ΜΑΘΗΜΑΣ 11
Σαρ Βοηθίνενα-Αμέν ι Ντεβλέσκε Νόμοι;
1. Σόσκε τθεράσα ι ανάγκη τι σικαβέν αμένγκε σο πρέπει τι κεράς;
Ο Ιεχωβά σο κερντάς-αμέν, τζανέλα πιο μπουτ πράγματα αμένταρ. Σαρ λατσσό Ντατ πφαμπόλα αμένγκε. Να κερντάς-αμέν τι τζουβντιάς μπι λέσκο. (Ιερεμίας 10:23) Σαρ εκ τανό χουρντό χρειαζίντιβελα ι βοήθεια πι νταντέσκι ντα πι νταγιάκι, αντικάς αμέν-ντα τθεράσα ανάγκη ι Ντεβλέσκι βοήθεια για τι σικαβέλ αμένγκε σαρ τι τζουβντιάς. (Ησαΐας 48:17, 18) Ο Ντεβέλ ντινάς-αμέν δώρος ο εντολές σο ισί κι Αγία Γραφή ντα σικαβένα αμένγκε σο πρέπει τι κεράς αμαρέ ζωγιάτε.—Διαβάνεν 2 Τιμόθεο 3:16.
Ι Ντεβλέσκε νόμοι σικλιαρένα-αμέν σαρ τι τζουβντιάς πιο λατσσές ακανά ντα σαρ τι τθεράς ευλογίες για πάντα κο μέλλον. Αφού ο Ντεβέλ κερντάς-αμέν, πρέπει τι ασουνάς ο νόμοι λέσκε αντράλ αμαρέ γκίσταρ.—Διαβάνεν Ψαλμός 19:7, 11· Αποκάλυψη 4:11.
2. Σαρ σικαβέλα αμένγκε η Αγία Γραφή σο τι κεράς;
Μερικές αλήθειες σο ισί κι Αγία Γραφή σικαβένα αμένγκε σο μανγκέλα ο Ντεβέλ αμένταρ σε μπουτ περιπτώσεις. Ενώ γιαβερά νόμοι ισί για συγκεκριμέ πράγματα. (Δευτερονόμιο 22:8) Όταν σικλιάσα εκ αλήθεια σο ισί κι Αγία Γραφή, πρέπει τι τσσουβάς αμαρί γκοντί για τι αγαβάς σαρ τι χρησιμοποιήνας-λα αμαρέ ζωγιάτε. (Παροιμίες 2:10-12) Για παράδειγμας, η Αγία Γραφή βακερέλα ότι η ζωή ισί δώρος κατά Ντεβέλ. Ανταγιά σημαντική εντολή σικαβέλα αμένγκε σο τι κεράς αμαρέ μπουτιάτε, αμαρέ φαμιλιάτε ντα όταν τζάσα ταξίδια. Βοηθίνελα-αμέν τι αρακχαβάς συνέχεια εμ αμαρό νεαυτός εμ ι γιαβερέν.—Διαβάνεν Πράξεις 17:28.
3. Καλά ισί ο ντούι πιο σημαντικές εντολές;
Ο Ιησούς βακερντάς ντούι εντολές σο τθερένα μπουτ μπαρί σημασία. Η πρώτη εντολή σικαβέλα ο σκοπός αμαρέ ζωγιάκο, δηλαδή τι σικλιάς ι Ντεβλές, τι Παροιμίες 3:6) Ο τζενέ σο σκεφτίνενα-λα σοβαρά κα κερέν φίλος ι Ντεβλές, κα αβέν ετυτυχισμέ ντα κα τζουβντιόν για πάντα.—Διαβάνεν Ματθαίος 22:36-38.
μανγκάς-λες ντα τι ασουνάς-λες. Ανταγιά εντολή πρέπει τι σκεφτίνας-λα σαρέ κο αποφάσεις σο λάσα. (Η δεύτερη εντολή σικαβέλα αμένγκε σαρ τι αβάς αγαπημέ ι γιαβερέντζαρ. (1 Κορινθίους 13:4-7) Ο Ντεβέλ μανγκέλα σαρέ ι τζενέν, ντα άμα κα λας ο παράδειγμας λέσκο, κα τθεράς αμέν-ντα αγάπη ι γιαβερένγκε.—Διαβάνεν Ματθαίος 7:12· 22:39, 40.
4. Σαρ βοηθίνενα-αμέν ι Ντεβλέσκε νόμοι;
Ι Ντεβλέσκε νόμοι σικλιαρένα ο φαμιλιά τι αβέν γιεκ ντα αγαπημέ. (Κολοσσαείς 3:12-14) Εκ γιαβέρ σημαντική εντολή σο σικλιαρέλα-αμέν η Αγία Γραφή ισί ότι ο αντρόγυνος πρέπει τι ατσσόλ για πάντα μαζί. Ανταγιά εντολή αρακχαβέλα ο φαμιλιά.—Διαβάνεν Γένεση 2:24.
Ο εντολές σο τθερέλα η Αγία Γραφή αρακχαβένα-αμέν μπουτέ πραγματένταρ επειδή βοηθίνενα-αμέν τι τθεράς εκ λατσσί ζωή ντα τι αβάς ευτυχισμέ. Για παράδειγμας, όταν ισινάμ τίμιοι ντα ατσικιαράσα αμαρό λάφι, σαρ βακερέλα η Γραφή, αζομάν ο τζενέ κα μανγκέν τι κερέν αμέντζαρ μπουτί. (Παροιμίες 10:4, 26· Εβραίους 13:18) Επίσης, η Αγία Γραφή σικλιαρέλα-αμέν τι αβάς ευχαριστημέ οντουλέ πραγματέντζαρ σο τθεράσα ντα τι τσσουβάς πρώτη αμαρέ ζωγιάτε ι φιλία ι Ντεβλέσκι ντα όχι ο γιαβερά πράγματα.—Διαβάνεν Ματθαίος 6:24, 25, 33· 1 Τιμόθεο 6:8-10.
Ο εντολές σο ισί κι Αγία Γραφή αρακχαβένα αμαρί υγεία. (Παροιμίες 14:30· 22:24, 25) Για παράδειγμας, η Γραφή, για τι αρακχαβέλ-αμέν κατά νασφαλίματα, κατά πασλίματα, κατά ατυχήματα ντα κατά μεριπέ, βακερέλα αμένγκε μα τι ματιάς. (Παροιμίες 23:20) Ο Ιεχωβά να βακερέλα μα τι πιας, αλλά μα τι νασάς κατά όρια. (Ψαλμός 104:15· 1 Κορινθίους 6:10) Ο νόμοι ι Ντεβλέσκε βακερένα αμαρέ λατσσιμάσκε τι τθεράς αμαρί γκοντί, όχι μόνο οντουλέντε σο κεράσα, αλλά εμ οντουλέντε σο σκεφτίνασα. (Ψαλμός 119:97-100) Ο αληθινοί Χριστιανοί κερένα οντουλά σο βακερέλα ο Ντεβέλ, όχι μόνο επειδή ισί λένγκε λατσσιμάσκε, αλλά κερένα-λες πιο μπουτ επειδή αντικάς ντένα δόξα κο Ιεχωβά.—Διαβάνεν Ματθαίος 5:14-16.