Yɛbaakae Yesu Wue Ne
Fue, April 12, 2025
Afoɛ biala, Yehowa Adanzefoɛ yianu kae Yesu wue ne, na kyɛbɔ Yesu hãne ne, bɛyɛ ye kõmaapɛ wɔ afoɛ nanu. Ɔhãne kyɛ: ‘Ɛmɔhɔso bɛyɛ ɛhe bɛfa bɛkae me.’—Luka 22:19.
Yɛsrɛ wɔ, bra sɔ dwumadie he bie.
Edwirɛ Bɔ Ebiemɔ Taa Bisa Ɔ
Dwumadie ne koli dɔnhwere nyɛɛ?
Okoli kɔyɛ dɔnhwere kõ.
Bɛkɔyɛ dwumadie ne wɔ ni?
Bisa Yehowa Adanzeniɛ bie bɔ ɔwɔ wɔ mandanu berɛ maa ohyire wɔ.
Bekole me sikaa kora né mawura nu anaa?
Daabi.
Bekole kɔlɛhyẽn bie anaa?
Daabi.
Ataadeɛ pɔtẽe beni yeɛ nwura ɔ?
Ataadeɛ bɔ ɔte kama biala ne, ɛkɔhora kowura. Bible nu akwangyerɛ bɔ ɔfa anwosiesie nwo ne, Yehowa Adanzefoɛ bɔ mmɔden fa yɛ adwuma. (1 Timoteo 2:9) Yenwo nhia kyɛ ekowura ataadeɛ bɔ ye nyɔboɛ yɛ se biala.
Nzu yeɛ ɔkɔhɔso wɔ dwumadie nabo ɔ?
Yɛkɔfa dwein ne mbaeɛ yeɛ yɛkɔhyɛ dwumadie nabo ɔ, na sɛ yɛbaapɔnõ koso a, yɛkɔyɛ sɔ ala. Wɔ dwumadie nabo ne, bɛkɔma Bible nu dwudwolɛ, na ɔkɔmaa yekonwu bɔ yeti yeɛ Yesu wue nanwo hia paa ɔ, ɔne kyɛbɔ yɛkɔhora yekonya bɔ Nyameɛ ne Kristo ayɛ ama yɛ naso mvasoɛ ɔ.
Sɛ ɛpena yenwo dwirɛ pẽe a, kenga sɔ dwirɛ he: “Atẽe Bɔ Asɔre Ahoroɛ Nemɔ Fa So Yɛ Awurade Adidie Ne, Nna Sɔ Koraa Yeɛ Yehowa Adanzefoɛ Yɛ Ye Ɔ. Nzuati Ɔ?”
Mmerɛ Beni Yeɛ Ɛmɔ Kɔkae Yesu Wue Ne Biekũ Ɔ?
2025: Fue, April 12
2026: Wuhue, April 2
Wɔnye Kɔgye Ɛhe Koso Nwo
NGAEƐLILƐ
Kae Yesu Wue Ne
Yɛfa anigye yɛto asaa yɛfrɛ wɔ kyɛ baaboka yɛso ma yeli sɔ afahyɛ titire ne. Ekonwu mvasoɛ bɔ ɛkɔhora konya kofi Yesu ngõa ne ye wue naso ɔ.
ESSENTIAL BIBLE TEACHINGS
Nzuati Yeɛ Yesu Wule Ɔ?
Bible maa yenwu mvasoɛ paa bɔ ɔwɔ Yesu wue naso ɔ. Atirimbɔ beni paa ti yeɛ Yesu wule ɔ?