Йесо Чырыстийы номӕй кувын цӕмӕн хъӕуы?
Дзуапп Библийӕ
Хуыцаумӕ хъуамӕ кувӕм Чырыстийы номӕй, уымӕн ӕмӕ нын нӕ куывдтытӕ ӕрмӕстдӕр уӕд хъусдзӕн. Чырысти загъта: «Ӕз дӕн фӕндаг, рӕстдзинад ӕмӕ цард. Мӕ Фыдмӕ мӕн уылты йеддӕмӕ ӕрцӕуӕн никӕуылты ис» (Иоанны 14:6). Чырысти йӕ иузӕрдион апостолтӕн дӕр загъта: «Ӕцӕг цы у, уый уын зӕгъын: мӕ Фыдӕй цыфӕнды ма ракурат мӕ номӕй,– ратдзӕн уын ӕй» (Иоанны 16:23).
Чырыстийы номӕй ма цӕмӕн хъуамӕ кувӕм
Афтӕмӕй кад кӕнӕм Чырыстийӕн дӕр ӕмӕ йӕ Фыд Йегъовӕ Хуыцауӕн дӕр (Филиппӕгтӕм 2:9–11).
Афтӕмӕй аргъ кӕнӕм, Чырысти мах тыххӕй йӕ цард кӕй радта ӕмӕ нӕ уый фӕрцы Хуыцау кӕй ирвӕзын кӕны, уымӕн (Матфейы 20:28; Хъуыддӕгтӕ 4:12).
Мах ӕмбарӕм, Хуыцау ӕмӕ адӕмы ’хсӕн Чырысти Ӕхсӕны лӕг кӕй у (Дзуттӕгтӕм 7:25).
Чырысти Хистӕр сауджын кӕй у ӕмӕ нын Хуыцауы хорзӕх ссарынӕн кӕй ӕххуыс кӕны, уый тыххӕй йын аргъ кӕнӕм (Дзуттӕгтӕм 4:14–16).