4026 wata qhepaman J.n.j.

“Katareqa” nin Jehová Diosqa mana derechoyojchu kasqanta gobernananpaj, nitaj allintachu gobernasqanta. Jehová Diosqa willan uj ‘miray’ katarita nisunman Satanasta pʼaltarparinanta (Génesis 3:1-5, 15). Jinapis Jehovaqa runasta saqen uj tiempota paykunapura gobernanakunankuta Satanaswan yanapachikuspa.

1943 wata J.n.j.

Jehová Diosqa Abrahanman juraspa nin chay willasqan ‘mirayqa’ mirayninmanta ujnin kananta (Génesis 22:18).

1070 wata qhepaman J.n.j.

Jehová Diosqa rey Davidman willan, aswan qhepamantaj wawan Salomonmanpis willallantaj chay willasqan ‘mirayqa’ familiankumanta kananta (2 Samuel 7:12, 16; 1 Reyes 9:3-5; Isaías 9:6, 7).

29 wata J.j.

Jehová Diosqa nin chay willasqan ‘mirayqa’ Jesús kasqanta, Davidpa kamachina tiyananpitaj tiyaykukunanta (Gálatas 3:16; Lucas 1:31-33; 3:21, 22).

 33 wata J.j.

Katareqa nisunman Satanasqa Jesusta wañuchichin. Ajinamanta Diospa willasqan ‘mirayta’ nanaykuchin, nitaj unaypajchu. Jehová Diosqa Jesusta kausarichispa cieloman kutichin, mana juchayoj kausayninpa valornintataj valechin. Chaynejta juchasta perdonayta atin, Adanpa mirayninmanta kajkunapis wiñaypaj kausakuyta atinku (Génesis 3:15; Hechos 2:32-36; 1 Corintios 15:21, 22).

1914 wata chaynejta J.j.

Jesusqa katarita nisunman Satanasta jallpʼaman wijchʼuykamun, pisi tiempollatataj jallpʼapi japʼin (Apocalipsis 12:7-9, 12).

Qhepaman

Jesusqa Satanasta waranqa wataspaj wisqʼaykun, chaymantataj wañuchin, umantapis pʼaltarparinman jina. Chantá juntʼakun Dios imatachus ruwasaj nisqan jallpʼapajpis runaspajpis. Diospa sutenqa tukuy ima tumpaykusqankumanta llimphuchakun, sutʼitaj yachakun paylla aswan sumajta gobernasqanta (Apocalipsis 20:1-3, 10; 21:3, 4).