“Kã Nzɛmba Ne!”
2024 Yehowa Adanzefoɛ Mandam Nhyiamu
Ebiala kora ba bie • Engotua esikaa biala
Bɔ Ɔkɔhɔso Ɔ
Yáa: Yesu nwo dwirɛ bɔ ɔwɔ Mateo, Marko, Luka ɔne Yohane nwomaa nanu ne, yɛkɔnea bɔ ɔmaa yenwu kyɛ sɔ dwirɛ nemɔ te nahorɛ ɔ. Afei koso, ekonwu kyɛbɔ sɔ dwirɛ ne kɔboka wɔ ɔ.
Fue: Ngɔm beni yeɛ Bible ne hyɛ fale Yesu aworɛ, ɔne mmerɛ bɔ né ɔte akwalaa nanwo ɔ, na aso sɔ ngɔm ne wale nu?
Kwasida: Bɛkɔma dwudwolɛ bie bɔ ye dwirɛti yeɛ ole, “Yenzuro Nningyein Tɛ́ɛ Bɔ Osisi Ne, Nzuati Ɔ?” Sɔ dwudwolɛ ne kɔboka yɛ maa yekonwu ye kyɛ, yɛkɔhora yɛkɔhã y’ahõne yɛkɔto yɛkunu, ɔmva yenwo ne bɔ osisi wɔ ewiase he anu ne.
Drama
Bɔ Ɔhɔleso Wɔ Yesu Asetena Nu Ɔ: Bue 1
Nahorɛ Kanea Bɔ Ɔ́ba Wiase
Nningyein bɔ osisili wɔ Yesu asetena nu, bɔ ɔmaa mmenia nwo dwirili bɛ ne, y’aworɛ ne yeɛ olimoa ɔ. Mmerɛ bɔ né ɔte adɔma ne, né ɔhene bie pena kyɛ okũ ye, yeti ye baba ne ye maame fale ye nwati hɔle Egypt. Nziɛen, asɔfo ne akyerɛkyerɛfoɛ bɔ né bɛse nikye paa wɔ Yesu aberɛ so ne, ɔmaa bɛnwo dwirili bɛ. Bra baanea ɛhe, ɔne nningyein bɔ ɔhɔle so wɔ Yesu asetena nu, wɔ drama bɔ bahyɛ nu nyɔ, bɔ bɛkɔye ye Yáa ne Fue ne.
Nea Vidio ahoroɛ bɔ ɔfa afoɛ he Mandam Nhyiamu nanwo
Nzu Yeɛ Ɔkɔso Wɔ Yɛ Nhyiamu Ahoroɛ Bo Ɔ?
Vidio ne kɔmaa ekonwu bɔ ɔkɔso wɔ Yehowa Adanzefoɛ mandam nhyiamu bo ɔ.
2024 Yehowa Adanzefoɛ Mandam Nhyiamu: “Kã Nzɛmba Ne!”
Nea bɔ yekosua ye wɔ afoɛ he mandam nhyiamu nabo ne bie.
Bɔ Ɔkɔhɔso Wɔ Drama Nanu Ɔ: Bɔ Ɔhɔleso Wɔ Yesu Asetena Nu Ɔ
Yesu aworɛ de, mmeni pẽe se kyɛ né ɔyɛ nwanwa paa. Nakoso edwirɛ benimɔ yeɛ osisili kora yeɛ bɛwo ye ɔ, na bɛwole ye ne sĩ ne, nzu yeɛ osili ɔ?