Dicon Nos Mester Resa den Nomber di Hesus?
E contesta cu Bijbel ta duna
Nos mester resa na Dios den nomber di Hesus, pasobra esey ta e unico manera cu Dios kier pa nos acerc’e. Hesus a bisa: “Ami ta e caminda, e berdad y e bida. Ningun hende no ta yega cerca e Tata si no ta pa medio di mi.” (Juan 14:6) Ademas, Hesus a bisa su fiel apostelnan: “Kico cu boso pidi e Tata den mi nomber, lo e duna boso.”—Juan 16:23.
Mas motibo dicon nos tin cu resa den nomber di Hesus
Asina nos ta honra Hesus y su Tata, Jehova Dios.—Filipensenan 2:9-11.
Di e manera ey nos ta mustra gratitud pa Hesus su morto como e medio cu Dios ta uza pa nos haya salbacion.—Mateo 20:28; Echonan 4:12.
Cu esey nos ta reconoce Hesus como e unico persona cu por intermedia entre Dios y hende.—Hebreonan 7:25.
Asina nos ta mustra respet pa e posicion di Hesus como Sumo Sacerdote, kende por yuda nos haya un bon relacion cu Dios.—Hebreonan 4:14-16.
You May Also Like
PREGUNTA CU BIJBEL TA CONTESTA
Ta Bon pa Resa na Santo?
Nos por haya sa for di Bijbel na ken nos tin cu acudi den oracion.
E TOREN DI VIGILANCIA
Kico Bo Por Haci pa Dios Scucha Bo Oracion?
Nos por papia cu Dios na unda cu ta y ki ora cu ta, sea na bos halto of den silencio. Hesus a yuda nos haya sa kico pa bisa.
