Ewiase atumvoɛ ne kue ahoroɛ abɔ mmɔden kyɛ bɛkɔmaa asomdwee kɔwa wiase, nakoso, wangɔ anzi aga. Ofi Wiase Koɛ II naso ne, ɛnnɛ paa yeɛ koɛ abu so ɔ. Mmenia kɔyɛ 2 billion, kyire kyɛ, ɛkyɛ mmenia bɔ bɛte ewiase nanu 4 a, enu ko de, nekaa bɔ bɛte ne, koɛ kɔso paa

 Nzuati yeɛ mmenia ngora mva asomdwee mma ɔ? Na nzu yeɛ Bible ne ka ɔ?

1.  1. Subaen bɔ mmenia le ye ɛnnɛ ne, ɔmaa ɔyɛ se ma bɛ kyɛ, bɛ ne bɛnwo kɔtena asomdwee nu ɔ. Bible ne hane kyɛ wɔ yɛ berɛ he aso ne, “mmenia kɔyɛ pɛsɛmangomenya, sikanyeboro, anwohoahoa, anwomasoɛ, . . . boniayɛfoɛ, . . . amvamvirifoɛ, . . . bɛ bɔ bɛnhyɛ b’akɔnnɔ so, bɛ bɔ bɛ ti anu te awosii, . . . asobrakyeɛfoɛ, bekoli bɛ ti piri.”​—2 Timoteo 3:2-4.

2.  2. Sɛ Yehowa a sa nne nu a, dasaniɛ biala nne berɛ bɔ ɔkɔhora koli ɔhaw bɔ yeyia nanwo dwumaa ɔ. Bible ne maa yenwu kyɛ ‘ɔnne yɛ bɔbɔ yɛsa nu’ kyɛ yɛkotutu yɛ gya ɔ.​—Yeremia 10:23.

3.  3. Satan Abɔnzam bɔ odi wiase he aso ne, ole tumi, na ye tianu yɛ se paa. Ye yeɛ “ɔlakalaka wiase amukoraa ne.” (Nyekyire 12:9) Ɔnate kyɛ “ewiase amukoraa wura bɔnefoɛ ne bo” nati, koɛ ngɔpa aseɛ he aso lle.​—1 Yohane 5:19.

 Bible ne maa yenwu kyɛ sona ngɔhora ngɔfa asomdwee ngɔwa aseɛ he aso lle, sana Nyameɛ.

•   ‘Ofikyɛ mese adwene horɛ bɔ medwene mefa ɛmɔ nwo ɔ, AWURADE noa dwirɛ ɛne; yeeyɛlɛ nwo adwene, nna bɔne adwene; kyɛ ngɔma ɛmɔ konya ayieleɛ pá ne anyelasoɛ.’​—Yeremia 29:11.

 Atee beni aso yeɛ sɔ bɔhyɛ he kɔwa nu ɔ? “Asomdwee Nyameɛ ne kɔbɛtɛ Abɔnzam.” (Romanfoɛ 16:20) Awaen bɔ Nyameɛ kɔmaa ɔkɔfa asomdwee kɔwa wiase mukoraati ne, Bible ne frɛ ye “Nyameɛ Ahennie.” (Luka 4:43) Yesu Kristo yeɛ ɔte sɔ Ahennie naso hene ɔ, na sɔ mmerɛ ne, ɔkɔboka mmenia maa bɛne bɛnwo kɔtena asomdwee nu.​—Yesaya 9:6, 7.

•   Sɛ ɛpena yenwo dwirɛ pee a, kenga edwirɛ he: “Dɛn na Onyankopɔn Ahenni Bɛyɛ?”