Proverbios 25:1-28
25 Kaykunapas Salomonpa yachaywan rimasqan* simikunan,+ chaykunatan Judá suyupi rey Ezequiaspa runankuna juñuspa copiarqanku.+
2 Diospa jatunchayninqa imapas pakasqa kaqkunata waqaychayninmi,+reypa jatunchaynintaq imatapas allinta t’aqwiynin.
3 Reykunaq sonqonqa cieloq alto kaynin jinan,kay pachaq ukhu kaynin jinan mana t’aqwiy atina.
4 Qolqeq qhellinta orqoy,jinan qolqeqa ch’uyay-ch’uya lloqsinqa.+
5 Reypa ñaupanmanta millay runata wijch’uy,jinan trononqa chanin kaypi allin tajyachisqa kanqa.+
6 Ama reypa ñaupanpi jatunchakuychu,+amallataq allin respetasqa runakunaq kananpipas kaychu.+
7 Aswan allinqa pay kikin “kayman jamuy” nispa ninasuykinjuj autoridadpa ñaupanpi pisichanasuykimantaqa.+
8 Ama runamasiyki contra usqhaylla quejakuychu,paqtan llullapaq qhawarichisunkiman, jinaspa mana ima ruwaytapas atiwaqchu.+
9 Runamasiyki qan contra quejakusqanta allichay,+pakallapi willasqata* ichaqa ama jujkunaman willaychu.+
10 Paqtan uyariqniyki p’enqayman churasunkiman,mana allin rimarisqaykipas manaña allichakuyta atikunmanñachu.
11 Tiempollanpi rimasqa simiqa+munay qolqe p’ukupi qori manzana jinan.
12 Qori arete jinan, ch’uya qorimanta adorno jinanallin uyarikuqta yachayniyoqpa anyasqanqa.+
13 Kachaqninkunapaq iman kaqllata willaqqacosecha tiempopi, ruphaypi rit’iq chiriykusqan jinan,payqa patronnintan kusichin.+
14 Mana parayoq phuyu jinan, mana parata apamuq wayra jinan,mana imallantapas qoykushaspa alabakuq runaqa.+
15 Pacienciawanmi autoridadtaqa creechikun,llamp’u simiwan rimaypas tullutan p’akin.+
16 Mielta tarinki chayqa, ama nishu askhata mijuychu,paqtan askhata mijuspaqa aqturpariwaq.+
17 Ama runamasiykiq wasinta sapa ratu puripayaychu,paqtan qanwan amikuspa cheqnikusunkiman.
18 Runamasinta yanqa tumpaq runaqa,+maqanakuna k’aspi jinan, espada jinan, filochasqa flecha jinan.
19 Sinchi llakikuy p’unchaypi rimasqanta mana junt’aq runapi confiayqap’akisqa kiruyoq kay jinan, wist’u chakiyoq kay jinan.
20 Llakisqa sonqoyoq runapaq takiyqa+chiri p’unchaypi p’achata ch’utikuy jinan,vinagreman sodata jich’aykuy jinan.
21 Enemigoykichus yarqasqa kashan chayqa, mijunata jaywariy,ch’akiymantachus kashan chayqa, unuta jaywariy.+
22 Chayta ruwaspaqa umanpin sansata montoshanki,*+Jehová Diosmi chay ruwasqaykimantaqa kutichipusunki.
23 Wichay lado wayraqa paratan apamun,cuento q’epi runataq jujkunata phiñachin.+
24 Aswan allinqa wasi pata k’uchupi tiyaymi,kutipakuq* esposawan wasi ukhupi tiyaymantaqa.+
25 Sayk’usqa runapaq* chiri unu jinankaru llaqtamanta jamuq allin willakuyqa.+
26 Qonchu pujyu jinan, qhelli pozo jinanmillay runata kasuq* chanin runaqa.
27 Manan allinchu nishu askha mielta mijuyqa,+manan jatunchanapaq jinachu pay kikinta jatunchakuyta munaq runapas.+
28 Thunisqa perqayoq llaqta jinangenionta mana controlakuq runaqa.+
Uraypi willakuykuna
^ Qhaway Explicasqa simikuna nisqapi “Yachaywan rimay” nisqata.
^ Chaypiqa “jujpa pakallapi willakusqanta” nillanmantaqmi.
^ Chaypiqa runata samp’ayachiymantan, rumi sonqonta llamp’uyachiymantan rimashan.
^ Chaypiqa “rimapakuq” nillanmantaqmi.
^ Hebreo rimaypiqa “millay runaq ñaupanpi ayru-ayruta sayaq” ninmi.