Кала амэ отмечаем лэ Иисусостири Вечеря, кадяжэ пэр латэ инке ԥэнэн «вечеря Господня» или Тайная Вечеря или Ужин Господа, амэ строӷо приритярдювас кодэлэсти, со пала када пистромэ андэ Библия (1 Коринфянам 11:20, Синодально переводо). Но андэ авэр веры и Вечеря терэн най кадя, сар пистромэ андэ Библия.

 Кала прожал и Вечеря амэ вспоминаем лэ Иисусос Христос и сыкавас пэстири блаӷодарность пала жызня, сави во отдя важ амэндэ, кай тэ витинэл амэн (Матфеё 20:28; 1 Коринфянам 11:24). Кадэва празнико, када най варисаво релиӷиозно обрядо или таинство, саво анэн лашымос или андэ саво простинпэ и бэзэха a. И Библия сытярэл, кай амарэ бэзэха простинапэ кати тоди, кала амэ патяс андо Иисусо (Римлянам 3:25; 1 Иоанна 2:1, 2).

 О Иисусо приԥэндя пэстирэ учениконэнди тэ отмечают кадэва дес, но на ԥэндя, сар часто када нужно тэ терэн (Луки 22:19). Варико гиндой, кай и Вечеря во трэбуй тэ отмечает кажно шон. Ай дэко гиндой, кай трэбуй тэ отмечает кажно дес или кажно курко. Ай дэсавэ отмечают лэс дажэ най еқвар андо дес или кала манушэсти закамэлапэ. Но катэ исин пала дэсо тэ погиндосарас.

 О Иисусо отмечал и Вечеря андо дес, кала кай и евреёря сас и Патради. Май интя андэ кадэва жэ дес о Иисусо муля (Матфеё 26:1, 2). Када сас найслучайно. Андэ Библия и жэртва, сави отдя о Иисусо, сыстойпэ лэ бакрорэса, савэс гитонас пэ Патради (1 Коринфянам 5:7, 8). И Патради отмечали еқвар андо бэрш (Исход 12:1—6; Левит 23:5). Кадяжэ и пэрви христианоря линэ тэ отмечают и Вечеря, кай вспоминают лэ Христостири смэрть, тожэ еқвар андо бэрш b. Лэ Иеговастирэ свидетеля терэн кадяжэ.

 Кала о Иисусо проандярдя и Вечеря, во дя тэ полас най кати сар часто ла трэбуй тэ отмечаем, но и кала када трэбуй тэ терас. Вижал, амэ трэбуй тэ полас, о дес и время, кала тэ отмечаем кадэва дес. О Иисусо ля тэ отмечает кадэва празнико 14 нисана андо 33 бэрш н. э. посли кода, сар зажыля о қам. Во када тердя па библейско луно калиндарё (Матфеё 26:18—20, 26). Амэ лас примеро па пэрви христианоря, и кадяжэ кажно бэрш отмечаем и Вечеря андэ кадэва дес c.

 Хоть андо 33 бэрш н. э. 14 нисана сас в пятницу, кажно бэрш кадэва дес можэт тэ випэрэл пэ авэр деса. Кажно бэрш амэ определяем о дес, саво випэрэл пэ 14 нисана, сар када терэнас андэ время, кала сас о Иисусо пэ ԥув, ай най па современо еврейско калиндарё d.

 Кала о Иисусо отмечал и Вечеря, во ля би дрожэнго марно и лоло вино, саво ашэляпэ посли Патради (Матфеё 26:26—28). Амэ терас сар во, амэ гитосарас марно кати анда яро и паи, на шас кордэ нисавэ добавки. Кадяжэ пэ кадэва празнико, лас вино би сахареско и кай тэ на авэн нисавэ добавки.

 Ай дэсавэ веры лэн о марно, андэ саво исин дрожы или авэр добавки. Но андэ Библия часто и закваска или о марно пэ дрожэндэ, сыкавэл о бэзэх или о найлашымос, саво мануш терэл (Луки 12:1; 1 Коринфянам 5:6—8; Галатам 5:7—9). Важ када фартэ поджал важ лэ Христостири тила, сави би бэзэхэско о марно, андэ саво нинай ни дрожы и нисавэ авэр добавки (1 Петра 2:22). Ай кала лэн вместо вино винаӷрадно соко, саво на поцэлдя, вонэ када терэн най па Библия. Дэсавэ қандиря терэн кадя, важ кода кай андэ лэндири қандири нащи тэ пэн о вино. Но када кадяжэ на сжалпэ ла Библияса (1 Тимофею 5:23).

 О марно, андэ саво нинай дрожы и нисавэ добавки и о лоло вино пэ Вечеря сыкавэн и тила и о рат лэ Христоско. Дэсавэ гиндон, кай о марно и о вино варисар превращаеца андэ чачуни тила и рат или ӷаминпэ лэнца. Роздиқаса, васо када на сжалпэ ла Библияса.

•   Если бы о Иисусо тэ приԥэндоп пэстирэ учениконэнди тэ пэн лэско рат, када сыкадоп, кай во ԥэнэн лэнди тэ жан против законо лэ Дэвлэско, важ кода кай о Дэл на домэкэл, кай о мануш тэ хал или тэ пэл о рат (Бытие 9:4; Деяния 15:28, 29). Но о Иисусо никала на приԥэндоп аврэнди, кай вонэ тэ жан против лэ Дэвлэско законо, важ кода кай рат важ о Дэл свынто (Иоанна 8:28, 29).

•   Если бы и апосталоря тэ пэн па чачимастэ лэ Иисусоско рат, во бы на ԥэндоп лэнди, кай «о рат...[инке] питяла». Када сыкавэл, кай во инке на отдя пэстири жызня важ и мануша (Матфеё 26:28).

•   О Иисусо отдя пэстири жызня андэ жэртва «еқвар и навсегда» (Евреям 9:25, 26). Если тэ гиндосарас, кай пэ Вечеря о марно и о вино превращаюца андэ лэстири тила и рат, то кодэла, ко хан о марно и пэн о вино, упалэ и упалэ анэн лэ Иисусос андэ жэртва.

•   О Иисусо ԥэндя: «Терэн када, кай тэ сэрэн пала мандэ». О Иисусо приԥэндя пэстирэ учениконэнди тэ сэрэн пала лэстэ, ай най тэ анэн лэс андэ жэртва (1 Коринфянам 11:24).

 Кодэла, ко патян, кай о марно и о вино превращаеца андо чачуно рат и тила лэ Иисусости, ԥэнэн, кай пала када пистромэ андэ дэсавэ библейски стихоря. Например, андэ бут ла библиятирэ переводоря лэ Иисусостирэ алава важ о вино пэрэандярдэ кадя: «Сие есть Кровь Моя» (Матфеё 26:28, Синодально переводо). Но бут ашунглэ библеисторя сжанпэ лэ гиндонэнца, кай о алав «есть» андэ кадэва стихо на пэрэдэл о гиндо, саво ԥэндя о Иисусо. Ай инке ек мануш, Жак Дюпон, шутя сама пэ кода, андэ сави культура и машкар савэ мануша жувэлас о Иисусо и важ лэндэ «май естествено авэлоп», если кадэва стихо пэрэандярдоп кадя: «Это означает мое тело» или «Это представляет мое тело». Андэ кадэва стихо, сар и андэ бут авэр, о Иисусо росԥэнэнас примероря (Матфеё 13:34, 35).

 Кала отмечают кадэва дес, кати набут лэ Иеговастирэ свидетеля хан о марно и пэн о вино. Васо?

 О Иегова стердя «нэво доӷоворо» пэ лэ Иисусоско рат. Кадэлэса, о Иегова парудя о доӷоворо, саво сас май данглал машкар лэстэ и машкар Израилё (Евреям 8:10—13). Тэ хан о марно и тэ пэн о вино пэ Вечеря моӷут кати кодэла, каса стердэ кадэва нэво доӷоворо. Андэ кадэва число ужан най всаворэ христианоря, ай кати кодэла, кас о Иегова витидя (Евреям 9:15; Луки 22:20). Кадэлэ манушэнди випэля бари бах тэ правин еқэтанэ лэ Христоса по нэбо. Андэ Библия ԥэнэнпэ, кай лэн 144 000 манушэн (Луки 22:28—30; Откровение 5:9, 10; 14:1, 3).

 Мануша, савэ авэна тэ правин еқэтанэ лэ Христоса, пэр лэндэ ԥэнэн «найбаро стадо». Ай май бут андар мэндэ исин надежда тэ авас андэ фартэ бут мануша, кай жувэна вечно андо раё пэ ԥув (Луки 12:32; Откровение 7:9, 10). Кодэла, ко надеинпэ тэ жувэн вечно пэ ԥув на хан о марно и на пэн о вино пэ Вечеря. Но кодэлэса, кай амэ авас, амэ сыкавас и блаӷодарность важ и жэртва, сави о Иисусо отдя важ амарэ бэзэха (1 Иоанна 2:2).