Maganu Qaali kasaaru (qumaarrete) daafira tittire kulannokkiha ikkirono, kasaara gaˈna Maganu albaanni cubbo ikkitinota Qullaawu Maxaafihu xintu seerinni huwata dandiinanni.—Efesooni Sokka 5:17. a

•   Kasaara gaˈnate kaimu hafuurrete; Maganu hafuurre giwanno. (1 Qorontoosi 6:9, 10; Efesooni Sokka 5:3, 5) Kasaara gaˈnanno manchi woxe wolu manchi itameenna isi adhara halchanno; Qullaawu Maxaafi kayinni wolu manchi miinja yora cubbo ikkitinota kulanno.—Fulo 20:17; Roomu Sokka 7:7; 13:9, 10.

•   Shiimare nafa amadisiinse kasaara gaˈna, giddonke woxu baxille kalaqqaranna buutote qarri giddora eessitankera dandiitanno.—1 Ximootewoosi 6:9, 10.

•   Kasaara gaˈnitannori duucha woyite haafa coye woy kaayyo hexxitanno. Ikkollana, Maganu albaanni togoo ammana kaphu maganna magansiˈrate gedeeti; kuni qole isi giwanno coyeeti.—Isayaasi 65:11.

•   Qullaawu Maxaafi mittoreno assinummokki mitore afiˈrate yorreemmo gede ikkikkinni, diinaggaambe loonseemmo gede amaalannonke. (Rosiisaancho 2:24; Efesooni Sokka 4:28) Maganu Qaali aanno amaale harunsitannori, ‘loosidhe fushshidhino sagale’ ittanno.—2 Teselonqe 3:10, 12.

•   Kasaaru gara ikkitinokkita wolootu ledo qolchamate woy heewisamate hasatto giddonke kakkayisara dandaanno; Qullaawu Maxaafi togoo ikkito busha ikkitinota kulanno.—Galatiyu Sokka 5:26.