ROSO 02
Qullaawu Maxaafi Kaajja Hexxo Noonketa Kulanno
Xaa yannara batinyu manni qarru amadeennansa dadillanni, yaadanninna shettote giddo no. Ateno togoo qarri amade egenninohe? Miteekkite dhiwante woy shiidhe xissiisidhanni noottoha ikkara dandaanno. Hakko daafira, ‘Woyyitino heeshsho heeˈnanni yanna dagga ikka?’ yite hedattoha ikkara dandaanno. Qullaawu Maxaafi tenne xaˈmora qolanno dawaro jawaachishshannote.
1. Qullaawu Maxaafi konni kaˈira hiittoo hexxo noonketa kulanno?
Qullaawu Maxaafi xaa yannara qarru batiˈrinohu mayiraatiro kulanno. Ikkollana, kuni qarri baalunku muli yannara baˈˈannotano kulanno; kuni dancha duduwooti. Qullaawu Maxaafi “albillittete” yanna daafira kulannori “hexxo” heedhannohe gede kaaˈlannohe. (Ermiyaasi 29:11, 12 nabbawi.) Qullaawu Maxaafi kulanno hexxo qarranke cincine heeˈneemmo gede, xa nafa hagiirraamma ikkineemmo gedenna hegerera hagiidhinanni heeˈneemmota huwanteemmo gede kaaˈlitannonke.
2. Qullaawu Maxaafi albillitte hiittoo heeshsho heeˈneemmota kulanno?
Qullaawu Maxaafi “reyo woy dadillu woy wiˈla woy shetto kunni kaˈa [heedhannokki]” yanna daggannota kulanno. (Yohaannisi Ajuuja 21:4 nabbawi.) Xaa yannara heeshsho qarra ikkitanno gede assinori lawishshaho, buxima, miico, dhibbunna reyo baˈanno. Qullaawu Maxaafi mannu ooso albillitte uullate aana Gannatete hegerera hagiidhitanni heedhannota kulanno.
3. Qullaawu Maxaafi kulanno hexxo ammanatto gede kaaˈlannoheri maati?
Batinyu manni dancha yanna dagganno yee hexxanno; kayinni hexxonsa woˈmitannota addaxxa didandaanno. Qullaawu Maxaafi kulanno hexxo kayinni woˈmase huluullammannire diafidhino. ‘Qullaawa Borro seekkine laˈˈanke [woy xiinxallanke],’ tenne hexxo addaxxate kaaˈlitannonke. (Soqqamaasinete Looso 17:11) Qullaawa Maxaafa xiinxallittoro, Qullaawa Borro albillittete yanna daafira kultannori halaalehoronna teˈee umikki buuxa dandaatto.
LEDDE XIINXALLI
Qullaawu Maxaafi albillitte ikkanno yee kulannohu danchu coyi giddo mito xiinxalli. Qoleno Qullaawu Maxaafi kulanno hexxo xaa yannara manna kaaˈlitanni noo gara wodanchi.
4. Qullaawu Maxaafi albillitte mittu qarrino nookkiha hegerera heeˈneemmota kulanno
Konni woroonni noota Qullaawu Maxaafi kulanno hexxo lai. Tenne hexxo giddo ati roore baxoottori hiikkuriiti? Mayira?
Ati roore baxootto hexxo mule worroonni qummeeshshuwa nabbabbe; hakkiinni aante noo xaˈmuwa hasaabbe:
-
Tini qummeeshshuwa kultannori kaaˈlannoheha lawannohe? Maatekkinna jaallakkino tenne qummeeshshuwa affuro kaaˈlitannonsaha lawannohe?
Hanni aantete kulloonnite gedee alamera heeˈnanni heeshsho hedi:
|
MITTU MANCHINO . . . |
MANNU BAALUNKU . . . |
|---|---|
|
|
|
|
|
|
|
|
|
|
5. Qullaawu Maxaafi kulanno hexxo xaa heeshshonkera nafa kaaˈlitannote
Batinyu manni xaa yannara noo qarra laˈˈanno woyite hexxo mudhanno, woy hanqanno. Mitu manni woyyimma abbate gaaramanno. Qullaawu Maxaafi dancha yanna dagganno yee kulanno hexxo manna kaaˈlitanni noo gara wodanchi. VIIDIYO laˈe; hakkiinni, aante noo xaˈmuwa hasaabbe.
-
Laˈnummo viidiyora, Raafikara dhiwinori maati?
-
Taashshote xeˈne baˈinokkiha ikkirono, ise Qullaawu Maxaafi kaaˈlinosehu hiittoonniiti?
Qullaawu Maxaafi albillittete yanna daafira kulanno hexxo, hexxo mudhineemmokki gedenna qarranke cincineemmo gede kaaˈlitannonke. Lawishsha 17:22 nna Roomu Sokka 12:12 nabbabbe; hakkiinni, aante noo xaˈmuwa hasaabbe:
-
Qullaawu Maxaafi kulanno hexxo xaa heeshshokkira kaaˈlitannoheha lawannohe? Hiittoonni?
MITU MANNI TOGO YAANNO: “Qullaawu Maxaafi albillittete yanna daafira kulannori haaqeete halchooti.”
-
Qullaawu Maxaafi yaannori halaale ikkinota meessa buuxiˈra hasiissannohu mayira lawannohe?
XAPHISHSHA
Qullaawu Maxaafi albillitte hagiirsiissanno yanna daggannota kulanno; tenne afanke, hexxo heedhannonke gedenna xaa yannara qarranke cincineemmo gede kaaˈlitannonke.
Kageeshsha Rosoottore
-
Hexxo hasiissannonkehu mayiraati?
-
Qullaawu Maxaafi albillittete yanna daafira mayyaanno?
-
Hexxo xaa yannara kaaˈlitannonkehu hiittoonniiti?
EGENNO LEXXI
Hexxo qarru yannara kaaˈlitannohe gara wodanchi.
“Addu Hexxo Afiˈra Dandaattohu Hiikkiinniiti?” (Baqqi Yiiyye!, Onkoleessa 8, 2004)
Hexxo darga assiˈrino dhibbi waadannonsare kaaˈlitanno gara huwati.
“Qullaawu Maxaafi Darga Assiˈrino Dhibbi Waadannonsare Kaaˈlanno?” (Webisayitenkera fultino borro)
Tenne muuziiqu viidiyo laˈˈatto woyite, atinna minikki manni albillitte Gannatete hagiidhitinanni heedhinanni gara hedi.
Mittu dagoomu qoossora gaaramanno manchi, Qullaawu Maxaafi kulanno hexxo afeenna heeshshosi woyyaabbino gara nabbawi.
“Xaate Alame Woyyeessa Hasiissannoe Yee Heda Aguroommo” (Agarooshshu Shae, Maaja 1, 2013)
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
