ΜΑΘΗΜΑΣ 7
Σο Ισί η Βασιλεία ι Ντεβλέσκι;
1. Σο ισί η Βασιλεία ι Ντεβλέσκι;
Σο κερέλα ι Ιησούς ο πιο λατσσό Βασιλιάς;—ΜΑΡΚΟΣ 1:40-42.
Η Βασιλεία ι Ντεβλέσκι ισί εκ κυβέρνηση κο ουρανός, σο κα καταστραφίνελ σαρέ ο γιαβερά κυβερνήσεις ντα κα κερέλ οντουβά σο μανγκέλα ο Ντεβέλ, εμ κο ουρανός εμ κι πφουβ. Ανταλά αμπέρια ι Βασιλιάκε ισί μπουτ λατσσέ. Ατζεχάνικ, η Βασιλεία ι Ντεβλέσκι, σο τθερένα-λα αζόμ μπουτ ανάγκη ο τζενέ, κα ενώνελ σαριλέν οντουλέν σο κα τζουβντιόν κι πφουβ.—Διαβάνεν Δανιήλ 2:44· Ματθαίος 6:9, 10· 24:14.
Σαρέ ο βασιλείες τθερένα βασιλιάς, ντα οτθάρ ο Ιεχωβά τσσουντάς πι τσσαβές, ι Ιησούς Χριστός, Βασιλιάς πι Βασιλειάτε.—Διαβάνεν Αποκάλυψη 11:15.
Ντικχ ο βίντεος Σο Ισί η Βασιλεία ι Ντεβλέσκι;
2. Σόσκε ισί ο Ιησούς ο πιο λατσσό Βασιλιάς;
Ο Τσσαβό ι Ντεβλέσκο ισί ο πιο λατσσό Βασιλιάς επειδή σικαβέλα λατσσιπέ ντα κερέλα πάντα ο σωστός. (Ματθαίος 11:28-30) Επίσης, αφού ο Ιησούς ισί κο ουρανός, τθερέλα ι ζορ τι βοηθίνελ ι τζενέν κι πφουβ. Όταν αναστισάλο, γκιλό κο ουρανός ντα μπεσέλας κο δεξιά κι Ιεχωβάσκε. (Εβραίους 10:12, 13) Τελικά, ο Ντεβέλ ντινάς-λες ο δικαίωμας τι κυβερνίνελ.—Διαβάνεν Δανιήλ 7:13, 14.
3. Κον ισί οντουλά σο κα κυβερνίνεν ι Ιησούσαρ;
Εκ ομάδα σο ισί “άγιοι” κα κυβερνίνελ ι Ιησούσαρ κο ουρανός. (Δανιήλ 7:27) Ο πρώτοι άγιοι σο τραμπιντάς ο Ντεβέλ ισινέ ο πιστοί μαθητές ι Ιησούσκε. Ο Ιεχωβά συνεχίνελα μέχρι ακανά τι τραμπίνελ πιστέ μουρσέν ντα τζουβλιέν για τι αβέν άγιοι. Σαρ ο Ιησούς, βον-ντα αναστίντιβενα με πνευματικός σώμας, δηλαδή σαρ ισί ο άγγελοι.—Διαβάνεν Ιωάννης 14:1-3· 1 Κορινθίους 15:42-44.
Καζόμ ισί οντουλά σο τζάνα κο ουρανός; Ο Ιησούς βακερντάς ότι βον ισί «μικρό ποίμνιο». (Λουκάς 12:32) Ο αριθμός λένγκο κα αβέλ 144.000 ντα κα κυβερνίνεν ι πφουβ ι Ιησούσαρ.—Διαβάνεν Αποκάλυψη 14:1.
4. Σο αβιλό όταν αρχισάλο τι κυβερνίνελ ο Ιησούς;
Η Βασιλεία ι Ντεβλέσκι αρχισάλι τι κυβερνίνελ κο 1914. * Όταν ο Ιησούς αβιλό Βασιλιάς, ο πρώτος πράγμας σο κερντάς ισινέ τι φουρτίνελ ι Μπενγκές ντα ι δαιμονέν κι πφουβ. Ο Σατανάς χολιασάλο αζόμ μπουτ σο αρχισάλο τι ανέλ προβλήματα σαρί κι πφουβ. (Αποκάλυψη 12:7-10, 12) Οτθάρ μπερί, ο τζένγκια, δηλαδή ο πόλεμοι, η μποκχ, ο νασφαλίματα ο πασλίματα ντα ο σεισμοί αβένα ατζέκ πιο μπουτ. Σαρέ ανταλά ισί κο “σημείος” σο σικαβέλα ότι η Βασιλεία ι Ντεβλέσκι κα κυβερνίνελ σαρί κι πφουβ.—Διαβάνεν Λουκάς 21:7, 10, 11, 31.
5. Σο κερέλα η Βασιλεία ι Ντεβλέσκι;
Από ακανά η Βασιλεία ι Ντεβλέσκι ενώνελα μπουτέ τζενέν σαρέ κατά τθεμά με εκ έργος σο αβέλα-πες σαρί κι πφουβ. Εκατομμύρια λατσσέ τζενέ ακολουθίνενα ι Ιησούς ντα λέσκι Βασιλεία σο κα αρακχαβέλ-λεν όταν κα καταστραφίνελ ανταβά πφιρνό ντουνιάς. Άμα μανγκάσα τι τθεράς εκ πιο λατσσί ζωή, πρέπει τι ακολουθίνας πιστά ι Ιησούς.—Διαβάνεν Αποκάλυψη 7:9, 14, 16, 17.
Η Βασιλεία ι Ντεβλέσκι κα κυβερνίνελ 1.000 μπρεσά κι πφουβ ντα κα κερέλ οντουβά σο μανγκέλας κι αρχή ο Ντεβέλ ι τζενένγκε. Σαρί η πφουβ κα αβέλ παράδεισος, ντα μετά ο Ιησούς κα ντελ ι Βασιλεία πι Ντατέστε. (1 Κορινθίους 15:24-26) Κάστε μανγκένα τουμέν τι βακερέν για τι Βασιλεία ι Ντεβλέσκι;—Διαβάνεν Ψαλμός 37:10, 11, 29.
^ παρ. 6 Για τι σικλιόν σο βακερένα ο προφητείες κι Αγία Γραφή για το 1914, ντικχέν ο βιβλίος Σο Μπορίνελα τι Σικλιαρέλ-αμέν η Αγία Γραφή;, σελίδες 217-220.
