Mo yeke sara ande ye tongana nyen na yâ ti asituation so?

1.   Monsieur wala madame ti mo asuku na mo ndali ti so mo sara mbeni ye so ayeke na lege ni ape na klase.

    Eskê a yeke nzoni ti hunda pardon na lo, même si mo pensé so lo sara ye ahon ndö ni?

2.   Mbeni kamarade ti mo so ayeke mba ti mo wali amä so mo tene mbeni sioni tënë na ndö ti lo.

    Eskê a yeke nzoni ti hunda pardon na lo, même si mo hinga so tënë so mo tene so ayeke vrai?

3.   Bê ti mo ason na terê ti babâ ti mo na mo tene na lo mbeni tënë so afa so mo ne lo ape.

    Eskê a yeke nzoni ti hunda pardon na lo, même si mo bâ so lo la lo sara si bê ti mo ason so?

 Kiringo tënë na ahundango ndo ota so kue ayeke “en”. Me ngbanga ti nyen ti tene “Pardon,” même si mo bâ so ti vrai ni mo yeke na faute kue ape?

•  Ngbanga ti nyen ti hunda pardon?

•  Tongana nyen la mo peut ti tene “Pardon”?

•  Amba ti mo atene ti ala nyen

•   Ti hunda pardon afa so mo komanse ti kpengba koli wala wali awe. Tongana mo yeda na aye so apeut ti si na peko ti mbeni tënë wala mbeni ye so mo sara, a ye ti fa so mo komanse ti wara anzoni sarango ye so ayeke aidé mo mingi na ngoi so mo kono.

   “Sarango terê kete nga na kangango bê ti ku apeut ti aidé mo ti hunda pardon nga ti mä tënë so mba ti mo ni aye ti tene.”—Rachel.

•   Hundango pardon ayeke sara si mo kiri mo duti na siriri na amba ti mo. Azo so ayeke tene ka “Pardon” ayeke azo so aye ti fa so ye so agbu bê ti ala mingi ayeke ti sara si siriri akiri aduti na popo ti ala na amba ti ala ahon ti fa so ala la ayeke na raison na amba ti ala ni la asara faute.

   “Même si mo pensé so mo sara faute ape, a lingbi mo hinga so ti duti na siriri na amba ti mo ayeke kota ye mingi. A hunda nga gbâ ti ye ape ti tene “Pardon,” me ti tene ni apeut ti leke songo so ayeke na milieu ti mo na amba ti mo.”—Miriam.

•   Ti hunda pardon ayeke sara si mo sentir terê ti mo nzoni. Tongana mo son bê ti mba ti mo na lege ti mbeni tënë so mo tene wala mbeni ye so mo sara, a peut ti ga tongana mbeni nengo ye na ndö ti mo. Me tongana mo hunda pardon, mo yeke zi nengo ye ni so na ndö ti go ti mo. a

   “A si ka so mbi sara tënë na babâ wala mama ti mbi na lege ni ape. Mbi regretté ka ye so mbi sara so, me a yeke ngangu na mbi ti hunda pardon. Me na temps so mbi hunda pardon, lakue mbi yeke sentir terê ti mbi nzoni ndali ti so pardon so mbi mû asara si siriri akiri aduti na yâ ti sewa ti e.”—Nia.

 Eskê ti hunda pardon, zo abezoin ti sara effort? En! Dena, so ayeke mbeni maseka-wali so ahunda pardon fani mingi awe na mama ti lo ndali ti so lo ssb 2ara tënë na lo na lege ni ape atene: “A yeke facile ape ti tene ‘Pardon.’ A yeke mo bâ mo tene mbeni ye akanga lege ti go ti mo na tënë oko apeut ti sigi ape!”

•   Tongana lege ayeke dä, mo wani mo gue mo hunda pardon ni. Tongana mo hunda pardon na lê ti zo ni ayeke sara si zo ni abâ so vundu so asara mo alondo na bê ti mo. Me tongana mo hunda pardon na lege ti message, zo ni apeut ti croire na mo ape. Même si na terê ti message ni mo zia kete dessin ti mbeni zo so mawa asara lo, zo ni apeut ti bâ so mo pensé vraiment na lo ape nga so vundu ti mo ni ayeke ti handango lê ti zo.

   Kete wango: Tongana mo wani mo peut ti hunda pardon na zo ni mo na lo lê na lê ape, bâ wala mo peut ti iri lo na téléphone wala ti sû mbeti ti tokua na lo. Atâa kode wa la mo soro ni, sara hange na atënë so mo yeke tene.

   Mama-ndia ti Bible: “Zo ti mbilimbili agbu li na yâ ti bê ti lo kozo si lo kiri tënë.”—aProverbe 15:28.

•   Hunda pardon hio. Tongana mo ku ngbii aninga si mo hunda pardon, tënë ni apeut ti ga kota tënë nga songo ti mo na zo so mo son bê ti lo so apeut ti buba.

   Kete wango: Leke na bê ti mo na tapande mo tene ‘Mbi yeke hunda pardon na lo laso.’ Bâ lawa la mo peut ti hunda pardon ni, nga na pekoni sara ye alingbi na ni.

   Mama-ndia ti Bible: “Gi ti leke tënë hio.”—Matthieu 5:25.

•   Hunda pardon na bê ti mo kue. Tongana mo tene “Pardon so ye ni ason mo so” ayeke hundango pardon la ape! Mbeni maseka-wali so iri ti lo ayeke Janelle atene: “Zo so mo son bê ti lo so ayeke ngbâ ti ne mo tongana lo bâ so mo yeda na bê ti mo kue na faute so mo sara.”

   Kete wango: Hunda pardon sân ti gi araison. Tene pëpe, “Mbi yeke hunda ande pardon na mo gï tongana mo kue mo hunda pardon na mbi si.”

   Mama-ndia ti Bible:“Zia e tomba peko ti aye so ayeke ga na siriri.”—aRomain 14:19.