43.

 Qooxeessikkira Gambooshshu Addaraashenke noowa marte Yihowa Farciˈraasine gambooshshi hiittoohoro laˈˈattora koyinsoommohe.