Miqueas 5:1-15
5 Kunanqa cuerpoykitan kuchukushanki,yau ususi, phawaykamushasunkikun;muyuykusqan kashanchis.+
Israelpi jueztan varawan uyanpi waqtanku.+
2 Diosmi nin: “Belén Efrata,+ Judapi aswan juch’uy kaq,Judá familiakuna ukhupi mana reparay kaq,qanmantan lloqsimunqa Israelta kamachinanpaq ajllasqay.+
Payqa ñaupa tiempopiraqmi paqarimurqan, unay tiempomantaraqmi rijurimurqan”, nispa.
3 Diosqa llaqtantan saqerparinqa,onqokuq warmi* onqokapunankaman saqerparinqa.
Puchuq wayqenkunaqa Israelmanmi kutipunqaku.
4 Paymi* sayarinqa, jinaspa Jehová Diospa atiyninwan llaqtanta michinqa,+Jehová Diosninpa jatun sutinpin michinqa.
Paykunaqa thajpin tiyanqaku,+paypa jatunchasqa kayninqa kay pachaq k’uchunkunakamaraqmi chayanqa.+
5 Paymi thaj kayta apamunqa.+
Asiria nación llaqtanchisman junt’aykamunqa chayqa,+allin perqasqa torrenchiskunatapas sarunqa chayqa,qanchis michiqkunatan Asiria contra kachasunchis,arí, pusaq umallikunatan runakuna ukhumanta kachasunchis.
6 Asiria jallp’atan espadawan+ michinqaku,Nemrodpa+ jallp’anman jaykunakunatan espadawan michinqaku.
Paymi Asiriamanta librawasun,+jallp’anchisman junt’aykamuqtinmi salvawasun,suyunchista saruykuqtinmi librawasun.
7 Jacobmanta puchuqkunaqa askha llaqtakuna ukhupinJehová Diosmanta jamuq sulla* jina kanqaku,pastoman chayaq para jinan kanqaku.
Sullaqa manan runatachu suyan,paraqa manan runaq munasqanman jinachu chayamun.
8 Jacobmanta puchuqkunaqa nacionkuna ukhupin askha llaqtakuna ukhupin,salqa animalkuna ukhupi león jina kanqaku,ovejakuna ukhupi malta león jinan kanqaku,phawaykuspa jap’iq, llik’irpariq, mana piqpa kacharichinan león jinan kanqaku.
9 Qanmi cheqnikuqniyki runakunata atipanki,llapa enemigoykikunan chinkachisqa kanqaku.
10 Jehová Diosmi nin: “Chay p’unchaymicaballoykikunata ch’usaqman tukuchisaq, carretaykikunatapas llapantan ñut’usaq.
11 Jallp’aykipi llaqtakunatan chinkachisaq,llapa allin perqayoq llaqtaykikunatan thunisaq.
12 Layqa ruwayniykitan tukuchisaq,manan ni juj watuqniykipas qhepanqachu.+
13 Ruwasqa idoloykikunatan, yupaychana sayashaq rumiykikunatan ñut’usaq,manañan makiykiq ruwasqanmanqa k’umuykunkichu.+
14 Sayashaq k’ulluykikunatan* wijch’usaq,+llaqtaykikunatan lliuta ñut’usaq.
15 Mana kasukuq nacionkunamantank’araq phiñakuywan, sinchi renegaywan vengakusaq”, nispa.
Uraypi willakuykuna
^ Chaypiqa yaqapaschá Sionmanta rimashan.
^ Chaypiqa Israelta kamachinanpaq Diospa ajllasqanmantan rimashan.
^ Sullataqa “chhulla” nillankutaqmi.
^ Qhaway Explicasqa simikuna nisqapi “Sayashaq k’ullu” nisqata.
