Diosmi qallarichiran warmi-qhari kausaytaqa, paymi ñaupaq warmi-qharitapas casarachiran. Chaymi noqaykuqa Bibliaq nisqanman jina qhawariyku divorciakuytaqa. Bibliaq nisqanman jinaqa casarasqamanta mayqenninkupas jujwan pantallaqtinmi divorciakuyqa kanan (Mateo 19:5, 6, 9).

 Arí, yanapaykun. Wakinmi kashan kay yanapaykuna:

•   Qelqakuna. Noqaykuq orqomusqayku qelqakunapiqa imaymana yanapaykunan kashan casarasqakuna sumaqta kausanankupaq. Wakinqa t’aqanakuy patapiña kasharanku chaypas, chay qelqakunaq yanapasqanwanmi kunanqa sumaqta kausashanku. Chaypaq jaykuy “Kallpachakuy matrimonioyki ama fracasananapaq”, “¿Imaynatan pampachana?”, “Wasanchay kaqtin, ¿imaynatan yapamanta confiawaq?”, nisqakunaman.

•   Juñunakuykuna. Juñunakuykunapipas asambleakunapipas imaymanakunatan yachachikun casarasqakuna sumaqta kausanankupaq.

•   Umalliqkuna. Umalliqkunapas yanapankun casarasqakunataqa. Paykunawan kuskan leenku Efesios 5:22-25 textota, chay jina juj textokunatapas.

 Manan. Umalliqkunaqa yanapankumanmi sasachakuypi tarikuq casarasqakunata, ichaqa manan paykunachu ninanku imatas mayqen casadopas ruwanqa chaytaqa (Gálatas 6:5). Ichaqa, pipas yanqapas qasilla divorciakunman chayqa manan atinmanchu wajmanta casarakuyta (1 Timoteo 3:1, 5, 12).

 Bibliaq nisqanman jinaqa, casarasqakunaqa kallpachakunankun sasachakuyña kaqtinpas kuskalla kanankupaq (1 Corintios 7:10-16). Diospa yanapayninwanqa ima sasachakuypas atikullanmanmi allichakuyta; chaymi paypa yanapayninta mañakunanku, Bibliaq nisqanman jinataqmi imatapas ruwananku (1 Corintios 13:4-8; Gálatas 5:22).

 Ichaqa wakin Testigokunaqa t’aqanakurankun, chaypaqmi kan kinsa razonkuna.

•   Familiata mana uywaqtin (1 Timoteo 5:8).

•   Sinchi maqanakuy kaqtin (Salmo 11:5).

•   Mayqenninkupas Diosta servinanpaq sinchi sasa kaqtin. Yaqapaschá warmipas otaq qharipas qosanta otaq esposanta obliganman Diospa kamachisqan contrapi imatapas ruwananpaq. Chhayna kaqtinqa yaqapaschá Testigoqa ninqa: “T’aqakunaychá kanqa Diosta runamanta ñaupaqta kasukunaypaqqa”, nispa (Hechos 5:29).