Romanos 5:1-21

  • Cristorayku Dioswan sumaq kausay kasqanmanta (1-11)

  • Adanwan wañuy paqarisqanmanta Cristowantaq kausay kasqanmanta (12-21)

    • Juchawanmi wañuyqa lliuman chayarqan (12)

    • Jujllan chanin ruwayqa (18)

5  Iñisqanchisraykutaq chaninpaq jap’isqa kanchis chayqa,+ Señorninchis Jesucristorayku Dioswan sumaqta kausasun.+  Paypi iñisqanchisraykun juj ñan kicharikun ancha sumaq sonqo kayninta Dios rikuchiwananchispaq, chaytan kunanqa chaskishanchis;+ noqanchisqa Dios jatunchawananchistan suyakushanchis, chaymi kusisqa kashananchis.*  Sasachakuykunapi tarikushaspapas kusikunallanchistaqmi;+ yachasqanchis jina, sasachakuykunaqa aguantaq kanapaqmi yanapawasun,+  aguantaytaq Diospa sumaq qhawarisqan kanapaq,+ Diospa sumaq qhawarisqan kaytaq suyakuyta qowasun,+  chay suyakuyqa manataqmi yanqachu;+ Diosqa qowasqanchis santo espirituwanmi munakuyninta rikuchiwanchis.+  Juchasaparaq kashaqtinchismi+ Cristoqa Diosta mana manchakuqkunarayku señalasqa tiempopi wañurqan.  Juj runa chaninña kanman chaypas, ñak’aytan pipas payraykuqa wañunman, juj allin runaraykuqa ichapaschá pipas wañunman.  Criston ichaqa juchasaparaq kashaqtinchis noqanchisrayku wañurqan,+ chaywanmi Diosqa munakuyninta rikuchiwarqanchis.  Chhaynaqa Cristoq yawarninraykun chaninpaq jap’isqa kanchis,+ chay yawarmi salvawasun Diospa k’araq phiñakuyninmantapas.+ 10  Diospa enemigon kashaqtinchistaq Churinpa wañusqanrayku paywan allipunakapurqanchis chayqa,+ astawanraqmi paywan allipunasqaña kashaspanchisqa paypa kausasqanrayku salvasqa kasun. 11  Chaymantapas noqanchisqa kusisqan kashananchis Señorninchis Jesucristorayku Dioswan allinpi kasqanchismanta, paymi Diostawan noqanchistawanqa allipunachiwanchis.+ 12  Chhaynaqa, juj runallawanmi juchaqa kay pachapi rijurirqan, wañuytaq jucharayku rijurirqan;+ chhaynapin wañuyqa llapa runaman chayarqan llapallanku juchallikusqankurayku.+ 13  Manaraq kamachikuy simi kashaqtinmi juchaqa kasharqanña kay pachapi, ichaqa manan pitapas juchachakunmanchu kamachikuy simi mana kaqtinqa.+ 14  Chaywanpas wañuyqa Adanpa tiemponmantapachan Moisespa tiemponkama rey jina llapa runata kamachisharqan, manaña Adán jinachu paykuna juchallikurqanku chaypas. Adanqa pichus jamunan karqan chay jinan karqan.+ 15  Diospa qokuyninmi ichaqa mana imaynachus jucha jawa karqan chhaynachu. Juj runallaq juchallikusqanraykun askha wañushanku, chhaynallataqmi juj runallaq+ ancha sumaq sonqo kayninrayku askha runakuna Diospa ancha sumaq sonqo kayninta gratislla qokuynintawan chaskishanku, chay runaqa Jesucriston.+ 16  Manallataqmi Diospa gratislla qokuyninqa imaynan juj runaq juchallikusqan jawa+ karqan chhaynachu. Juj runallaq juchallikusqan jawan llapa runakuna juchachasqa karqanku,+ ichaqa askha jucharayku Diospa qokuyninwanmi askha runakuna chaninpaq jap’isqa kanku.+ 17  Juj runaq juchanraykullan wañuyqa rey jina kamachikurqan.+ Diospa ancha sumaq sonqo kaynin, chanin runa kananchispaq gratislla qokuynin iman ichaqa aswan jatunraq aswan allinraq.+ Chaykunata chaskiqkunaqa Jesucristoraykun kausanqaku,+ rey jinataq kamachikamunqakupas.+ 18  Chhaynaqa, juj jucharaykullataq imaymana clase runakuna juchachasqa karqanku chayqa,+ juj chanin ruwayraykullataqmi imaymana clase runakuna chaninpaq jap’isqa kanqaku,+ chhaynapi kausayta chaskinankupaq.+ 19  Imaynan juj runallaq mana kasukusqanrayku askha runakuna juchasapa kapurqanku,+ chhaynallataqmi juj runallaq kasukusqanrayku askha runakuna chaninpaq jap’isqa kapunqaku.+ 20  Kamachikuy simiqa rijurimurqan runakuna sinchi juchasapa kasqankuta reparachinanpaqmi,+ ichaqa maypichus sinchi jucha kasqanpin Diospas astawanraq ancha sumaq sonqo kayninta rikuchin. 21  ¿Imaraykun chayta ruwan? Chaytaqa ruwan, imaynan juchawan wañuywan rey jina kamachirqanku+ chhaynata Diospa ancha sumaq sonqo kayninpas rey jina chanin kaywan kamachinanpaqmi, chhaynapi Señorninchis Jesucristorayku runakuna wiñay kausayta chaskinankupaq.+

Uraypi willakuykuna

Chaypiqa yaqapaschá “kashanchis” nillanmantaq.